இன்று செர்னோபில் அணு உலை விபத்தின் 25ம் ஆண்டு தினம் அனுசரிப்பு

உலகையே அச்சுறுத்திய மிக மோசமான அணு உலை விபத்தான உக்ரைன் நாட்டில் நடந்த செர்னோபில் அணு உலை விபத்தின் 25ம் ஆண்டு இன்று அனுசரிக்கப்படுகிறது.
கடந்த 1986ம் ஆண்டு ஏப்ரல் 26ம் திகதி உக்ரைன் நாட்டின் செர்னோபையல் அணு உலை வெடித்து சிதறியதில் ஏற்பட்ட கதிர்வீச்சு தாக்குதலால் 30 லட்சத்திற்கும் அதிகமான மக்கள் பலியாயினர். உலகிலேயே மிகவும் மோசமான அணு உலை விபத்து என இந்த சம்பவம் கூறப்படுகிறது.

கடந்த சில மாதங்களுக்கு முன்பு ஜப்பானின் ஏற்பட்ட சுனாமி தாக்குதலால் அணு உலைகள் வெடித்து கதிர்வீச்சை உண்டாக்கியதை காட்டிலும், 25 மடங்கு அதிகமாக செர்னோபையல் சம்பவம் நிகழ்ந்தது. இந்த சம்பவம் ஐரோப்பா முழுவதையும் பீதிக்குள்ளாக்கியது.

இந்த சம்பவம் குறித்து ரஷ்யாவைச் சேர்ந்த உயிரியல்த்துறை வல்லுனர் அலெக்ஸியாப்லோகோவ, மற்றும் உக்ரைன் நாட்ட‌ை சேர்ந்த இரு ஆராய்ச்சியாளர்கள் கூட்டாக எழுதி "செர்னோபையல் இன் ரஷ்யா" என்ற புத்தகத்தில் வெளியிட்டுள்ள தகவலில் கடந்த 2004ம் ஆண்டு வரை 9 லட்சத்து 85 ஆயிரம் பேர் பலியாகியுள்ளனர். இவர்களில் பெரும்பாலும் புற்று நோய் தாக்குதலால் இறந்துள்ளனர்.

ரஷ்ய மொழியில் எழுதப்பட்ட இந்த புத்தகம் கடந்த 2009ம் ஆண்டு ஆங்கிலத்திலும் ‌எழுதப்பட்டு அமெரிக்காவின் நியூயார்க்கில் வெளியிடப்பட்டது. இந்நிலையில் கடந்த வாரம் உக்ரைன் தலைவர் கிவிவ் வந்திருந்த சர்வதேச அணுசக்தி கமிஷன் தலைவர் யூகியோ அமோன் தெரிவித்ததாவது: ஜப்பானில் நிகழ்ந்த புகுஷிமா, டச்சி அணு உலைகள் வெடித்து சிதறியதால் ஏற்பட்ட கதிர்வீச்சு தாக்குதல் சம்பவம் உலகம் முழுவதும் விழிப்புணர்வினை ஏற்படுத்தியுள்ளது என்றார்.

எனினும் செர்னோபையல் அணு உலை விபத்தினால் ஏற்பட்ட கதிர்வீச்சு 60 கி.மீ தூரத்திற்கு பரவியது. இந்த கதிர்வீச்சில் ஸ்ட்ரோனியம்-90, சிசீயம்-137, மற்றும் புளோட்டினியம் போன்ற கதிர்வீச்சுகள் கிவிவ் நகரில் டெனீப்பர் நதியில் கலந்துள்ளன. இவற்றில் புளோட்டினியம் அழிக்கப்பட்டு விட்டதாக செர்னோபையல் அணு உலையில் 7 ஆண்டுகள் பணியாற்றிய இயற்பியல் அறிவியலார் ஆனடோனிடெம்ஸ்கி தெரிவித்துள்ளார்.

உலகினை பரபரப்புக்குள்ளாக்கிய செர்னோபைல் சம்பவம், ஜப்பானில் நிகழ்ந்த அணு உலை வெடித்து சிதறியது போன்ற சம்பவங்களால் உலக நாடுகளில் உள்ள அணு உலைகளின் பாதுகாப்பு குறித்த அவசியத்தை வலியுறுத்தியுள்ளது.

விடுப்பு