எழுதுகோலென்னும் ஆயுதம்

வித்யாசாகர் · வித்யாசாகர் Sat Sep 05, 2009 1:56 pm

"எழுதுகோலென்னும் ஆயுதம்"

ஏழ்மை வர்கத்தின் உயிர்தின்ர மிச்சத்தில்
சப்தமில்லாத வெற்றி கொள்கிறது நம்
ஜனநாயகம்!

உறக்கம் துறந்த இருட்டுக் குடிசையின்
கூரை ஓட்டைகளில் காண முடியாத ஏழ்மை
நம் கண்களுக்குத் தெரியாமல்போனதே
நம் சாபம்!

கண்ணாடி மின்னும் கட்டிடங்களின் செங்கல் இடுக்குகளிலும்,
கணினி வளர்ச்சியின் அடிவேர் நுனியிலும் -
கசிந்துபோன வியர்வையின் பச்சை வாசம் - ஏனோ
நம் நாசிகளை இப்போதெல்லாம் துளைப்பதேயில்லை!

வெறும் காகிதமென நினைத்து - பணக்கட்டுகளின்
மேல் படுத்திருக்கும் ஜாம்பவான்களின் கண்களை
எந்த சாமி வந்து திறந்து வைக்குமோ - வைக்கட்டும்;

அவர்களின் முதுகில் சவுக்கடி விழாமல்
திருந்த வலிக்கும் எழுத்துப் போர் கொள்ள
ஆயிதமேடுங்கள் கவிஞர்களே;

கூர்முனையில் மை கசிய வேண்டாம் - அவர்களின்
இரத்தம் சொட்டட்டும்,

இரத்த வாசத்தில் வெற்றி வேண்டாம் - இதுவரை
கிடைத்திடாத சமத்துவம் பிறக்கட்டும்!
---------------------------------------------------
வித்யாசாகர்

நிலாசகி · நிலாசகி Sat Sep 05, 2009 3:25 pm

துடிப்பான கவிதை!பேனாவை விலைகுடுக்காதிர்கள் உயிரே போனாலும்

இந்த பதிவைத் துவங்கியவர் நன்றி கூறியுள்ளார் நிலாசகி

nandhtiha · nandhtiha Sat Sep 05, 2009 4:13 pm

பேரன்பு மிக்கீர்
வணக்கம்
அவர்களின் முதுகில் சவுக்கடி விழாமல்
திருந்த வலிக்கும் எழுத்துப் போர் கொள்ள
ஆயிதமேடுங்கள் கவிஞர்களே; (வித்யா சாகர்)
என்ன அருமையான வரிகள்?

வெண்டுமானால் சவுக்கடியும் கொடுக்கலாம் (நந்திதா)
அன்புடன்
நந்திதா

வித்யாசாகர் · வித்யாசாகர் Sat Sep 05, 2009 5:44 pm

வணக்கம்,

நல்லதம்மா, மிக்க நன்றிகளிருவருக்கும், என் எழுதுகோலில் இறைவனின் அருளே மையாக இடப் படுவதாய் உணர்கிறேன், என்னால் இயன்ற துரும்பையாவது இந்த சமூகதிர்க்காய் என் எழுதுகோல் அசைத்து திருத்தி வைக்குமென நம்புகிறேன்.

என் எழுதுகோலை விட எந்த விலையோ.. என் உயிரோ கூட பெரிதில்லை. கவலை வேண்டாம், நிச்சயம் விலை போகாது.

பணிவன்புடன்,

வித்யாசாகர்

nandhtiha · nandhtiha Sat Sep 05, 2009 6:38 pm

பேரன்பு மிக்கீர்
வணக்கம்
உங்கள் உணர்வுகளை மதிக்கிறேன். நல்லார்க்கும் பொல்லார்க்கும் நடுவில் நிற்கும் நாயகமான இறைவனின் அருளே மையாக்க் கொண்டு எழுதுவது க்டமை தான். ஆனால் அந்த இறைவன் திருந்தாத கொடியவ்ரைத்தண்டித்துத் தான் திருத்த வேண்டுமென்றால் தயங்குவதில்லை, உங்க்ள் பேனாவுக்கு அந்த வலிமையும் வர்வேண்டும் என்றே வேண்டுகிறேன். பாப்பாவுக்காக்ச் சொல்லவில்லை பாரதி. நமக்காவும் தான் சொன்னான்.
பாதகம் செய்பவரைக் கண்டால் - நீ
பயங்கொள்ளலாகாது பாப்பா
மோதி மிதித்து விடு பாப்பா - அவர்
முகத்தில் உமிழ்ந்து விடு பாப்பா
மாறா அன்புடன்
நந்திதா

வித்யாசாகர் · வித்யாசாகர் Sat Sep 05, 2009 7:07 pm

நிதர்சன உண்மை, மறுக்கவில்லையே.

என் படைப்புகளான "பொண்ணு வாங்கலையோ பொன்னும், கனவுத் தொட்டில் நாவலும், சாமி வணக்கமுங்க ஆன்மீக விளக்கக் கதையும் தங்கள் கருத்தையே சொல்கின்றன.

கோபமும் ஒரு ஆயுதம். அதனால் தான் ரவ்த்திரம் பழகென்றார் மகாகவி பாரதி. தண்டனை திருத்துவதற்கெனில் மகன்/மகள் பெற்றோருக்குக் கூட தரலாம்.

நன்றிகளுடன் விடைபெறுகிறேன்..

வித்யாசாகர்

தாமு · தாமு Sat Sep 12, 2009 7:13 am

******குடும்பம்*******

அதிகாரதின் வர்க்கம் அப்பா. எழுதுகோலென்னும் ஆயுதம் 67637

அன்பின் வடிவம் அம்மா. எழுதுகோலென்னும் ஆயுதம் 599303

ஆசையின் மொத்தம் மனைவி. எழுதுகோலென்னும் ஆயுதம் 154550

தென்றலின் தழுவல் காதலி! எழுதுகோலென்னும் ஆயுதம் 677196

***** காதல் ஜெயிக்கிறது******

உன் இமைகள் துடிக்கும் ஒசைதான்
என் இதயத்தில் ஒலிக்கிறது.

உன் இதழ்கள் சிந்தும் வார்த்தைதான்
என் காதில் இனிக்கிறது.

உன் விழிகள் பேசும் மொழியில்தான்
என் கவிதை பிறக்கிறது.

என் நெஞ்சம் துடிக்கும் துடிப்பில்தான்
என் உயிரும் வாழ்கிறது.

நீ செல்லும் வார்த்தையில் மட்டும்தான்
நம் காதல் ஜெயிக்கிறது.

இவை அனைத்தும் ஒரு புதுக்கவிதை....... படைப்பு விஜயாலையன்

Sponsored content · Sponsored content

எழுதுகோலென்னும் ஆயுதம்

எழுதுகோலென்னும் ஆயுதம்

Re: எழுதுகோலென்னும் ஆயுதம்

Re: எழுதுகோலென்னும் ஆயுதம்

Re: எழுதுகோலென்னும் ஆயுதம்

Re: எழுதுகோலென்னும் ஆயுதம்

Re: எழுதுகோலென்னும் ஆயுதம்

Re: எழுதுகோலென்னும் ஆயுதம்

Re: எழுதுகோலென்னும் ஆயுதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக