கருணாநிதி மீண்டும் ஆட்சியில் அமர்வார் : நடிகை குஷ்பு ஆரூடம்

தாமு · தாமு Sun Apr 03, 2011 6:04 am

ராசிபுரம் : ""தி.மு.க., அனைத்து தொகுதியிலும் ஜெயிக்கும். மீண்டும் கருணாநிதிதான் ஆட்சியில் அமர்வார்,'' என, ராசிபுரத்தில் பிரசாரத்தில் ஈடுபட்ட நடிகை குஷ்பு பேசினார். ராசிபுரம் சட்டசபை தொகுதியில் போட்டியிடும் தி.மு.க., வேட்பாளர் துரைசாமியை ஆதரித்து, குருசாமிபாளையம், ஆண்டகளூர்கேட் உள்ளிட்ட பகுதிகளில் நடிகை குஷ்பு தீவிர பிரசாரத்தில் ஈடுபட்டார்.
ராசிபுரம் புதிய பஸ் ஸ்டாண்ட் அருகே அவர் பேசியதாவது: அடுத்த தலைமுறையினர் கஷ்டப்படக் கூடாது என்பதற்காக, பல்வேறு நலதிட்டங்களை நடைமுறைப்படுத்தியவர் கருணாநிதி. ஜெ., வுக்கு, மக்களை பற்றிக் கவலையில்லை. பெண்களுக்கான திருமண உதவி திட்டம் உள்ளிட்ட பல நல்ல திட்டங்களையும், இளைஞர்களின் வேலைவாய்ப்புகளையும் பறித்தவர் ஜெயலலிதா.
சர்வீஸ் கமிஷன் தேர்வுகள் நடத்தி இளைஞர்களுக்கு வேலைவாய்ப்பினை உருவாக்கி தந்தது தி.மு.க., அரசு. பெண்கள் முன்னேற்றத்திற்காக மகளிர் சுய உதவிக்குழு, திருமண நிதி உதவி திட்டம் உள்ளிட்ட திட்டங்களை கொண்டு வந்தவர் கருணாநிதி.
எஸ்மா, டெஸ்மா சட்டத்தில் ஒன்றரை லட்சம் அரசு ஊழியர்களை வீட்டுக்கு அனுப்பியவர் ஜெயலலிதா. அவரை 13ம் தேதி தேர்தலுக்கு பின், கூட்டணி கட்சியினர் பார்க்க முடியாது. ஜெயலலிதா ஆட்சி அமைத்தால், "டிவி,' காஸ் அடுப்புகளை பறித்துக் கொள்வார்.
ஜெ., என்றால் அராஜகம் மட்டும்தான் ஞாபகம் வரும். வறுமை தெரியாமல் வாழும் அவர், ஆட்சிக்கு வந்தால் யாரையும் கண்டு கொள்ளாமல், கோடநாட்டுக்குச் சென்று விடுவார். தேர்தல் அறிக்கையை, 10 நிமிடம் அமர்ந்து படிக்க முடியாதவர், மக்களை எப்படி பார்ப்பார். வரும் தேர்தலில், தி.மு.க., அனைத்து தொகுதியிலும் வெற்றி பெறும். மீண்டும் கருணாநிதி தான் ஆட்சியில் அமர்வார். இவ்வாறு குஷ்பு பேசினார்.

தினமலர்.

தாமு · தாமு Sun Apr 03, 2011 6:05 am

குஷ்பு எப்ப ