புட்டபர்த்தியில் தடை உத்தரவு அபாய கட்டத்தில் சாய்பாபா _ டாக்டர் சபாயா

Guest · Guest Sat Apr 23, 2011 7:50 pm

First topic message reminder :

சாய்பாபா உடல்நிலை தொடர்ந்து மோசமடைந்து வருவதாக மருத்துவ குழுவினர் நேற்றுக்காலை தெரிவித்தனர். இதையடுத்து, அசம்பாவித சம்பவங்களை தடுக்க சுமார் 5 ஆயிரம் பொலிஸாரும் குவிக்கப்பட்டுள்ளனர். பக்தர்கள் யாரும் புட்ட பர்த்திக்கு வரவேண்டாம் என அறிவிக்கப்பட்டுள்ளது. சாய்பாபா உடல்நிலை கடந்த 28 ஆம் திகதி திடீரென பாதிக்கப்பட்டது. அங்குள்ள சத்யசாய் சூப்பர் ஸ்பெஷாலிட்டி உயர் நிலை மருத்துவமனை யில் அவர் சேர்க்கப்பட்டார்.

இரத்த அழுத்தம், நுரையீரலில் கோளாறு ஏற்பட்டதால் சாய்பாபாவுக்கு மூச்சு திணறல் ஏற்பட்டது. இதனால் அவருக்கு வென்டி லேட்டர் பொருத்தப்பட்டது. சிறு நீரகமும், கல்லீரலும் பாதிக்கப்பட்டதால் அவருக்கு தொடர்ந்து தீவிர சிகிச்சை அளிக்கப்பட்டு வருகிறது.

அமெரிக்காவில் இருந்து மருத்துவ நிபுணர் குழுவினரும்,ஆந்திர மாநில சுகாதார செயலாளர் தலைமையில் மருத்துவ குழுவினரும் தொடர்ந்து கண்காணித்து வருகின்றனர்.சாய்பாபாவுக்கு இரத்த சுத்திகரிப்புக்காக டி.ஆர்.ஆர்.என்ற மருத்துவ முறையில் டயாலிசிஸ் செய்யப்பட்டு வருகிறது.

இதற்கிடையே, அவரது உடல்நலம் குறித்து பக்தர்களிடையே பல்வேறு சந்தேகங்கள் எழுந்துள்ளன. பாபா ஒரேஒரு முறை பக்தர்களுக்கு தரிசனம் தரவேண்டும். அவரது உடல்நிலை குறித்த உண்மையான அறிக்கையை வெளியிடவேண்டும் என ஏராளமான பக்தர்கள் கோரிக்கை விடுத்துள்ளனர்.பாபா உடல்நலம் பெற வேண்டி, இந்தியா உட்பட 150 நாடுகளில்உள்ள பக்தர்கள் சிறப்பு பூஜை மற்றும் பிரார்த்தனை செய்து வருகின்றனர்.

இந்நிலையில் சாய்பாபாவின் உடல் நிலை குறித்து அவருக்கு சிகிச்சை அளித்து வரும் மருத்துவக் குழுவினர் நேற்றுக்காலை அதிகாரபூர்வ அறிவிப்பு ஒன்றை வெளியிட்டனர். அதில், சாய்பாபாவின் உடல் உறுப்புகள் ஒவ்வொன்றாக செயலிழந்து வருகிறது. மருத்துவ சிகிச்சையில் முன்னேற்றம் அடைய வில்லை.அவர் அபாய கட்டத்தை நெருங்கி வருகிறார்.ஆனாலும் அவருக்கு தொடர்ந்து சிகிச்சை அளிக்கப்பட்டு வருகிறது. என தெரிவித்துள்ளனர்.

பாபாவின் சிறுநீரகம்,நுரையீரல்,இதயம் போன்றவை சிகிச்சைக்கு ஒத்துழைக்கவில்லை என சூப்பர் ஸ்பெஷாலிட்டி மருத்துவமனை இயக்குநர் டாக்டர் சபாயா நேற்று காலை தெரிவித்தார். சாய்பாபாவின் உடல்நிலை குறித்து ஆந்திர முதல்வர் கிரண்குமார் ரெட்டி ஐதராபாத்தில் இருந்து தொலைபேசி மூலம் தொடர்ந்து கேட்டுவருகிறார். பாபாவின் உடல் நிலை மோசமடைந்து வருவதால் பக்தர்கள் அச்சமடைந்துள் ளனர். அசம்பாவித சம்பவங்கள் ஏற்படாத வகை யில் பிரசாந்தி நிலையம்,மருத்துவமனை வளாகம் உட்பட புட்டபர்த்தி முழுவதும் சுமார் 5 அயிரம் பொலிஸார் பாதுகாப்புக்கு குவிக் கப்பட்டுள்ளனர்.

புட்டபர்த்திக்குள் பக்தர்களை நுழைய விடாமல் தடுக்க 150 செக் போஸ்ட் அமைக் கப்பட்டுள்ளது. பக்தர்கள் யாரும் புட்டபர்த்திக்கு வரவேண் டாம் என்றும் வெளிநாட்டு பக்தர்கள் பெங்க ளூரில் தங்க வேண்டும் என்றும் சாய் அறக் கட்டளை குழுவினர் தெரிவித்துள்ளனர். புட்ட பர்த்தியில் திடீர் தடை உத்தரவு பிறப்பிக்கப் பட்டுள்ளது.கடைகள் அடைக்கப்பட்டுள்ளன. அங்கு தொடர்ந்து பதற்றமான சூழ்நிலை நிலவுகிறது.

மஞ்சுபாஷிணி · மஞ்சுபாஷிணி Sat Apr 23, 2011 9:19 pm

balakarthik wrote:அது சரி இவரு என்ன திடீருனு கெஸ்ட்டாயிட்டாறு

எவரு???

புட்டபர்த்தியில் தடை உத்தரவு அபாய கட்டத்தில் சாய்பாபா _ டாக்டர் சபாயா

புட்டபர்த்தியில் தடை உத்தரவு அபாய கட்டத்தில் சாய்பாபா _ டாக்டர் சபாயா

Re: புட்டபர்த்தியில் தடை உத்தரவு அபாய கட்டத்தில் சாய்பாபா _ டாக்டர் சபாயா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக