படுகொலைசெய்யப்பட்ட இந்திய மீனவரின் உடல் யாழில் நல்லடக்கம்

இந்து · இந்து Mon Apr 11, 2011 6:36 pm

நெடுந்தீவு கடற்கரையில் அண்மையில் கரையொதுங்கிய சடலம் அடையாளம் காணப்பட்டுள்ள நிலையில் இறுதிக் கிரியைகள் நேற்று யாழ்ப்பாணத்தில் நடைபெற்றன.

இம்மாதம் 6ம் திகதியன்று நெடுந்தீவு கடற்கரையில் சடலமொன்று கரை ஒதுங்கியிருந்ததுடன் அடையாளம் காணப்படாத நிலையில் யாழ். போதனா வைத்தியசாலை பிரேத அறையில் வைக்கப்பட்டிருந்தது.

இந்நிலையில் இந்தியாவிலிருந்து வருகை தந்திருந்த கடற்றொழிலாளர்கள் 42 வயதான சேவியர் விக்ரஸ் என்பவரது சடலமே இதுவென அடையாளம் காட்டினர்.

சம்பவம் தொடர்பாக இந்திய மீனவர்கள் கருத்துத் தெரிவிக்கும் போது இம்மாதம் 2ம் திகதி நால்வர் கொண்ட குழுவினர் தொழிலுக்குச் சென்றதாகவும் அவர்களைக் காணாத பட்சத்தில் 3ம் 4ம் 5ம் திகதிகளில் தாம் கடலில் தேடியதாகவும் மறுநாள் 6ம் திகதியன்று இந்திய மீன்பிடிப் படகொன்று புங்குடுதீவு கடற்கரையில் கரை ஒதுங்கியுள்ளதாக அறிந்து அங்கு சென்று பார்த்ததாகவும் அது காணாமல் போனவர்களுடைய படகொன்றும் அதில் சென்ற நால்வரில் ஒருவரின் சடலம் கிடைத்திருப்பதாகவும் ஏனைய மூவரின் நிலையும் அறிய முடியாதிருப்பதாகவும் தெரிவித்தனர்.

சடலம் பழுதடைந்த காரணத்தால் இந்தியாவிற்கு கொண்டு செல்ல முடியாத நிலையில் சடலத்தை யாழ்ப்பாணத்தில் அடக்கம் செய்ய வேண்டும் என இந்தியத் தரப்பினரால் கேட்டுக் கொண்டதற்கிணங்க சடலத்தை உரிய முறையில் கொட்டடி சேமக்காலையில் நல்லடக்கம் செய்வதற்கேற்ற நடவடிக்கையினை சேமக்காலையில் உரிய தரப்பினர் ஊடாக மேற்கொண்டிருந்தமை குறிப்பிடத்தக்கது.

உலக கிரிகெட் போட்டியில் சிறீலங்கா படுதோல்வி அடைந்த வெறியில், சிறீலங்கா அதிவிரைவு கடற்படை கப்பலால் மீன்பிடி படகில் மோதி மேற்கூறிய 4 மீனவர்களை படுகொலை செய்துள்ளமை பிந்திய செய்திகள் குறிப்பிடுகின்றன.

படுகொலைசெய்யப்பட்ட இந்திய மீனவரின் உடல் யாழில் நல்லடக்கம்

படுகொலைசெய்யப்பட்ட இந்திய மீனவரின் உடல் யாழில் நல்லடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக