காதலியை நேரில் பார்த்தவர் ரயிலில் பாய்ந்து தற்கொலை

முரளிராஜா · முரளிராஜா Fri Apr 22, 2011 7:29 am

செல்போனில் பேசி காதலை வளர்த்தவர், காதலி அழகாக இல்லை என்பதால் ரயில் முன்பு பாய்ந்து தற்கொலை செய்துகொண்டார். கோவை ராமநாதபுரம் நஞ்சுண்டாபுரம் நேதாஜி நகரை சேர்ந்தவர் நடராஜன்(24). கடையில் வேலை பார்த்து வந்தார். 6 மாதம் முன்பு இவரது செல்போனுக்கு ஒரு அழைப்பு வந்தது. பேசியது பெண் குரல். ‘’சாரிங்க. பிரெண்டுக்கு போட்டேன். உங்களுக்கு வந்திடிச்சு’’ என்றார். குரலின் இனிமையில் மனதை பறிகொடுத்தார் நடராஜன். ராங் கால் அழைப்பு, நட்பாகவும் பின்னர் காதலாகவும் மாறியது. ‘காதல் கோட்டை’ பாணியில் முகம் பார்க்காமலேயே காதலை தொடர முடிவு செய்தார்கள். கடந்த 6 மாதமாக போன்வழி காதல் நீடித்தது.

காதலிப்பவரின் முகத்தை எத்தனை காலம்தான் பார்க்காமல் இருப்பது?. 4 நாள் முன்பு இருவரும் நேரில் சந்திக்க முடிவு செய்தனர். சொன்னபடி, சந்தித்துக் கொண்டனர். நடராஜனை பார்த்ததுமே பிடித்துவிட்டது அந்த பெண்ணுக்கு. நடராஜனின் நிலையோ நேர்மாறு. குரலை வைத்து அவர் கற்பனை செய்து வைத்திருந்த அழகு உருவத்துக்கும், நேரில் பார்த்ததற்கும் துளிகூட சம்பந்தம் இல்லாததாக உணர்ந்தார். வேண்டா வெறுப்பாக பேசிவிட்டு விடைபெற்றார் நடராஜன்.

காதலியையும் அவரது செல்போன் அழைப்புகளையும் தவிர்க்க ஆரம்பித்தார். காதலி அழகாக இல்லை என்று நண்பர்களிடம் சொல்லி அழுதுள்ளார். நேற்று முன்தினம் இரவு போத்தனூர்& மதுக்கரை இடையே பாலக்காடு பாசஞ்சர் ரயில் முன்பு பாய்ந்து நடராஜன் தற்கொலை செய்து கொண்டார். காதலி அழகாக இல்லை என்ற விரக்தியே தற்கொலைக்கு காரணம் என்று கூறப்படுகிறது.
நன்றி தினகரன்

மஞ்சுபாஷிணி · மஞ்சுபாஷிணி Fri Apr 22, 2011 10:04 am

உண்மையான காதல் இப்போது காண்பதே அரிதாகிவிட்ட நிலைக்கு காரணம் பெண்களின் அழகும் உடல் வனப்பும் மட்டுமே காதல் என்று நினைப்பதால் இப்படி ஒரு வேதனை செயல்....புற அழகு வாழ்க்கைக்கு உதவுமா? சோகம்

புற அழகை காணவே துடிக்கிறவங்க கண்ணுக்கு மனத்தூய்மை கடைசி வரை தெரியாமயே போய்விடும் கொடுமை....

எத்தனை காதல் பிரிவுக்கு போகும் கொடுமை..... மனதை அறிய முயற்சிக்காததும் புற அழகை மட்டுமே நேசிப்பதால் மட்டுமே..

தற்கொலை தவறான முடிவு.... காதலுக்கே களங்கம் செய்த முடிவு சோகம்

**Manik** · **Manik** Fri Apr 22, 2011 10:10 am

தற்கொலை செய்து கொள்ள கூட அவர் பயப்படவில்லை பாருங்கள் இந்த காலத்தில் உயிரின் மதிப்பு மிகவும் சுலபம் என்று நினைக்கிறார்கள்

மஞ்சுபாஷிணி · மஞ்சுபாஷிணி Fri Apr 22, 2011 10:13 am

புற அழகை நேசிப்பவருக்கு மனதை அறிய முயலாதவருக்கு இது ரொம்ப எளிது மாணிக் சோகம்

பூஜிதா · பூஜிதா Fri Apr 22, 2011 10:46 am

இப்போதெல்லாம் மனதை பார்த்து வருவதில்லை என்று உணர்த்தி இருக்கிறார் அவர் அநியாயம்

ARR · ARR Fri Apr 22, 2011 11:13 am

ஊடகங்களின் உசுப்பலால் வந்த சோக விளைவு இது..நண்பர்களின் பில்டப்பும் ஒத்து ஊதியிருக்கும்..

வித்தியாசமான, காணாத காதலைச் சொல்ல அகத்தியனுக்குக்கூட அழகான தேவயானி தேவையாயிருந்தார்..

வெளி அழகை விரும்பி எதிர்பார்த்து பலியான இன்னொரு பரிதாப ஆத்மா..!

தாமு · தாமு Fri Apr 22, 2011 11:18 am

அந்த அளவிற்க்கு அந்த பெண்ணை காதலித்து இருப்பாரே காதலியை நேரில் பார்த்தவர் ரயிலில் பாய்ந்து தற்கொலை 56667

Jiffriya · Jiffriya Fri Apr 22, 2011 11:27 am

ரயிலுக்குக் கூட அவனைக் கொடுக்கத் துணிந்தவனுக்கு, தன்னை நேசித்த பெண்ணுக்கு கொடுக்க தோணாமல் போனது மிகவும் வேதனைக்குறிய விடயம்..காதலுக்கு கண் இல்லை என்று சொல்வது இங்கு பொய்யாகிறது..பகிர்வுக்கு நன்றி...

ANTHAPPAARVAI · ANTHAPPAARVAI Fri Apr 22, 2011 11:38 am

ஒருவர் பார்க்காமலே காதல் செய்ய நினைக்கிறார் என்றால், நிச்சயமாக அவருடைய காதல் உண்மையாக இருக்க முடியாது. என்று மனோதத்துவம் கூறுகிறது!
அப்படியே காதலித்தாலும், தான் தேடிய அழகு இல்லை என்றவுடன் அவர் தற்கொலைக்கு சென்றிருக்கவும் முடியாது வேறு காதலைத்தான் தேடியிருப்பார்!
அவர் மரணம் எதிர்பாராமல் நிகழ்ந்திருக்கலாம், அல்லது வேறு காரணங்கள் இருக்கலாம்....

உண்மையிலேயே அந்தப் பெண் அழகாக இல்லை என்பதற்காகத்தான் அவர் தற்கொலை செய்து கொண்டார் என்றால்?
உயிர்களை மதிக்கத்தெரியாதவர் இருந்தும் பயனில்லையே...

எத்தனை கனவுகளோடு காத்திருந்தார்களோ...... பாவம் அவரது பெற்றோர்!!

**பிளேடு பக்கிரி** · 01/03/2010

இதுக்கு தான் நான் எந்த பொண்ணுங்க கூடயும் பேசுறது இல்ல

Sponsored content · Sponsored content

காதலியை நேரில் பார்த்தவர் ரயிலில் பாய்ந்து தற்கொலை

காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

Re: காதலியை நேரில் பார்த்தவர் ரயிலில் பாய்ந்து தற்கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக