மனிதம் மரித்து போனதோ? :(

மஞ்சுபாஷிணி · மஞ்சுபாஷிணி Mon Apr 18, 2011 10:40 pm

கூக்குரலிட்டபடியே…..
கிழிபட்ட உடைகளின் மிச்சங்களோடு
வெற்று மார்பை மறைக்க முயன்று
பின்னே விரட்டுவோரிடம் தப்பிக்க ஓடி
பின்மண்டையில் விழுந்த அடியோடு
அம்ம்ம்ம்ம்ம்ம்ம்மா......

அடித்தவனின் ஆக்ரோஷம்
வலியின் தீவிரம்
சுருண்டு விழுந்த என் கண்ணில்
உயிரையும் மானத்தையும் காக்கும் முயற்சியில்

தோல்வியுற்று மரணத்தை நெருங்கும் வேளை
என் தொண்டைக்குழிக்குள் சிக்கிய கேள்வி
என் உயிர்மூச்சை நிறுத்தியது

உங்களைப்போல எங்களையும் வாழவிடுங்கள்
என்று தானே கேட்டோம் ?

ஆதிவாசியாக பிறந்தது தான் நான் செய்த குற்றமா?
சுதந்திரமாய் ஈ ஒன்று பறந்து வந்து
நிலைக்குத்திய கண்ணில் உட்கார்ந்தது………
மனிதம் மரித்துப் போனதோ?

இரா.எட்வின் · இரா.எட்வின் Mon Apr 18, 2011 10:44 pm

மனிதம் கொஞ்சம் மரத்துப் போகலாம் . அனால் மரித்துப் போகாது சுபா

மஞ்சுபாஷிணி · மஞ்சுபாஷிணி Mon Apr 18, 2011 10:50 pm

அந்த யூ ட்யூப் காட்சி இன்னும் என் மன வேதனையை குறைக்கவில்லை ஒரு துளி கூட எட்வின்..... மனம் துடிக்கிறது....

இரண்டு நாட்களாக அதிக வேலை அதனால் தான் தாமதம் ஆனது இந்த வரிகளை இட ( இதை கவிதை என்று சொல்லமாட்டேன் கண்டிப்பா.... ஜாம்பவான் எல்லாரும் இங்க இருக்கீங்க)

அன்பு நன்றிகள் எட்வின்.... மனிதம் மரிக்காமல் இருந்தால் அதுவும் ஆறுதலேப்பா...

இரா.எட்வின் · இரா.எட்வின் Mon Apr 18, 2011 11:01 pm

மஞ்சுபாஷிணி wrote:அந்த யூ ட்யூப் காட்சி இன்னும் என் மன வேதனையை குறைக்கவில்லை ஒரு துளி கூட எட்வின்..... மனம் துடிக்கிறது....

இரண்டு நாட்களாக அதிக வேலை அதனால் தான் தாமதம் ஆனது இந்த வரிகளை இட ( இதை கவிதை என்று சொல்லமாட்டேன் கண்டிப்பா.... ஜாம்பவான் எல்லாரும் இங்க இருக்கீங்க)

அன்பு நன்றிகள் எட்வின்.... மனிதம் மரிக்காமல் இருந்தால் அதுவும் ஆறுதலேப்பா...

மனிதம் எதனையும் எதிர் கொண்டு ஜீவிக்கும் வல்லமை கொண்டது.

மஞ்சுபாஷிணி · மஞ்சுபாஷிணி Mon Apr 18, 2011 11:03 pm

ஹூம் உங்க வாக்குப்படியே ஆகட்டும் எட்வின்.....

தேனி சூர்யாபாஸ்கரன் · 09/06/2010

மஞ்சுபாஷிணி wrote:
கூக்குரலிட்டபடியே…..
கிழிபட்ட உடைகளின் மிச்சங்களோடு
வெற்று மார்பை மறைக்க முயன்று
பின்னே விரட்டுவோரிடம் தப்பிக்க ஓடி
பின்மண்டையில் விழுந்த அடியோடு
அம்ம்ம்ம்ம்ம்ம்ம்மா......

அடித்தவனின் ஆக்ரோஷம்
வலியின் தீவிரம்
சுருண்டு விழுந்த என் கண்ணில்
உயிரையும் மானத்தையும் காக்கும் முயற்சியில்

தோல்வியுற்று மரணத்தை நெருங்கும் வேளை
என் தொண்டைக்குழிக்குள் சிக்கிய கேள்வி
என் உயிர்மூச்சை நிறுத்தியது

உங்களைப்போல எங்களையும் வாழவிடுங்கள்
என்று தானே கேட்டோம் ?

ஆதிவாசியாக பிறந்தது தான் நான் செய்த குற்றமா?
சுதந்திரமாய் ஈ ஒன்று பறந்து வந்து
நிலைக்குத்திய கண்ணில் உட்கார்ந்தது………
மனிதம் மரித்துப் போனதோ?

அக்கா..உங்கள் வரிகளின் சோகம்
நானும் உணர்கிறேன்...மிருகமடித்து தின்றவன்
இன்று மனிதனை அடித்து தின்கிறான்..மனிதம்.எனும்.மகத்தான மனதை.... அன்பு மலர்

மலிக்கா · மலிக்கா Mon Apr 18, 2011 11:11 pm

மஞ்சுக்கா..நானும் ஒரு கிருக்கல் கிறுக்கியுள்ளேன். இதேதலைப்பில்.
வேறு ஒன்றிக்காக மரித்துபோன” மனிதம்” என்று ..

தேனி சூர்யாபாஸ்கரன் · 09/06/2010

மனிதன்
இயற்கையோடு
இணைந்திருந்த அன்று
மனிதம் தழைத்திருந்தது..

செயற்கையாய்
செயல்படத் துவங்கிய இன்று
மனதோ மரத்துபோனது!
மனிதம் மரித்துப்போனது!...

தற்கால உண்மை வரிகள்...மலிக்கா...
மாற்றி அமைப்போம்...மனதை..
மமதை..மதத்தை கொண்டு மரிக்கச் செய்யாமல்...

செய்தாலி · செய்தாலி Tue Apr 19, 2011 1:14 pm

மனிதத்தை கீறும் மனிதர்கள்
விழிகள் கண்ட காட்சி
மனதின் வலிகளோடு
வரிகளை ஆயுதமாக்கி
தோழி வடித்த வரிகள்
நிழலின் நிஜம்

மனிதம் அங்கும் இங்குமாக
நம்மை சுற்றிய இந்த மனித சமூகத்தில்
மௌனமாக மறித்துகொண்டு தான் இருக்கிறது தோழி

உங்கள் வரிகளுக்கு பாராட்டு மனிதம் இல்லாத மனிதர்களின் ஈனச்செயல்களை எண்ணி
மனிதர்களில் ஒருவனான நானும் வெட்கபடுகிறேன்

கலைவேந்தன் · கலைவேந்தன் Tue May 10, 2011 7:12 pm

மனிதம் மரிக்கவில்லை மஞ்சு... சற்றே மறைந்திருக்கிறது காசு பணம் என்னும் மேகத்தால்... அவை விலகும் போது மனிதம் புதுப்பொலிவுடன் வெளிவரும்... மானிடம் நலம் பெறும்...

அருமையான கவிதைக்கு அன்பு வாழ்த்துகள் மஞ்சு..!

12001

Sponsored content · Sponsored content

மனிதம் மரித்து போனதோ? :(

மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

Re: மனிதம் மரித்து போனதோ? :(

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக