கனிமொழி கைது - தொடர்பான செய்திகள்..

**ந.கார்த்தி** · **ந.கார்த்தி** Tue May 03, 2011 1:07 pm

First topic message reminder :

2ஜி விவகாரத்தில் சிபிஐயின் குற்றப் பத்திரிக்கையில் முதல்வர் கருணாநிதியின் மகள் கனிமொழியின் பெயர் சேர்க்கப்பட்டுள்ள நிலையில், தமிழக சட்டத்துறை அமைச்சர் துரைமுருகன் டெல்லி விரைந்து சட்ட நிபுணர்களை சந்தித்து ஆலோசனை நடத்தியுள்ளார்.

2ஜி ஸ்பெக்ட்ரம் ஒதுக்கீடு விவகாரத்தில் ஆதாயம் பெற்ற டிபி ரியாலிட்டி நிறுவனம், கலைஞர் தொலைக்காட்சிக்கு ரூ. 214 கோடி வழங்கியது தொடர்பாக அந்தத் தொலைக்காட்சியின் பங்குதாரர் என்ற வகையில் கனிமொழியின் பெயர் சேர்க்கப்பட்டுள்ளது.

இந்த வழக்கில் வரும் 6ம் தேதி டெல்லி சிபிஐ சிறப்பு நீதிமன்றத்தில் ஆஜராகுமாறு கனிமொழிக்கு நோட்டீஸ் அனுப்பப்பட்டுள்ளது.

இந் நிலையில் கனிமொழி நீதிமன்றத்தில் ஆஜராகும்போது அவருக்கு ஜாமீன் கிடைக்கும் வகையிலான நடவடிக்கைகள் குறித்து சட்ட நிபுணர்களுடன் துரைமுருகன் ஆலோசித்ததாகத் தெரிகிறது.

இந்த விவகாரத்தில் முன்னாள் தொலைத்தொடர்புத் துறையின் அமைச்சர் ஆ.ராசாவின் தனி செயலாளர் சந்தோலியா, முன்னாள் தொலைத்தொடர்புத் துறையின் செயலாளர் சித்தார்த் பெகுரியா மற்றும் 5 தொலைத்தொடர்பு நிறுவனங்களின் உயர் அதிகாரிகள் ஐந்து பேரின் ஜாமீன் மனுக்களை சிறப்பு நீதிமன்றம் ஏற்கெனவே நிராகரித்துவிட்டது குறிப்பிடத்தக்கது.
TMT

SK · SK Fri May 20, 2011 4:19 pm

மு.வித்யாசன் wrote:
கனிமொழி கைது என்பது கலைஞருக்கு கசப்பான செய்தி.

உப்பை தின்றவர் தண்ணீர் அருந்தியாக வேண்டும்.
கவிதையில் பொய் கூறினால் பரவாயில்லை. பாவம் கலைஞர் டிவி இயக்குநரோடு பொய் ஆட்டம் போட்டால் இப்படிதான்.

ஆனால், ஆட்சி உடைந்த பின்பு கைகளுக்கு விலங்கு பூட்டுவது. நீதிக்கு நிம்மதி இல்லை. சட்டம் ஆளும் வர்க்கத்தின் சட்டை பையில் மட்டுமே இருக்கிறது என்பது வருந்தக் கூடிய ஒன்றாகும்.

ஆளும்போதே இந்த நீதி கிடைத்திருந்தால் சட்டம் சரியானது. இப்போதும் இந்த சட்டம் தவறானதையே செய்கிறது.

குற்றம் செய்தவர்கள் தண்டனைக்கு உரியவர்கள் தான். இருப்பினும் குற்றம் செய்யும்போது மண்டியிட்டு கைகளை கட்டி நின்றவர்களுக்கு இந்த தண்டனை தள்ளி நிற்பதுதான் வேதனை. கனிமொழி சிறையில் குள்ள நரிகள் பல வெளியில்.

கலைவேந்தன் · கலைவேந்தன் Fri May 20, 2011 4:23 pm

தாமு · தாமு Fri May 20, 2011 5:33 pm

திஹார் பெண்கள் சிறையில் அறை எண் 6 இல் கனிமொழி.!

