மனைவி அறைந்ததில் கணவன் மருத்துவமனையில் சேர்ப்பு!

ரபீக் · ரபீக் Wed Apr 13, 2011 3:53 pm

குடும்பத் தகராறின் போது கணவனை மனைவி அறைந்துவிட, தலையில் காயமுற்ற கணவன் மருத்துவமனையில் அனுமதிக்கப்பட்டுள்ளார். திங்களனறு அதிகாலை இச்சம்பவம் அகமதாபாத் நகரில் சம்பவித்துள்ளது.

இதுபற்றி காக்டாபித் காவல் நிலையத் தரப்பில் தெரிவிக்கப்படுவதாவது:

"35 வயதுடைய ரமேஷ் பார்மர் என்பவர் கடந்த இரு வாரங்களாக வேலை இழந்து, வேலை தேடும் சூழலில் இருந்துள்ளார். அந்நிலையிலும் அதற்கான முயற்சிகளை மேற்கொள்ளாமல் நண்பர்களுடன் ஊர் சுற்றி விட்டு நள்ளிரவு அவர் வீடு திரும்பிய போது, மனைவி மதுபென்(32), குடும்பச் செலவுக்குப் பணம் கேட்டுள்ளார். அப்போது வாக்குவாதம் ஏற்பட, மனைவியை அடிக்க கை நீட்டிய ரமேஷைத் தடுத்து, திருப்பித் தாக்கியுள்ளார் மதுபென். மனைவியின் அறையில் மயங்கிய ரமேஷ் கீழே விழுந்ததில் நெற்றியில் காயம்பட்டுள்ளது. விளைவாக, அகமதாபாத்தின் வீ.எஸ் மருத்துவமனையில் ரமேஷ் சிகிச்சைக்காக சேர்க்கப்பட்டுள்ளார்."

பத்து வருடங்களுக்கு முன் கல்யாணமான இத்தம்பதிகளுக்கு இரு குழந்தைகள் உள்ளனர்

inneram

கலைவேந்தன் · கலைவேந்தன் Wed Apr 13, 2011 5:27 pm

நான் எதுனா சொன்னா சொர்ணா அக்காக்கள் எல்லாம் சண்டைக்கு வருவாங்க என்பதால் மௌனம் காக்கிறேன்... அய்யோ, நான் இல்லை

உதயசுதா · உதயசுதா Wed Apr 13, 2011 5:50 pm

அந்த ஆளை அடிச்சது சரிதான்.குடும்பத்தை பார்க்க தெரியாதவன் பொண்டாட்டிய மட்டும் அடிக்க போகலாமா?
பாவம் அந்த மனைவி இரண்டு பிள்ளைகளை வச்சுகிட்டு எத்தனை கஷ்டபட்டுச்சோ.கணவனை அடிக்கிற அளவுக்கு போய் இருக்காங்கன்னா எந்த அளவுக்கு மனசு வெறுத்து போய் இருந்து இருக்கணும்.

முரளிராஜா · முரளிராஜா Wed Apr 13, 2011 5:53 pm

உதயசுதா wrote:அந்த ஆளை அடிச்சது சரிதான்.குடும்பத்தை பார்க்க தெரியாதவன் பொண்டாட்டிய மட்டும் அடிக்க போகலாமா?
பாவம் அந்த மனைவி இரண்டு பிள்ளைகளை வச்சுகிட்டு எத்தனை கஷ்டபட்டுச்சோ.கணவனை அடிக்கிற அளவுக்கு போய் இருக்காங்கன்னா எந்த அளவுக்கு மனசு வெறுத்து போய் இருந்து இருக்கணும்.