தங்க பேனா கொடுத்த முதல்வரை தாக்கிப் பேசுவதா?: பாக்யராஜ் பேச்சு

தாமு · தாமு Sun Apr 03, 2011 6:05 am

திருவள்ளூர் : ""தே.மு.தி.க., கட்சி துவக்குவதற்கு முன், விஜயகாந்துக்கு தங்க பேனா கொடுத்தவர் முதல்வர். அரசியலுக்கு வந்ததும் அவரை தாக்கிப் பேசுவதா?'' என, தேர்தல் பிரசாரக் கூட்டத்தில் பாக்யராஜ் பேசினார். திருவள்ளூர் தொகுதி தி.மு.க., வேட்பாளர் சிவாஜியை ஆதரித்து திரைப்பட நடிகர் பாக்யராஜ், நேற்று முன்தினம் இரவு, திறந்த ஜீப்பில் தேர்தல் பிரசாரம் செய்தார். அப்போது அவர் பேசியதாவது: ஓட்டு கேட்பதில் இருவிதம். ஒன்று, என்ன செய்தோம் என கூறி கேட்பது; மற்றொன்று என்ன செய்யப் போகிறோம் என கூறி கேட்பது.
தி.மு.க.,வினர் மட்டும் தான் இரண்டும் சொல்லி கேட்க முடியும். மற்றவர்கள் குற்றச்சாட்டுகளை கூறித் தான் ஓட்டு கேட்க முடியும். மானிய விலையில் அரிசி, பருப்பு, 7,000 கோடி ரூபாய் விவசாய கடன் தள்ளுபடி, பயிர்க்கடன் வட்டி தள்ளுபடி, சத்துணவில் 5 முட்டை என தி.மு.க.,வின் சாதனைகளை அடுக்கிக் கொண்டே போகலாம். 108 என்றால் கலசமும், விளக்கும் தான் ஞாபகத்துக்கு வரும். இப்போது, ஆம்புலன்ஸ் தான் ஞாபகத்துக்கு வருகிறது.
தே.மு.தி.க., கட்சி துவங்குவதற்கு முன் விஜயகாந்துக்கு தங்கப் பேனா கொடுத்தவர் முதல்வர். கட்சி துவங்கியதும், அவரை தரக்குறைவாக விஜயகாந்த் பேசி வருகிறார். தற்போது வடிவேலுவிடம் சிக்கித் தவிக்கிறார் விஜயகாந்த். அவரது கட்சி போட்டியிடும் 41 தொகுதி வேட்பாளர்களின் பெயர்களை மட்டும் சொன்னால், அரசியலை விட்டே விலகுகிறேன் என வடிவேலு கூறியுள்ளார். தி.மு.க., வெற்றி வாய்ப்பு உள்ள தொகுதிகளில் தே.மு.தி.க.,வுக்கு சீட் கொடுத்துள்ளதால் விஜயகாந்த் திணறி வருகிறார். இவ்வாறு பாக்யராஜ் பேசினார்.

தினமலர்.

முரளிராஜா · முரளிராஜா Sun Apr 03, 2011 11:07 am

உமக்கும் தங்க பேனா வேனும்னு ஜாடையா சொல்றிங்களா?

கலைவேந்தன் · கலைவேந்தன் Sun Apr 03, 2011 2:42 pm

இந்தாளு மட்டும் கட்சி மாறி மாறி பேசலாமா..?

மஞ்சுபாஷிணி · மஞ்சுபாஷிணி Sun Apr 03, 2011 6:33 pm

இப்படியே ஒருத்தர் மேலே ஒருத்தர் சேற்றை பூசிக்கோங்க பார்க்கவும் நல்லா தான் இருக்கும் சினிமாவில் நடிப்போரை பிரச்சாரம் செய்ய அழைக்க கூடாதுன்னு தேர்தல் ஆணையம் ஸ்ட்ரிக்டா ஆர்டர் போடனும்.....

ஷர்மிஅஷாம் · ஷர்மிஅஷாம் Sun Apr 03, 2011 6:44 pm

மஞ்சுபாஷிணி wrote:இப்படியே ஒருத்தர் மேலே ஒருத்தர் சேற்றை பூசிக்கோங்க பார்க்கவும் நல்லா தான் இருக்கும் சினிமாவில் நடிப்போரை பிரச்சாரம் செய்ய அழைக்க கூடாதுன்னு தேர்தல் ஆணையம் ஸ்ட்ரிக்டா ஆர்டர் போடனும்.....