புலம்பெயர்தமிழர்களால் நாட்டில் அவசரகாலச் சட்டமாம் !

இந்து · இந்து Fri Apr 08, 2011 10:01 am

புலம்பெயர்ந்த நாடுகளில் இருக்கும் தமிழ் அமைப்புக்கள் சில மீண்டும் ஆயுதப்போராட்டத்தை ஆரம்பிக்கும் முயற்சியில் ஈடுபட்டுள்ளதால் நாட்டில் தொடர்ந்து அவசரகால சட்டத்தை நீடிக்க வேண்டும் என சிறிலங்கா நாடாளுமன்றத்தில் நேற்று அவசரகால சட்டத்தை நீடிப்பதற்காக பிரேரணையை சமர்ப்பித்து உரையாற்றிய தலைமை அமைச்சர் டி.எம்.ஜயரத்னா தெரிவித்துள்ளார். அவசரகால சட்டத்தை மேலும் ஒருமாத காலத்திற்கு நீடிப்பதற்கான பிரேரணையை சிறிலங்கா தலைமை அமைச்சர் டி.எம்.ஜயரத்னா நேற்று நாடாளுமன்றத்தில் சமர்ப்பித்து உரையாற்றியபோதே மேற்கண்டவாறு அவர் தெரிவித்துள்ளார்.

ஆயுதப் போராட்டத்திற்கான முயற்சியும், உள்நாட்டில் கிளர்சியை ஏற்படுத்துவதற்கான முயற்சிகளிலும் வெளிநாடுகளில் உள்ள தமிழர்கள் சிலர் ஈடுபட்டிருப்பதாக அவர் தெரிவித்துள்ளார். இதற்கென சர்வதேச ரீதியாக அவர்கள் பலம்பெற்று வருகிறார்கள் என்றும் எனவே அவசரகால சட்டத்தை நீடிக்க வேண்டியது அவசியம் என்றும் அவர் தெரிவித்தார். கடந்த மாதம் அவசரகால சட்டத்தை நீடிப்பதற்கான பிரேரணையை சமர்பித்து உரையாற்றிய போது தமிழ்நாட்டில் விடுதலைப்புலிகளின் ஆயுதப்பயிற்சி முகாம்கள் இருப்பதாக தெரிவித்த ஜயரத்னா தற்போது வெளிநாடுகளில் ஆயுதப்போராட்டத்திற்கான முயற்சி நடைபெற்று வருவதாக கூறி பிரேரணையை சமர்ப்பித்துள்ளார்.

அடுத்தமாதம் மீண்டும் பிரேரணையை நீடிக்கும்போது என்ன கதைசொல்லப்போகிறாரோ தெரியவில்லை. திரைப்பட கதாசிரியர்களிடம் சென்று நிறையக் கதைகேட்பார் போலத் தெரிகிறது.

புலம்பெயர்தமிழர்களால் நாட்டில் அவசரகாலச் சட்டமாம் !

புலம்பெயர்தமிழர்களால் நாட்டில் அவசரகாலச் சட்டமாம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக