புத்தாண்டுக் கவிதை Play and read (2 கவிதைகள்)

**kirikasan** · **kirikasan** Thu Apr 14, 2011 12:41 pm

அன்பு நண்பர்கள் அனைவருக்கும்

எனது புத்தாண்டு வாழ்த்துடன் ஒருகவிதை Online ல் பார்க்கலாம். இந்த மென்பொருளில் Load ஆனதும்
Browser ஐ minimize செய்யவும். வாழ்த்து பின்னால் புதிய பக்கமாக காணப்படும். கிளிக் ஸ்ரார்ட்.

இன்னும் ஒன்று ActiveX க்கு சம்மத்திதால் மட்டும் காணலாம். இதனால் ஆபத்து இல்லை

http://www.kirasaworld.co.uk/vazhthu/run.html

**kirikasan** · **kirikasan** Thu Apr 14, 2011 7:57 pm

2. சித்திரைப் புத்தாண்டு

வந்தது புத்தெழில்ஆண்டு வளமுடன் வாழ்த்தி மகிழ்ந்தாட
சிந்தும்பனிமலர் போலமலர்வுடன் சொந்தமும் கொண்டாட
நந்தவனமெனத் தொங்கும் மலர்களும் எங்களின் வாழ்வாக
தந்துவிடும் இந்தப் பொங்கும் இனியபுத் தாண்டு சுகமாக

செந்தமிழ்பேசிச் சிரித்திடு வாழ்த்தினைச் சொல்லி மகிழ்வோடு
வந்து களிப்புடன் தந்திட லாம்சுவை கொண்டதோர் கற்கண்டு
சந்தி தெருக்களில் நின்று சரவெடி செந்தணல் தீகொண்டு
முந்திவெடித்திடச் செய்து மகிழ்ந்திடு மோகமனம் கொண்டு

பந்தியில்வந்தே இருந்திடலாம் நல்ல பாலோ டமுதுண்டு
வந்து சிறந்துமே சுற்றியிருந்தொரு வண்ணத்திரை கண்டு
சொந்தம் கொண்டாடிடு ஆனந்தம் ஆகிடு சற்று பொறு ஒன்று
செந்தமிழீழம் சிதைந்துகிடக்கு உன்பணி ஒன்றுண்டு

குங்குமம் பூசிடும் மங்கையர் கற்பினைக் காக்கமுடியவில்லை
தங்கையும் தம்பியும் தாயுடன் வாழ்ந்திட சற்றும் வழியே இல்லை
வெங்களம் கண்டவர் வீரர்கனவுகள் வெல்ல முடியவில்லை
இங்கு இருந்துமே பொங்குவதில் ஏது புதுமை கண்டோமோ

கந்தையுடுத் தவள் தங்கை சிறைகளில் கண்கள் கலங்கியழ
பூந்திரிவாணம் புகைத்து மகிழ்ந்து நீ புத்துடை கொள்ளுவதோ
செந்தமிழ் காத்திடச் சீறியெழுந்தவன் தேகம் வதைபடவே
மந்தை களாகியே மானும் மயிலுடன் மாமகிழ் வெய்துவதோ

எம்மை கொளுத்திய சிங்கனும் பண்டிகை சேர்ந்து வெடிகொளுத்த
பொம்மை எனநீயும் புத்தரின் ஆட்களைபோல மகிழுவதோ
செம்மை உரங் கண்டு சிங்கள மஞ்சியே சோர்ந்து சுருண்டுநிலம்
அம்மை எழுப்பிடத் துட்டன் படுத்தனன் ஆகக் குறுகிடச் செய்

பொங்கிவெடித்தன எத்தனை குண்டுகள் பொன்விளை பூமியிலே
எங்கிருந்தோ வந்த எல்லைகடந்தவர் எத்தனை கோரம்செய்தார்
மங்கி மனம் மறவாமலே நீயும்நல் மலர்கள் தூவியொரு
பந்தம் கொளுத்தியெம் மைந்தரை யெண்ணியே உந்தும் உணர்வுகொள்ளூ

எத்தனை வெடிகள் பட்டன ஓசையும் தீயின் பிளம்பெழுந்து
சத்தமெடுத்தன குண்டுகள் வீழ்ந்திட கொட்டும் மழையோவென்று
கத்தி யெழுந்துடல் நச்சுமருந்தினில் கண்களும் மூச்சடைத்து
செத்தவர் கண்டுமே செய்தவன் விட்டுமோர் சிந்தைமகிழுவதோ

சித்திரையில் ஒருமுத்திரை குத்திடு செய்வது என்னவென்று
பத்திரமாகவே நம்தமிழ் ஈழவர் பெற்றிட வாழ்வு ஒன்று
இத்தரை மீதில் எழுந்திடவேண்டில்நீ இந்த உலகை வெல்லு
நித்திரைகொண்டவன் நீதிதேவன்காதில் தட்டியேஉண்மை சொல்லு

புத்தாண்டுக் கவிதை Play and read (2 கவிதைகள்)

புத்தாண்டுக் கவிதை Play and read (2 கவிதைகள்)

சித்திரைப் புத்தாண்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக