காட்டு ஆமணக்கு எண்ணெய்யை பயன்படுத்தி பறந்த விமானம்

**சிவா** · **சிவா** Tue 5 Apr 2011 - 17:56

மெக்சிகோ நாடு, விமானப் பயணத்தில் ஒரு சாதனையை நிகழ்த்தி உள்ளது. அது முதன் முறையாக விமான எரிபொருளுடன் 30 சதவீத காட்டு ஆமணக்கு எண்ணெயை கலந்து ஒரு விமானத்தை பறக்கச் செய்து உள்ளனர். பெட்ரோல், டீசலுக்கு மாற்று எரிபொருளை கண்டு பிடிக்க உலகம் முழுவதும் ஆய்வு நடத்தப்பட்டு வருகிறது.

ரெயில் என்ஜின்களில் டீசலுடன் தாவர எண்ணெயை கலந்து ஓட்டலாம் என்பதை இந்தியா உள்ளிட்ட நாடுகள் நிரூபித்து உள்ளன. இந்த நிலையில் மெக்சிகோ நாட்டில் விமானத்தையே காட்டு ஆமணக்கு எண்ணெய் கலந்த எரிபொருள் மூலம் இயக்கி இருக்கிறார்கள். மெக்சிகோ சிட்டி விமான நிலையத்தில் இருந்து ஏஞ்சல் அல்பினோ கார்சோ நகரம் வரை ஒரு விமானம் ஆமணக்கு எண்ணெய் கலந்த எரிபொருளால் பறந்தது.

மேலும் விமான எரிபொருளை பயன்படுத்தினால் வெளிப்படும் கரியமில வாயுவை விட 69 சதவீதம் குறைவான கரியமில வாயு தான் காட்டு ஆமணக்கு எண்ணெயை கலந்து பயன்படுத்தும் போது ஏற்பட்டதாகவும் தெரிகிறது.