இப்படியுமிருக்கலாம். . .

puthuvaipraba · puthuvaipraba Wed Apr 13, 2011 6:50 am

தலைவரைப் போல
தானும் தோற்றமளிக்கவேண்டும்
என்ற எண்ணம் கொண்ட
தொண்டனாக இருக்கலாம்

சாஸ்த்திர சம்பிரதாய சிறையில்
சிக்குண்டுவிட்ட
சாமானியனாக இருக்கலாம்

காணிக்கையாக்கிவிட்டால்
கடவுள் கண்டிப்பாக கண் திறப்பார்
என்று கனவு காண்பவனாக இருக்கலாம்

அஞ்சுக்கும் பத்துக்கும்
சிங்கியடித்துக்கொண்டு
வாழ்க்கை வண்டி ஓட்டும்
வறுமையாளனாக இருக்கலாம்

தன் முகத்தில் இருக்கும்
சிற்சில குறைகளை
மூடிமறைக்கும்
முயற்சியாக கூட இருக்கலாம்

ஆகையினால்…
தாடியோடு திரிபவர்களையெல்லாம்
தயவு செய்து
காதலில் தோல்வியடைந்தவர்களின்
கணக்கில் சேர்த்துவிடாதீர்கள்!

-புதுவைப் பிரபா -

முரளிராஜா · முரளிராஜா Wed Apr 13, 2011 8:05 am

தாடிக்கு இப்படி ஒரு விளக்கமா?
அசத்திட்டிங்க வாழ்த்துக்கள் மகிழ்ச்சி

உதயசுதா · உதயசுதா Wed Apr 13, 2011 9:41 am

ரொம்ப சரி,இன்னொன்னு சொல்ல மறந்துட்டிங்க தாடி வச்சவங்க எல்லாரும் தாகூர் இல்லை.

**Manik** · **Manik** Wed Apr 13, 2011 11:46 am

நான் தாடி வச்சிருக்கேன்னு தெரிஞ்சு நண்பர் என்னை பத்தி இவ்ளோ அழகா கவிதையே கொடுத்திருக்கார் நன்றி நண்பா இப்படியுமிருக்கலாம். . . 154550

கவிதை சூப்பர் இப்படியுமிருக்கலாம். . . 677196

ஹாசிம் · ஹாசிம் Wed Apr 13, 2011 3:07 pm

தாடி வைப்பது இஸ்லாமிய அடிப்படையில் சுன்னத்தாக கொள்ளப்படுகிறது அதிகமான இஸ்லாமியர்கள் தாடிவைத்திருப்பதைப்பார்த்திருப்பீர்கள் அவர்கள் காதல் தோல்வியால் வைத்தவை அல்ல

இப்போது காதலில் தோற்பவர்கள் மீண்டு்ம் இன்னுமொன்றைத்தேடி இன்னும் அழகுபடுத்திக்கொள்கிறார்கள்

நல்ல கவிதை