நமக்கான உரையாடல்

**மு.வித்யாசன்** · 19/03/2010

First topic message reminder :

உலகத்தின் உன்னத மணித்துளிகள்
நாம் இருவரும் உரையாடும் நிமிடங்கள்

வார்த்தைகளின் உரசல்களில்
வானம் தீண்டி பார்த்ததுண்டு நம் மொழிகள்

நமக்கான கோடி கேள்விகளை நான் எழுப்புகையில்
எனக்காக நீ உதிர்ப்பாய் ம்... என்ற ஒலியாய் முடிப்பாய்

உனக்காக நீ பேசி கொள்ளும் பொழுதெல்லாம் என்னவோ
எனக்கு பொறாமைதான் உன் உதடுகள் முத்தமிடும் எழுத்துக்கள் மீது

நம் உரையாடலில் உருண்டோடிபோகும் காலம்
பின்னோக்கி நகர கடிகார முற்களுக்கும் ஆசை கொள்ளும்

வார்த்தைகளின் தூரம் வரை ஏதேதோ பேசி தீர்த்தோம்
ஒவ்வொருமுறையும் நமக்கான உரையாடலில் நம்மை தொலைத்தோம் !!

**மு.வித்யாசன்** · 19/03/2010

மலிக்கா wrote:இப்ப புரிஞ்சிபோச்சி எதுக்கு நீங்க எப்போது ம் ம் போடுறீங்கன்னு..
//எனக்காக நீ உதிர்ப்பாய் ம்... // அதனால்தானே..

கவிதை அருமை..

ஆமா தோழி நாம பயங்கர ஆர்வமா நிறைய பேசுவோம், அதுக்கு நீங்க ம் ன்னு ஒரே வார்த்தைல முடிச்சுருவீங்க.

பாராட்டுக்கு மிக்க நன்றி. புன்னகை

**மு.வித்யாசன்** · 19/03/2010

மஞ்சுபாஷிணி wrote:காதலில் லயித்திருக்கும்போது
உலகம் அற்புதமாகவும்
வானம் சிந்தும் மழைநீர் கூட
நமக்கென கொடைவள்ளல் அழித்த
பனிப்பூக்கள் போலவும்
உதிர்த்த வார்த்தைகளுடன் கூட
என்ன ஒரு பொறாமை உதடுகளுடன்
வார்த்தைகள் மட்டும் தொடுதல் சுகம் பெறுகிறதே என்று
காதலிக்கும் வரை எல்லாமே இன்பமயமாகவே தெரியும்
சூரியன் உதிப்பது கூட நமக்காகவே என்று புரியும்...

காதலின் மயக்கத்தில் தான் என்றாலும் எழுத்துக்களின் வசீகரம் எங்களை இழுக்கிறது கவிதை வரிகளை படித்து பார்க்கவும் தூண்டுகிறது.....

அழகிய வரிகளுக்கு அன்பு வாழ்த்துக்கள் வித்யாசன்....
கவிதை வரிகளிலும் கருத்துகளிலும் வசீகர எழுத்துகளிலும் நல்ல முன்னேற்றம் தெரிகிறது என்றும் என் அன்பு வாழ்த்துக்கள் வித்யாசன்....