இஞ்சி தின்ற மங்கி

vasanth1717 · vasanth1717 Sun Apr 10, 2011 2:19 pm

பூமிப்பந்தில் பிறந்த அழகிகளுக்கு
மத்தியில் நீயோ அழகுப்பந்தில்
பிறந்த பேரழகி..!

உன்னை சுண்டினால்
இரத்தம் வருமோ வராதோ
தெரியாது ஆனால் அழகு வரும்..!

என் இதயத்தில்
ஓட்டை விழுவதற்கு பதில்
நீ விழுந்துவிட்டாய்..!

உனக்கு சிறுவயதில்
காது குத்துவதற்கு பதில்
அழகை குத்திவிட்டார்கள் போல
அழகை உரித்து வைத்திருக்கிறாய்..!

தராசு தட்டிலிருக்கும் எடைக்கற்கள்
எடையை அளக்கும் என்றால்
என் மனதட்டிலிருக்கும் காதல்கற்கள்
உன் இடையை அளக்கிறது..!

உன்னிடம் என் கோபம்
பணிவன்புடன் இருப்பதற்கு
காரணம் உன் ஆணவம்
அழகன்புடன் இருக்கிறது...!

பிரம்மன் உன்னை
வரையும் பொழுது அன்புடன் என்று
ஆரம்பித்திருப்பான் போல
அதுதான் நீ அன்போவியமாய் இருக்கிறாய்...!

சிலருக்கு பிளட் கேன்சரோ
பிரெயின் கேன்சரோ வரும்
எனக்கு ஹார்ட் கேன்சர்
வந்திருக்கிறது நீதான் காரணம்..!

சாயம் போன சேலைக்கு
வர்ணம் பூசுவதைப்போல
காயமான மனதுக்கு
அன்பை பூசுகிறாய் நீ..!

என்னை இஞ்சி தின்ற மங்கி
என்ற உன்னிடம் இல்லையில்லை
உன்னைக்கொஞ்சி தின்னும் பக்கி
என்கிறேன் நான்..!

நன்றி

ப்ரியமுடன் வசந்த்

முரளிராஜா · முரளிராஜா Sun Apr 10, 2011 2:28 pm

இவ்வளவு அழகா கவிதை எழுதுற வசந்த
பார்த்து அவங்க இப்படி சொல்லி இருக்க கூடாது

மஞ்சுபாஷிணி · மஞ்சுபாஷிணி Sun Apr 10, 2011 2:31 pm

கவிதை வரிகள் அருமை வசந்த்....

அன்பு வாழ்த்துக்கள்....

vasanth1717 · vasanth1717 Sun Apr 10, 2011 2:35 pm

முரளிராஜா wrote:இவ்வளவு அழகா கவிதை எழுதுற வசந்த
பார்த்து அவங்க இப்படி சொல்லி இருக்க கூடாது

அதானே முரளி !!!

நன்றி மக்கா!

vasanth1717 · vasanth1717 Sun Apr 10, 2011 2:36 pm

மஞ்சுபாஷிணி wrote:கவிதை வரிகள் அருமை வசந்த்....

அன்பு வாழ்த்துக்கள்....

வாழ்த்துக்கு நன்றி மஞ்சு!! :வணக்கம்:

ஷீ-நிசி · ஷீ-நிசி Thu Jun 23, 2011 11:44 pm

தராசு தட்டிலிருக்கும் எடைக்கற்கள்
எடையை அளக்கும் என்றால்
என் மனதட்டிலிருக்கும் காதல்கற்கள்
உன் இடையை அளக்கிறது..!

அடேங்கப்பா... காதல் ரசம் சொட்டும் வரிகள் நண்பரே!