ஆண்மை காக்கும் பெண்மை

செய்தாலி · செய்தாலி Sat 23 Oct 2010 - 18:44

இறைவன் படைத்த இப்புவியில்
புதுமைகள் தாங்கி நிற்பவைகள்
ஆண்மை வலிமையின் அடையாளங்கள்

நொடிப்பொழுதில் வலிமையிழந்து
நிலைகுலைந்து நிற்கிறேன்
உன்னுடனான கட்டில் யுத்தத்தில்

என் தோல்விகளை ஒப்புக்கொள்ள
இன்றும் மனம் மறுக்கிறது
அதன் காரணங்கள் என்ஆண்மை

ஆண்மை நிலை உணர்ந்த
நன்மை பெண்மையின் நல்கனிவு
ஆசைகளை தியாகம் செய்து
தலை நிமிர்த்துகிறது
ஆண்மை அடையாளங்களை

சில உறவுகளின் புரிதலின்மை
மனங்களில் விரிசல் இட்டு
பந்தங்களை முறித்துகொள்கிறது

இரு உறவுகளின் கூடல்களை
அந்தரங்க இரகசியம் என்பார்கள்
அதன் மெய் உணர்ந்தவர்கள்
புவிபோற்றும் பெண்மைகள்

இரகசியங்கள் உடைபட்டால்
கீழ்விழுந்து சிதறிவிடும்
ஆண்மையின் அடையாளங்கள்

பெருந்தன்மை பெண்மைகள்
இன்றும் காத்துவருகிறார்கள்
ஆண்மையின் இரகசியங்களை

புவியாளும் ஆண்மைகள்
என்று உணர்ந்து கொள்ளும்
தனையாளும் பெண்மையை..?