ஹலோ பிரச்சனையே வா

selvak · selvak Sat Sep 05, 2009 1:43 pm

பிரச்னைகளை வரவேற்கவும், வழி அனுப்பவும் பழகிக்கொள்ள வேண்டும். அவை நமது எதிரிகள் அல்ல...மறைமுகமான நண்பர்கள்.... எதிர்தரப்பில் இருக்கும் நம் தோழர்கள்! பிரச்னையே இல்லாத வாழ்வு அர்ச்சனையே இல்லாத கோவில் மாதிரி. பிரச்சனைகள் அற்ற வாழ்வு குழந்தைத்தனமான மத்தாப்பு கற்பனை.

யோசித்து பாருங்கள்....நீங்கள் பிறப்பதற்கு முன்பும் எத்தனையோ பிரச்னைகள் இருந்தன. உங்கள் மரணத்துக்குப் பின்னும் அவை இருக்கப் போகின்றன. நீங்கள்தான் இடையில் வந்து இடையிலேயே போகிறீர்கள். பிரச்னைகள் சாசுவதமானவை. எனவே, அவற்றை அனுசரித்து வாழ நீங்கள் தான் பழகிக்கொள்ளவேண்டும்.

ஆற்று வெள்ளத்தில் அகப்பட்ட ஒருவன் எதையாவது பிடித்து நீந்த நினைத்தான். கருப்பாக மொசுமொசுவென்று மிதந்த ஒன்றைப் பிடித்து நீந்த ஆரம்பித்தான். அரை மணி கழித்து கரையில் இருந்து ஒருவன் "டேய்.... அதை விடுடா.... அது கரடி.... உயிரிக்கு ஆபத்து..." என்று கத்தினான். வெள்ளத்தில் சிக்கியவன் சொன்னான்....... "நான் அதை எப்பவோ விட்டாச்சு.... இப்ப அதுதான் என்னை விடமாட்டேங்குது...".

இதுதான் பிரச்னைகளின் நிலையும். அவை உங்களை விடாது.

பிரச்னையே வேண்டாம் என்று ஒதுங்கி இருந்த ராமரை அழைத்து " ஆட்சி உனக்கு ஏற்றுக்கொள்" என்று சிக்கலை தொடங்கி வைத்தார் தசரதன். "ஆட்சி உனக்கு இல்லை...காட்டுக்குப் போ..." என்று சிக்கலை முறுக்கினாள் சிற்றன்னை. இதை ராமர் விரும்பினாரா?

பிரச்னையே வேண்டாம் என்று காட்டுக்குப் போன ராமரை பார்த்து " ஐ லவ் யூ " சொல்லி பிரச்னை பண்ணினாள் சூர்ப்பனகை. அமைதியாக இருந்தவரின் சம்சாரத்தை கிட்நாப் செய்து, "ஆண் பிள்ளையாக இருந்தால் சண்டைக்கு வாடா?" என்று சவால் விட்டான் இராவணன். எனவே நாம் பிரச்னைகளை விட்டு விலகினாலும் பிரச்னைகள் நம்மைவிட்டு விலகாது என்று மனசுக்குச் சொல்லி வையுங்கள்.

நான்கு கோணங்களில் இதை அணுகலாம். ஒன்று..."இது பிரச்னையே அல்ல" என்கிற மனோபாவம். இரண்டு..."இது பிரச்னைதான். இதை ஜெயிப்பதில்தான் நமது திறமை வெளிப்படும்" என்று எதிர்கொள்கிற மனோபாவம். மூன்று..."நமக்கு முன்னும் இது இருந்தது. நமக்கு பின்னும் இது இருக்கும்" என்கிற யதார்த்த மனோபாவம். நான்கு..."யாருக்குத்தான் இது இல்லை...எல்லோருக்கும் இருக்கிறது" என்கிற ஆறுதல்.

பெருவாரியான நமது பிரச்னைகள் நமது கற்பனைகள், கனவுகள், உண்மையில் நமக்கும் அவற்றுக்கும் சம்பந்தமே இருக்காது. தேவையற்ற இடத்தில் தேவையற்ற முறையில் அந்தப் பிரச்னைக்குள் நம்மை நுழைத்துக்கொண்டு நாமாகவே துன்பத்தை வரவழைத்து கொள்ளவோம். கொஞ்சம் விழித்துக்கொண்டால், விழிப்பு உணர்ச்சி இருந்தால் நிம்மதியாக இருக்கலாம்.

நாம் எப்போதும் எந்தப் பிரச்னைக்குள்ளும் சிக்கி இருக்கவில்லை என்பதை முதலில் நம்பவேண்டும்.

வாழ்க வளமுடன்

நிலாசகி · நிலாசகி Sat Sep 05, 2009 1:46 pm

நான்கு கோணங்களில் இதை அணுகலாம்.ஒன்று..."இது பிரச்னையேஅல்ல" என்கிற மனோபாவம்.இரண்டு..."இது பிரச்னைதான்.இதை ஜெயிப்பதில்தான் நமது திறமை வெளிப்படும்" என்று எதிர்கொள்கிற மனோபாவம். மூன்று..."நமக்கு முன்னும் இது இருந்தது. நமக்கு பின்னும் இதுஇருக்கும்" என்கிற யதார்த்தமனோபாவம். நான்கு..."யாருக்குத்தான் இது இல்லை...எல்லோருக்கும் இருக்கிறது" என்கிற ஆறுதல்.

அருமையான மனோதத்துவ கட்டுரை!பகிர்ந்ததுக்கு நன்றி!முக்கியாமாக மாணவர்களுக்கு இடையே தற்கொலை மனப்பான்மை அதிகரித்து வருகிறது..காரணம் பிரச்சனையை எதிகொள்ள தைரியம் இல்லாமை

VIJAY · VIJAY Sat Sep 05, 2009 1:48 pm

நிலாசகி · நிலாசகி Sat Sep 05, 2009 1:49 pm

அடுத்தது இந்த பிரசனையை உருவாவதற்கு நாம் தான் காரணம் அதற்கான தீர்வும நாம் தான் தேடவேண்டும்!

மீனு · மீனு Sat Sep 05, 2009 1:51 pm

நாம் எப்போதும் எந்தப் பிரச்னைக்குள்ளும் சிக்கி இருக்கவில்லை என்பதை முதலில் நம்பவேண்டும்.

நமக்கு பிரச்னை இல்லை என்பதை நாம் முதலில் நம்பணுமே ..இதுதானே பிரச்னை சோகம்

**ராஜா** · **ராஜா** Sat Sep 05, 2009 2:11 pm

இங்கு என்ன பிரச்சினை ?? அநியாயம்

VIJAY · VIJAY Sat Sep 05, 2009 2:13 pm

**ராஜா** · **ராஜா** Sat Sep 05, 2009 2:15 pm

vijaydga wrote:

என்ன விஜய் இதற்க்கு போய் ஓடலாமா ??

VIJAY · VIJAY Sat Sep 05, 2009 2:15 pm

சதீஷ்குமார் · சதீஷ்குமார் Sat Sep 05, 2009 2:44 pm

Good Info

Sponsored content · Sponsored content

ஹலோ பிரச்சனையே வா

ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

Re: ஹலோ பிரச்சனையே வா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக