'பேட்டி நடுவில் ஏன் நரகலை இழுக்கிறீங்க?' : சிங்கமுத்து பற்றி வடிவேலு..!

தாமு · தாமு Wed Apr 06, 2011 5:38 am

திமுகவுக்கு ஆதரவாகவும், தேமுதிக மற்றும் அதன் தலைவர் விஜயகாந்த்துக்கு எதிராகவும் தீவிர பிரச்சாரம் செய்து வரும் நகைச்சுவை நடிகர் வடிவேலு,
'தேர்தல் பிரச்சாரத்தின் மூலம் மக்களை சிரிக்கவும், சிந்திக்கவும் வைத்துள்ளேன் இது எனக்கு கிடைத்த பெருமை' என தெரிவித்தார். மதுரையில் இது தொடர்பில் பத்திரிகையாளர்களிடம் கருத்து தெரிவித்த அவர்,

இந்த சிரிப்பலை கலைஞர் அவர்களை மீண்டும் முதல்வராக்கும் ஆதரவு அலையாக வீசுகிறது. மனிதருக்கு அடிப்படை தேவையான உண்ண உணவு, குடியிருக்க வீடு, உடுத்த உடை, இந்த மூன்றையும் கலைஞர் ஒரு சேர தருகிறார். கலைஞர் சொன்னா அது வரும். மத்தவங்க வரும்னு சொன்னா.... என்று நான் சொல்லி முடிப்பதற்கும், 'வராதுனு' மக்களே அதை திருப்பி சொல்றாங்க. அந்தளவுக்கு அவங்களுக்கு கலைஞர் மேல அசைக்க முடியாத நம்பிக்கை வந்திருக்கு.

நான் ஆட்சிக்கு வந்தா பலசரக்கு வீடு தேடி வரும்னு சொல்லிட்டிருக்கிற விஜயகாந்த், இன்றைக்கு பிரச்சாரத்திறே பல சரக்குகளை அடிச்சிட்டு வர்றாரு. அவர் ஜெயலலிதாவுடன் இணைந்து ஒரே மேடையில் பேசினால் அவர்களுக்குள் பிரச்சினை தான் வரும் என்றார்.

உங்கள் பிரச்சாரத்தில் கல் வீசியிருக்கிறார்களே என ஒரு நிருபர் கேட்டதற்கு அஞ்சாநெஞ்சன் மு.க.அழகிரி கோட்டையில், தி.மு.க அணிக்கு ஏற்பட்டுள்ள ஆதரவு அலையை திசை திருப்பும் முயற்சியில் இப்படியெல்லாம் நடக்கு. எத்தனை கல்லடி வீசினாலும், என் சொல்லடியை தடுக்க முடியாது என்றார்.

நடிகர் சிங்கமுத்து பற்றி ஒருவர் கேட்க வர, சட்டென நிறுத்திய வடிவேலு 'பேட்டி நல்லா தானே போய்க்கிட்டு இருந்தது. திடீர்னு 'நரகலை' ஏன் இழுக்கிறீங்க... என்றார்.

4tamil

முரளிராஜா · முரளிராஜா Wed Apr 06, 2011 7:54 am

இவரது மேடைபேச்சு சிரிக்கவைக்கவில்லை
இந்த வடிவேலுக்கு மேடை நாகரிகம் தெரியாதா என சிந்திக்கவைத்தது சோகம்

**அருண்** · **அருண்** Wed Apr 06, 2011 10:53 am

அவரு வந்ததனால் தான் உங்க பேச்சு கொஞ்சம் ஆப்பாச்சு! ஜாலி

**சிவா** · **சிவா** Wed Apr 06, 2011 10:58 am

முரளிராஜா wrote:இவரது மேடைபேச்சு சிரிக்கவைக்கவில்லை
இந்த வடிவேலுக்கு மேடை நாகரிகம் தெரியாதா என சிந்திக்கவைத்தது

படிக்காத பாமர கூட்டத்தினரின் நாகரீகமற்ற மேடைப் பேச்சுக்களைப் பற்றிய விவாதங்களை நாம் தவிர்க்கலாமே! இதனால் நமது தரமும் இவர்களுக்கு ஈடாகச் சென்றுவிடுமோ என அஞ்சுகிறேன்!