இந்தியாவில் அதிகம் சுற்றுச்சூழலை கெடுப்பதில் இன்டர்நெட் அதிக பங்கு

முரளிராஜா · முரளிராஜா Sun Apr 24, 2011 6:36 am

சுற்றுச்சூழலை கெடுப்பதில் இன்டர்நெட் போன்ற தகவல் தொகுப்பு மையங்கள் மிகப் பெரிய பங்கு வகிக்கின்றன. அவை உபயோகிக்கும் எரிசக்தி அளவு, இந்தியாவின் ஒட்டுமொத்த தேவையை விட அதிகம் என்று ஆய்வறிக்கை தெரிவிக்கிறது.
சுற்றுச்சூழல் பாதுகாப்புக்கான அமைப்பு கிரீன்பீஸ். அதன் சார்பில் தகவல் தொகுப்பு மையங்களால் சுற்றுச்சூழலுக்கு ஏற்படும் ஆபத்து குறித்து Ôஹவ் டர்ட்டி ஈஸ் யுவர் டேட்டா’ என்ற பெயரில் விரிவான ஆய்வு நடத்தப்பட்டது. அதன் அறிக்கையில் கூறியிருப்பதாவது:
கூகுள், அகாமாய், யாகூ, ஆப்பிள் இங்க் போன்ற இன்டர்நெட் வசதிக்கான தகவல் தொகுப்பு மையங்கள் ஆண்டுக்கு 66,200 கோடி கிலோ வாட் மின்சக்தியை பயன்படுத்துகின்றன. அதன் மூலம், சுற்றுச்சூழல் சீர்கேட்டை ஏற்படுத்துவதில் முக்கிய பங்கு வகிக்கின்றன. அதிக எரிசக்தி பயன்பாடு மூலம் பூமி வெப்பமயமாவது ஆபத்தான அறிகுறி. இந்த தகவல் தொகுப்பு மையங்கள் செலவிடும் எரிசக்தியை விட இந்தியாவின் ஒட்டுமொத்த ஆண்டு எரிசக்தி தேவை குறைவு. அதாவது, இந்தியாவில் 56,800 கோடி கிலோ வாட் எரிசக்தி செலவிடப்படுகிறது. அதைவிட சுமார் 10,000 கோடி கிலோ வாட் மின்சக்தியை தகவல் மையங்கள் பயன்படுத்துகின்றன.
சுற்றுச்சூழலை காப்பதுடன் செலவைக் கட்டுப்படுத்தும் வகையிலும் மின் சிக்கனத்தின் அவசியத்தை தகவல் தொழில்நுட்ப நிறுவனங்கள் உணர்ந்துள்ளன. எனினும், தூய்மையான எரிசக்திக்கான மாற்று வழிகள் மீது அவை அக்கறை காட்டவில்லை. அதனால், பெரும்பாலான தகவல் மையங்களில் நிலக்கரியில் இருந்து பெறப்படும் மின்சாரமே பயன்படுத்தப்படுகிறது. இவ்வாறு கிரீன்பீஸ் அறிக்கை தெரிவிக்கிறது.

நன்றி தினகரன்

முரளிராஜா · முரளிராஜா Mon Apr 25, 2011 8:46 am

முந்தைய பதிவோடு இணைத்துவிட்டேன்

இந்தியாவில் அதிகம் சுற்றுச்சூழலை கெடுப்பதில் இன்டர்நெட் அதிக பங்கு

இந்தியாவில் அதிகம் சுற்றுச்சூழலை கெடுப்பதில் இன்டர்நெட் அதிக பங்கு

Re: இந்தியாவில் அதிகம் சுற்றுச்சூழலை கெடுப்பதில் இன்டர்நெட் அதிக பங்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக