பெண்ணின் ஏக்கம் ?

**அருண்** · **அருண்** Sat Apr 23, 2011 1:05 pm

பெண் ஒரு வெற்றியாளனை, ஆண்மைக்குரியவனை தனக்குத் துணையாக தேர்வு செய்ய விரும்பினாலும் நாளடைவில் ஆணின் அடிப்படை இயல்புகள் தன்னுடன் அவனை ஒன்றவிடாமல் தடுத்துவிடும் என்பதை அறியாமல், அரவணைப்பும், நெருக்கமும் தனக்குக் கிடைப்பதில்லை என நினைத்து ஏமாறும் நிலையேற்படும்.
பெண்ணின் மென்மையான உணர்வுகளை உணராமல் இதை கேலி செய்வதோ, இந்த குணங்கள் தனக்கு வந்தால் தன்னை ஆண்மைத் தனத்திலிருந்து அப்புறப்படுத்திவிடும் என்ற அச்சத்தில், செக்ஸைத் தவிர வேறு விதத்தில் தனது உணர்வை வெளிப்படுத்த ஆண் தயங்குகிறான்.

ஆனால் பாலுறவைவிட காதலை தன்னிடம் ஆண் நிறைய பகிர்ந்துகொள்ள வேண்டும் என எதிர்பார்த்து ஏமாறும் பெண் தடுமாற்றத்திற்கு ஆளாகிறாள்.

பல ஆண்கள் வெளியில் செல்வாக்குடன் உள்ளனரே தவிர, வீட்டில் மனைவியுடன் மனம்விட்டுப் பேசவேண்டும், பழகவேண்டும், காதலைச் சொல்ல வேண்டும் என்றெல்லாம் நினைத்துப் பார்ப்பதில்லை.

98 விழுக்காடு பெண்கள், தங்கள் மீதுள்ள காதலை கணவன் அடிக்கடி வார்த்தைகளால் வெளிப்படுத்த வேண்டும் என விரும்புகிறார்கள். தங்களைப் பற்றி, தங்கள் உணர்வுகளைப் பற்றி தங்களுடைய திட்டங்களைப் பற்றி அதிகமாக பேசவேண்டும் என எதிர்பார்க்கிறார்கள்.

இவ்வாறெல்லாம் நடக்காதபோது 40 விழுக்காடு பெண்கள் விவாகரத்து பெற்றுக்கொள்ள விரும்புகிறார்கள். 42 விழுக்காடு பேர் வேறொரு உறவை நாடுகிறார்கள். அந்த உறவு இன்னொரு ஆணுடனாக இருக்கலாம், தனது குழந்தையின் மீது கவனம் செலுத்துவதாக அல்லது வேலையின் மீது கவனத்தைத் திருப்புவதாக இருக்கலாம்.

வெளியுலகத்தை சாராமல் வீட்டுச் சூழலில் அதிகம் இருக்கும் பெண் தனது உணர்வுகளை கணவன் தூண்ட வேண்டும் என எதிர்பார்க்கிறாள். அதற்குப் போதிய அவகாசம் அளிக்கிறாள்.

இதைப் புரிந்துகொண்டு மனைவியுடன் மனம்விட்டுப் பேசுவதை கணவன் வழக்கப்படுத்திக்கொள்ள வேண்டும். இல்லாவிட்டால் இருவருக்கும் இடையே நெருக்கமிராது, மனைவியின் மனம் அன்பிற்காக ஏங்கத் தொடங்கும். அந்த ஏக்கம் தேவையற்ற விளைவுகளைத் தரக்கூடும்.

- டா‌க்ட‌ர் டி.காமரா‌ஜ்
நன்றி! gnanamuthu.com

puthuvaipraba · puthuvaipraba Sat Apr 23, 2011 2:06 pm

இது எல்லா கணவன் மனைவக்கும் பொருந்தாது. பெரும்பாலான பிரச்சனைகள் அவர்களது பேச்சினாலே பிறப்பெடுக்கிறது.

balakarthik · balakarthik Sat Apr 23, 2011 2:19 pm

puthuvaipraba wrote:இது எல்லா கணவன் மனைவக்கும் பொருந்தாது. பெரும்பாலான பிரச்சனைகள் அவர்களது பேச்சினாலே பிறப்பெடுக்கிறது.

அன்பும் பாசமும் கூராயும் கணவன் மனைவிகளிடதே மட்டும்தான் எது பேசினாலும் சண்டை வரும் நண்பா. சண்டைக்கு முக்கிய காரணமே அங்கே அன்பும் காதலும் குறைவதே ஆகும், மனம் ஒதுபோகவில்லை எனில் நல்லதை பேசினால் கூட குறையாகவே தெரியும்.

நல்ல பகிர்வு அருண் மகிழ்ச்சி

முரளிராஜா · முரளிராஜா Sat Apr 23, 2011 3:13 pm

balakarthik wrote:
அன்பும் பாசமும் கூராயும் கணவன் மனைவிகளிடதே மட்டும்தான் எது பேசினாலும் சண்டை வரும் நண்பா. சண்டைக்கு முக்கிய காரணமே அங்கே அன்பும் காதலும் குறைவதே ஆகும், மனம் ஒதுபோகவில்லை எனில் நல்லதை பேசினால் கூட குறையாகவே தெரியும்.

நல்ல பகிர்வு அருண்

அய்யோ பாவம் பாலா சோகம்

பூஜிதா · பூஜிதா Sat Apr 23, 2011 3:15 pm

மஞ்சுபாஷிணி · மஞ்சுபாஷிணி Sat Apr 23, 2011 6:25 pm

ஆபிசுல போதுமான டைம் எடுத்துக்கிறது போல மனைவியிடமும் பிள்ளைகளிடமும் பேச அன்பினை பகிர கண்டிப்பாக கொஞ்சம் நேரம் ஒதுக்க வேண்டும்....

புரிதலின்மை இப்படி தான் ஆரம்பிப்பது.

உழைச்சிட்டு வந்திருக்காரே என்று கூட யோசிக்காமல் லப லபன்னு சண்டை போடுவதை நிறுத்தவேண்டும், கோபத்துடன் கன்னாபின்னான்னு புருஷன் கத்தும்போது அந்த சமயம் நம் மேல் தப்பே இல்லன்னாலும் கொஞ்சம் அமைதி காத்துவிட்டு கணவரின் கோபம் தணிந்தப்பின் நிதானமாக எடுத்து புரியவைக்கவேண்டும்....

இது கஷ்டமான ப்ராஸஸ் கிடையாது.. ஆனால் கொஞ்சம் அன்பு கொஞ்சம் பொறுமை கொஞ்சம் விட்டுக்கொடுக்கும் தன்மை இதை காஃபியோடு மாலை வேலை விட்டு வரும் கணவருக்கு கொடுத்தால் கண்டிப்பாக வாழ்க்கை கடைசிவரை சந்தோஷமாகவே இருக்கும்...