காற்றில் இயங்கும் காரை கண்டுபிடித்து மாணவர்கள் சாதனை

கண்ணன்3536 · கண்ணன்3536 Mon Apr 18, 2011 11:24 am

First topic message reminder :

[ திங்கட்கிழமை, 18 ஏப்ரல் 2011, 03:12.16 மு.ப GMT ]
சுற்றுச்சூழலுக்கு மாசு ஏற்படாத வகையில் காற்றில் இயங்கும் காரை இந்தியாவில் உள்ள தமிழக கல்லூரி மாணவர்கள் கண்டுபிடித்துள்ளனர்.
பெட்ரோல் விலை உயர்வு, அதிக விலை, சுற்றுச்சூழல் மாசுபடுதல் உள்ளிட்ட பிரச்சனைகளுக்கு தீர்வு காணும் வகையில் இந்த காரை அவர்கள் கண்டுபிடித்துள்ளனர்.

இதுகுறித்து மாணவன் மதன்குமார் கூறியதாவது: நானும், என்னுடன் மெக்கானிக்கல் இன்ஜினியரிங் இறுதியாண்டு படிக்கும் என் சக நண்பர்கள் ஆகிய 4 பேரும் படிப்பால் நமது வாழ்க்கை தரம் உயருவது மட்டுமின்றி, இந்த சமுதாயத்துக்காக எதையாவது செய்ய வேண்டும் என்ற எண்ணத்தில் இருந்தோம்.

இன்று உலகம் முழுவதிலும் மக்களை பெரிதும் பாதித்து வருவது சுற்றுச்சூழல் மாசுபாடு தான். மாசுபாட்டை குறைக்க நமது பங்களிப்பும் இருக்க வேண்டும் என்று முடிவு செய்தோம். இதற்காக காற்றில் இயங்கும் காரை மிகக் குறைந்த விலையில் தயாரிப்பதற்கான முயற்சியை கடந்த ஆண்டு டிசம்பர் இறுதியில் தொடங்கினோம். இதற்கு கல்லூரி பேராசிரியர் மிகவும் உறுதுணையாக இருந்தார்.

3 மாதம் இடைவிடாத முயற்சியின் காரணமாக ரூ.35,000 செலவில் ஒருவர் மட்டும் அமர்ந்து செல்லும் விதத்தில் ஒரு காரை வடிவமைத்தோம். இந்த காரில் 300 பவுண்ட் காற்று கொள்ளளவு கொண்ட பெரிய டேங்க் ஒன்று பொருத்தப்பட்டிருக்கும். அதில் இருந்து அழுத்தத்துடன் வெளியேறும் காற்று இன்ஜினை இயக்கும்.

வழக்கமான கார்களைப் போன்றே இதில் கியர், கிளட்ச், பிரேக் உள்ளிட்டவை பொருத்தப்பட்டுள்ளன. இதில் இருந்து புகை வராது. எனவே சுற்றுச்சூழலும் மாசுபடாது. நாம் செல்லும் வழியில் எங்காவது காரை நிறுத்தி காரின் டேங்கில் காற்றை நிரப்பிக் கொண்டு நம் பயணத்தை தொடரலாம். இவ்வாறு
மதன்குமார் கூறினார்
:வணக்கம்:

ARR · ARR Fri Apr 22, 2011 11:29 am

நல்ல முயற்சி..

எவ்வளவு நடைமுறைச் சாத்தியமுள்ளது என்று பொறுத்திருந்துதான் பார்க்கவேண்டும்..

அன்பு தளபதி · அன்பு தளபதி Fri Apr 22, 2011 11:51 am

நல்ல விஷயம் ஆனால் தொடர்ந்து இந்த கண்டுபிடிப்பினை மேம்படுத்த வேண்டும் இல்லாவிடில் மின்சாரத்தில் இயங்கும் இருசக்கர வாகனம் போல வந்த சில நாட்க்கல் நன்றாக சந்தாயில் ஜொலித்து பின் காணாமல் போக கூடாது

முரளிராஜா · முரளிராஜா Fri Apr 22, 2011 1:13 pm

இது நடைமுறைக்கு வந்தால் மிகவும் நன்றாக இருக்கும்

பூஜிதா · பூஜிதா Fri Apr 22, 2011 1:52 pm

ANTHAPPAARVAI wrote:இதுபோன்ற நல்ல கண்டுபிடிப்புகளை எல்லாம், ஏதாவது காரணம் சொல்லி அப்படியே அமுக்கி விடுவார்களே...
ஒருவேளை காற்று விற்பனைக்கு வரும்போது இது நடை முறைக்கு வந்தாலும் வரலாம்.!!

புதிய முயற்சிக்கு பாராட்டுக்கள்!!
காற்றுக்கென்ன வேலி...?

Sponsored content · Sponsored content

காற்றில் இயங்கும் காரை கண்டுபிடித்து மாணவர்கள் சாதனை

காற்றில் இயங்கும் காரை கண்டுபிடித்து மாணவர்கள் சாதனை

Re: காற்றில் இயங்கும் காரை கண்டுபிடித்து மாணவர்கள் சாதனை

Re: காற்றில் இயங்கும் காரை கண்டுபிடித்து மாணவர்கள் சாதனை

Re: காற்றில் இயங்கும் காரை கண்டுபிடித்து மாணவர்கள் சாதனை

Re: காற்றில் இயங்கும் காரை கண்டுபிடித்து மாணவர்கள் சாதனை

Re: காற்றில் இயங்கும் காரை கண்டுபிடித்து மாணவர்கள் சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக