அன்பை விற்றிடா தாய்மை

ஹாசிம் · ஹாசிம் Thu Apr 28, 2011 3:13 pm

ஏனம்மா அழுகின்றாய்
எதற்காக நோகின்றாய்
ஈன்ற குழந்தையினை
ஏனிப்படி பிரித்தார்களென்றா??

பத்துமாதம் பத்திரமாய்க்காத்து
பகலிரவாய் பத்தியமும் இருந்து
ஆசையாய் ஈன்றவனை
ஆசைதீர முகருமுன்
ஆழிப்பேரலையாய் வந்து
அள்ளிச்சென்றனரென்றா??
(அழுகின்றாய்)

அம்மாவென்ற குரல்கேட்டு
ஆரத்தழுவியணைத்து
முத்தம் பதித்துப் பாலும் தந்து
முழுமையாய்க் காத்திட
மறுத்துவிட்டார்களென்றா ??
(அழுகின்றாய்)

காசுக்கு விலைபோன உலகென்று
காகிதத்தைக் குமித்துவிட்டு
மனச்சுமையும் உடல்சுமையும்
நீங்குமுன்னரே... முனைந்து
நீக்கிவிட்டனரென்றா??
(அழுகின்றாய்)

எத்தனை அத்தாட்சிகளோடு
எழுதப்பட்ட உறுதிகளாயினும்
விலைமதிப்பற்ற (தாய்ப்)பாசத்திற்கு
விலைபோனதை நினைத்தா??
(அழுகின்றாய்)

ஹாசிம் · ஹாசிம் Thu Apr 28, 2011 4:10 pm

உதயசுதா · உதயசுதா Thu Apr 28, 2011 4:28 pm

மன்னிச்சூடுங்க ஹாசிம் எனக்கு இந்த கவிதை புரியலை.

ஹாசிம் · ஹாசிம் Thu Apr 28, 2011 4:46 pm

உதயசுதா wrote:மன்னிச்சூடுங்க ஹாசிம் எனக்கு இந்த கவிதை புரியலை.

மன்னிப்பெதற்கு கேட்கிறீர்கள் சுதா உங்கள் கருத்தில் என்னை வளப்டுத்துகிறேன் கருத்தினை கண்டிப்பாக வெளிப்படுத்தும் போது புரிந்து கொள்ளக் கூடியதாக அமைகிறது

சில கவிதைகள் கருவினை வைத்து எழுதிய பின்னர் தலைப்பிட தோன்றும் சில கவிதைகள் தலைப்பை வைத்து வரிகளமைக்க தோன்றும் இந்தக் கவிதையைப்பொறுத்த வரை இரண்டாவது ரகம் நான் தலைப்பொன்று பெற்றிருந்தேன் அதற்காக எழுதியது

இத்தலைப்புக்காக நான் எடுத்த கருவானது வாடகைத்தாய் ஒன்று குழந்தையினை ஈன்றவுடன் கைமாறிய பிறகு அவளின் நிலையினை உணர்த்துவதாக அதாவது எவ்வளவுதான் பணத்திற்காக பேரம்பேசி ஒரு குழந்தையினை ஈன்று கொடுத்தாலும் கொடுத்த பின்னர் அவளது பாசம் அன்பு மாறுவதில்லை அவளால் இச்செயலை ஏற்றுக்கொள்ள முடிவதில்லை குழந்தையின் பாசம் அவளை பாடாய்படுத்துமே அன்னிலையில் அழுபவளை குழந்தை வினவுவதாக எடுத்துக்கொண்டேன்

இதில் கருத்தை எதிர்பார்த்தேன் அதனால்தான் எமது பாசறையில் பதிந்து காத்திருந்தேன் திருத்தங்கள் வரும் என்று உங்கள் கருத்தை வெளிப்டையாக சொன்னதில் சந்தோசமடைகிறேன் நன்றிகள்