டோனி தான் உண்மையான கேப்டன்: விஜயகாந்த் கேப்டன் அல்ல: வடிவேலு!!

**அருண்** · **அருண்** Mon Apr 04, 2011 12:33 pm

இலங்கையை வீழ்த்திய டோனி தான் உண்மையான கேப்டன். விஜயகாந்தை கேப்டன் என்று சொல்வதில் அர்த்தம் கிடையாது என்று நடிகர் வடிவேலு பேசினார்.

நடிகர் வடிவேலு மதுரை மாவட்டம் டி.கல்லுப்பட்டி, குன்னத்தூர், டி.புதுப்பட்டி, ஆலம்பட்டி ஆகிய ஊர்களில் பிரசாரம் செய்துவிட்டு திருமங்கலம் நகருக்கு வந்தார். திருமங்கலம் தேவர் சிலை அருகே திறந்த வேனில் நின்றபடி பேசினார். அப்போது அவர் கூறியதாவது:

கலைஞர் 6வது முறையாக முதல்வர் ஆவது உறுதி. சந்தேகமே கிடையாது. 5 முறை முதல் அமைச்சராகி பல அற்புதமான திட்டங்களை நிறைவேற்றியுள்ளார். இனி லேப் டாப் தரப்போகிறார். கலைஞர் காப்பீட்டு திட்டத்தின்கீழ் ஏழை விவசாயி மகன் சிறுவன் ஒருவன் அப்பல்லோ மருத்துவமனையில் அனுமதிக்கப்பட்டு சிகிச்சை பெற்றான். அப்பல்லோ மருத்துவமனையில் சிகிச்சை பார்ப்பது என்ன அவ்வாறு சாதாரண விஷயமா? மிகப்பெரிய அற்புதமான திட்டம்.

இலவசத்தை கொடுத்து நாட்டை கெடுப்பதாக சொன்னார்கள். ஆனால் அவர்கள் தேர்தல் அறிக்கையில் இப்போது என்ன சொல்லி இருக்கிறார்கள்.

கறுப்பு எம்.ஜி.ஆர். என்று ஒருத்தர் சொன்னார். நான்தான் அடுத்த முதல்வர் என்று சொன்னார். எம்.ஜி.ஆர்.என் மானசீக குரு என்கிறார். எம்.ஜி.ஆர். என்ன சாதாரண ஆளா? எவ்வளவு பெரிய ஆள். அவர் பெயரைச் சொல்ல கேப்டன் என்று சொல்கிற உங்களுக்கு என்ன தகுதி இருக்கிறது. முதல்வர் என்று சொல்வதற்கு அடிப்படை தகுதி வேண்டாமா? மரியாதை இல்லாமல் பேசுகிறார். கட்சி ஆரம்பித்ததும் முதல்வர் ஆக முடியுமா?

திருமங்கலம் மக்கள் சூப்பர் மக்கள். இடைத்தேர்தலில் அந்தக் கட்சி (தே.மு.தி.க.) போட்டியிட்டபோது, டெபாசிட் இழக்கச் செய்து மங்களம் பாடினீர்கள். அதுதான் சூப்பர்.

கேப்டன் என்றால் யார்? பாகிஸ்தானையும் இலங்கையையும் வீழ்த்திய டோனிதான் உண்மையான கேப்டன். ஆனால் சிலர் தன்னை கேப்டன் என்று சொல்லிக் கொண்டிருக்கிறார்கள். உங்கள் குழந்தைகள் முன் என்னை நிறுத்தினால் அந்த குழந்தைகள் சிரிக்கும். ஆனால் அந்த விஜயகாந்த்தை நிறுத்தினால் பூச்சாண்டி என்று கத்தி அழும்.

வேட்பாளரை ஏன் அடித்தீர்கள் என்று கேட்டால் என் கையால் அடி வாங்கியவன் மகாராஜன் ஆவான் என்று விளக்கம் சொல்கிறார். அப்படி என்றால் கட்சியை கலைத்துவிட்டு ஒவ்வொருவரையும் கூப்பிட்டு மூக்கிலேயே குத்தி மகாராஜன் ஆக்க வேண்டியதுதானே. விஜயகாந்த் சினிமாவில் வாய்ப்பு இல்லை என்பதால் அரசியலுக்கு வந்துவிட்டார். ஆனால் நான் அப்படி இல்லை. சினிமாவில் நல்ல வாய்ப்பு இருக்கும்போதே முதல் அமைச்சருக்காக பிரசாரம் செய்ய வந்துள்ளேன் என்றார்..

நக்கீரன்

ANTHAPPAARVAI · ANTHAPPAARVAI Mon Apr 04, 2011 2:43 pm

மிஸ்டர் காமெடி பீசு!......
முதல்ல ஒட்டுக் கேக்குறதுன்னா என்னான்னு தெரிஞ்சு கிட்டு அப்பறமா அரசியலுக்கு வாப்பா....

சின்னப் புள்ளைங்க உன்னைப் பார்த்தா சிரிப்பாங்க அது எல்லோருக்கும் தெரியும்.

ஆனா கொஞ்ச நாள்-ல, நீ சிரிப்பா சிரிக்கப் போறே... அது உனக்கு தெரியுமா?.....

சினிமா வுல கிடைச்ச மரியாதையை காப்பாத்திக்கோ...

கடந்து வந்த பாதையை நீ மறந்தவன். ஒட்டுக் கேட்பதையும் இப்படித்தான் நீ மறப்பாய் என்பதை நாங்கள் அறிவோம்.

ஒருவன்: " அண்ணே,... ஒட்டுக் கேட்டு நீ போகும் போது,
அரசியல்-னா என்னான்னு கேட்பாங்க? சொல்லிடாதீங்க....
மொத்தம் எத்தனை தொகுதிகள் இருக்கு-னு கேட்பாங்க? சொல்லிடாதீங்க....
எத்தனை மாவட்டம் இருக்கு-னு கேட்பாங்க? சொல்லிடாதீங்க....
தமிழ்-ல் "ழ" என்ற எழுத்தை சொல்ல சொல்லுவாங்க? சொல்லிடாதீங்க....

காமெடி பீசு: டேய்... இதெல்லாம் எனக்குத்தெரியாதுடா...
அப்பறம் எப்புடிட நான் சொல்லுவேன்? சொல்லாதீங்க சொல்லதீங்க-னு சொல்லுறியே வேறு எதைத் தாண்டா நான் பேசுறது?

ஒருவன்: கேப்டனைப் பத்தி மட்டும் பேசுங்க.
உங்களுக்கு இதுதான் சரியான சந்தர்ப்பம்...

காமெடி பீசு: உட்டாலக்கடி உடுக்கா... மட்டாலக்கடி மடுக்கா!
ஆஹா... இது ஒன்னு போதுமே...

அக்கடா.! அக்கடா.!

யாரங்கே கொண்டு வாருங்கள் மைக்கை! தாரை தப்பட்டைகளோடு கிளப்புங்கள் பீதியை!.
நான் பேசும் பேச்சில் அனைவரும் என்னை காறித் துப்ப வேண்டாமா?
அடுத்த முதல்வராக நான் ஆகா வேண்டாமா...

அக்கடா.! அக்கடா.! "

(....இது கேப்டனுக்காக மட்டும்....)