கனிமொழி கைது - தொடர்பான செய்திகள்.. - Page 7 1304680632_kanimoli+6

கனிமொழியின் ஜாமீன் மனு சி.பி.ஐ நீதிமன்றத்தால் தள்ளுபடி.ஸ்பெக்ட்ரம் வழக்கில் கனிமொழிக்கு பிணை வழங்க முடியாது என டெல்லியில் உள்ள சி.பி.ஐ சிறப்பு நீதிமன்ற நீதிபதி பரபரப்புத் தீர்ப்பு அளித்துள்ளார்.
தமிழக ஆட்சி மாற்றம் காரணமாக கோட்டையை இழந்த தி.மு.க.,வுக்கு கனிமொழி கைது செய்யப்பட்டமை பெரும் அதிர்ச்சியையும், கவலையையும் ஏற்படுத்தியுள்ளது. இந்த வழக்கின் குற்றப்பத்திரிகையில் கருணாநிதியின் மகள் கனிமொழி, கலைஞர் டி.வி.,யின் இயக்குனர் சரத்குமார் ஆகியோரும் சேர்க்கப்பட்டனர்.
கூட்டுச்சதியாளராக கருதப்படும் கனிமொழிக்கு பிணை வழங்க முடியாது என கைவிரித்து விட்டார்.
திஹார் பெண்கள் சிறையில் அறை எண் 6 இல் கனிமொழி அடைக்கப்படுகிறார்.

நாழிகை

முரளிராஜா · முரளிராஜா Sat May 21, 2011 10:49 am

திஹார் சிறையில் 15 அடிக்கு 10 அடி அளவிலான அறையில் அடைக்கப்பட்டுள்ளார் திமுக ராஜ்யசபா எம்.பி. கனிமொழி.

சென்னை சிஐடி காலனியில் உள்ள அரண்மனை போன்ற வீட்டில் இருந்த கனிமொழி இவ்வளவு குறுகிய அறையில் அடைக்கப்பட்டிருப்பது அவரது குடும்பத்தினரை பெரும் சோகத்தில் ஆழ்த்தியுள்ளது.

கனிமொழி வருமான வரி செலுத்துபவர் என்பதால் அவருக்கு சிறை அறையில் மின்விசிறி, டிவி, கட்டில் ஆகிய வசதிகள் தரப்பட்டுள்ளன.

நேற்று சிபிஐ நீதிபதி ஷைனி, கனிமொழியின் முன்ஜாமீன் மனுவை நிராகரித்து உடனடியாக அவரைக் கைது செய்ய உத்தரவிட்டபோது கனிமொழி அழுது விட்டார். அருகில் இருந்த தனது கணவர் அரவிந்தனின் தோள் மீது சாய்ந்து அவர் அழுதார்.

இதைப் பார்த்து அருகில் நின்றிருந்த முன்னாள் அமைச்சர் ராசாவின் மனைவி பரமேஸ்வரியும் கலங்கிப் போய், கனிமொழியை அணைத்து ஆறுதல் கூறினார்.

43 வயதான கனிமொழி திஹார் சிறையின் 6வது சிறைப் பிரிவுக்குக் கொண்டு செல்லப்பட்டு அங்கு அவரது அறையில் அடைக்கப்பட்டார். அது தனி அறையாகும்.

கோர்ட்டிலிருந்து சிறைக்கு கனிமொழியை பெண் காவலர்கள் துணையுடன் போலீஸார் அழைத்துச் சென்றனர்.
நன்றி தட்ஸ் தமிழ்

ஹாசிம் · ஹாசிம் Sat May 21, 2011 10:57 am

பாவம் கனிமொழி ஒரு பெண் என்பதால் மனம் வருந்தத்தோன்றுகிறது
இருந்தாலும் ஆசை யாரை விட்டுவைத்தது வினைவிதைப்பவர் அதை அறுவடை செய்துதான் ஆக வேண்டும்
அனுதாபங்கள்

SK · SK Sat May 21, 2011 11:08 am

இந்த செய்தியை இன்னும் சன் டி‌வி கலைஞர் டி‌வி ஆகியவை இன்னும் ஒளிபரப்பவே இல்லை

இதில் இருந்தே தெரிகிறது இவர்களின் கேப்மாறித்தனம்

Sponsored content · Sponsored content

கனிமொழி கைது - தொடர்பான செய்திகள்..

கனிமொழி கைது - தொடர்பான செய்திகள்..

Re: கனிமொழி கைது - தொடர்பான செய்திகள்..

Re: கனிமொழி கைது - தொடர்பான செய்திகள்..

Re: கனிமொழி கைது - தொடர்பான செய்திகள்..

15க்கு10 அடி சிறை அறையில் அடைக்கப்பட்டுள்ள கனிமொழி

Re: கனிமொழி கைது - தொடர்பான செய்திகள்..

Re: கனிமொழி கைது - தொடர்பான செய்திகள்..

Re: கனிமொழி கைது - தொடர்பான செய்திகள்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக