இளைஞர்களை விட வயதான ஊழியர்கள் சிறப்பாக வேலை செய்கிறார்கள்

**சிவா** · **சிவா** Wed Apr 20, 2011 2:46 pm

வயதாகி விட்டாலே அவர்கள் எதற்கும் பயன் இல்லாதவர்கள் பூமிக்கு பாரமானவர்கள் என்ற எண்ணம் பொதுவாக சமூகத்தில் பலருக்கும் ஏற்படுவது வழக்கம். ஆனால் அந்த எண்ணம் தவறானது என்பதை சமீபத்தில் நடந்த ஆய்வுகள் நிரூபித்து உள்ளன. ஜெர்மனி நாட்டில் நடந்த ஆய்வில், வயதான ஊழியர்கள் பலவீனமாக இருந்தபோதிலும், அவர்கள் அனுபவத்துடன் சிறப்பாக செயல்படுவது தெரியவந்து உள்ளது. எங்காவது தவறு நடக்கும் போது அதை கண்டுபிடித்து சரியான வழியில் அந்த வேலையை கொண்டு செல்வதிலும், குழுக்களில் இணைந்து வேலை செய்வதிலும் வயதானவர்கள் சிறப்பாக செயல்படுவதாக அந்த ஆய்வுகள் தெரிவிக்கின்றன.

அவர்களின் அனுபவம் காரணமாக அவர்கள் மோசமான தவறுகளை செய்யாமல் தவிர்க்கிறார்கள். ஜெர்மனியில் உள்ள மெர்சிடஸ் பென்ஸ் கார் கம்பெனியில் நடந்த ஆய்வில் இளமையான அதிகம் படித்த தொழிலாளர்கள் உற்பத்தி திறன் குறைந்தவர்களாகவும், வயதானவர்கள் குறைந்த அளவே கல்வித்தகுதி படைத்து இருந்தாலும் உற்பத்தி திறன் அதிகம் உள்ளவர்களாக இருப்பதும் தெரியவந்தது. மேலும் அதிகம் படித்த இளைஞர்கள் விரைவிலேயே எதிலும் அலுப்படைந்து விடுவதும் தெரியவந்தது.