பகவான் தாய் மொழி தெலுங்கு

இரா.எட்வின் · இரா.எட்வின் Thu Apr 28, 2011 1:54 am

மரணம் தவிர்க்க இயலாதது. ஆனாலும் அது ஒவ்வொரு முறை நிகழும் போதும் ஒரு உலுக்கு உலுக்கிவிட்டுத்தான் போகும். எனக்கு சாய்பாபா அவர்கள் மீது கடுமையான விமர்சனங்கள் உண்டு. மேடைகளில் நிறைய விமர்சனம் செய்திருக்கிறேன். இனியும் தேவைப் படும் போதெல்லாம் செய்யவே செய்வேன். அவரது பெயரால் குவிக்கப் பட்ட சொத்துக்கள், அங்கு உள்ளே நடந்த திறை மறைவு வேலைகள், ஏற்கனவே அவரைக் கொல்ல நடந்ததாக சொல்லப்பட்ட முயற்சி, அது அப்படியே மறைக்கப் பட்டதின் பின்னே உள்ள அரசியல், இந்திய ஜனாதிபதி வரை அவரது காலடியில் கிடந்த கீழ்மை, அவரது மந்திரங்கள் என இவை அனைத்தும் குறித்து எப்போதும் போலவே இனியும் தேவைப் படும் இடங்களில் விமர்சிப்பேன்.

ஆனாலும் அவர் தன்னை ஒரு தெலுங்கராய் உணர்ந்து வைத்திருந்ததும் தன் தாய் மொழியை பிற மொழிக்காரனும் பிழையாக உச்சரித்து விடக் கூடாது என்பதில் அவருக்கிருந்த அக்கறை ஆகியவற்றிற்காக அவரை நான் தலை தாழ்த்தி வணங்குகிறேன். உணர்ச்சி வசப்படாமல், ஆரவாரமில்லாமல், மொழிமீது பற்று வைக்கவும் கவனம் குவிக்கவும் அவரிடமிருந்து கற்றுக்கொள்ள இருக்கிறது.

அவருக்கு ஆழ்ந்த இரங்களைத் தெரிவித்துக் கொள்கிறேன். இனி நான் மூன்று ஆண்டுகளுக்கு முன்னால் நான் எழுதிய “பகவான் தாய் மொழி தெலுங்கு” என்ற கட்டுரையை உங்கள் பார்வைக்கு வைக்கிறேன்.

சற்றே சமீபத்தில் புட்டபர்த்தி சென்று சாய்பாபா முன்னிலையில் பாடிய தனது அனுபவத்தை “கல்கி” யில் பதிந்திருக்கிறார் டி.எம்.கிறிஷ்ணா.சிலாகிப்பினை ஊன் உருக, உயிர் உருகப் பதிந்திருக்கிறார் என்பதே உண்மை.

சற்றேரக் குறைய எழுபது நிமிடங்கள் பாடிய அவரை அழைத்து, காற்றிலே விரல் சொடுக்கி, வலது கை விரலில் ஒன்றும் இடது கை விரலில் ஒன்றும் ஆக இரண்டு மோதிரங்களை சாய்பாபா அவர்கள் அணிவித்ததாக பக்தி கசியக் கசியச் சொல்கிறார் கிறிஷ்ணா.

இது மூட நம்பிக்கையா? மோசடியா? நிறைய பேர் நிறைய எழுதிவிட்டார்கள். எனவே அதற்குள் போக நான் அக்கறைப் படவில்லை.

“தெலுங்கு வார்த்தைகளில் கொஞ்சம் கவனம் வைத்துக் கொள்” என்று தன்னிடம் சாய்பாபா அவர்கள் சொன்னதாய் போகிற போக்கில் கிருஷ்ணா சொல்லிச் சென்றுள்ள விஷயத்தில்தான் நாம் கூடுதல் கவனம் குவிக்க வேண்டும் என்று படுகிறது.

கிருஷ்ணா அவர்கள் தெலுங்கு உச்சரிப்பில் ஏதோ பிசகியிருக்க வேண்டும். அதைத் திருத்தும் விதமாகத்தான் சாய்பாப அவர்கள் மேலே சொன்னதை சொல்லியிருக்கக் கூடும்.

இதில் ஒன்றும் பிழை இருப்பதாகப் படவில்லை. பகவானேயாயினும் சாய்பாபா அவர்கள் ஒரு தெலுங்கர். அவரது தாய் மொழி தெலுங்கு. கடவுளின் அவதாரமாகவே பல கோடி மக்கள் அவரக் கொண்டாடினாலும் தமது தாய்மொழி தெலுங்கு என்பதிலும் , தனது தாய் மொழியை வேற்று மொழிக்காரரும் சரியாக உச்சரிக்க வேண்டும் என்பதிலும் அவருக்குள்ள அக்கறையை நாம் போற்றுகிறோம்.

இன்னுஞ்சொல்லப் போனால் எல்லா விஷயங்களிலும் அவரோடு முரண்படுகிற நாம் , அவரது மொழிப் பற்றை சிரந்தாழ்த்தி மகிழ்ச்சியோடு வணங்குகிறோம்.

அவர் தெலுங்கர். அவரது தாய்மொழி தெலுங்கு. அவரும் அதை உணர்ந்திருக்கிறார். தலை தாழ்த்திப் போற்றுகிறோம்.

நாம் தமிழர். நமது தாய்மொழி தமிழ்.

இதை நாமெப்போது உணரப் போகிறோம்.

மகா பிரபு · மகா பிரபு Thu Apr 28, 2011 5:21 am

தமிழ் அழிவு பாதையில் தான் செல்கிறது. இப்பொழுதே எது தமிழ், எது பிற மொழி சொல் என்று படித்தவர்களுக்கே தெரியவில்லை. பாமரர்களின நிலையை சொல்லி தெரிய வேண்டியதில்லை. என்று தான் இந்நிலை மாறுமோ?

நன்றி எட்வின் ஐயா.

இரா.எட்வின் · இரா.எட்வின் Thu Apr 28, 2011 6:00 am

அறிமுக நாயகன் wrote:தமிழ் அழிவு பாதையில் தான் செல்கிறது. இப்பொழுதே எது தமிழ், எது பிற மொழி சொல் என்று படித்தவர்களுக்கே தெரியவில்லை. பாமரர்களின நிலையை சொல்லி தெரிய வேண்டியதில்லை. என்று தான் இந்நிலை மாறுமோ?

நன்றி எட்வின் ஐயா.

நன்றி தோழர். பாமரர்கள்தான் புழஙிப் புழங்கி தமிழை வாழ வைத்துக் கொண்டிருக்கிறார்கள்.

கலைவேந்தன் · கலைவேந்தன் Thu Apr 28, 2011 6:07 am

தாய்ப்பற்றும் தாய்மண் பற்றும் தாய் மொழிப்பற்றும் இருப்பதில் தவ்றே இல்லை.

அவை வெறியாக மாறும் போதுதான் சிக்கலே எழுகிறது.

இரா.எட்வின் · இரா.எட்வின் Thu Apr 28, 2011 6:11 am

கலைவேந்தன் wrote:தாய்ப்பற்றும் தாய்மண் பற்றும் தாய் மொழிப்பற்றும் இருப்பதில் தவ்றே இல்லை.

அவை வெறியாக மாறும் போதுதான் சிக்கலே எழுகிறது.

வணக்கம் தோழர்,
பிரச்சினை என்னன்னா சொந்தத் தாயை மொழியை பற்றுகொண்டு நேசிக்க மாட்டேன் என்பவர்களிடம்தான் வெறியே இருக்கிறது.

Sponsored content · Sponsored content

பகவான் தாய் மொழி தெலுங்கு

பகவான் தாய் மொழி தெலுங்கு

Re: பகவான் தாய் மொழி தெலுங்கு

Re: பகவான் தாய் மொழி தெலுங்கு

Re: பகவான் தாய் மொழி தெலுங்கு

Re: பகவான் தாய் மொழி தெலுங்கு

Re: பகவான் தாய் மொழி தெலுங்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக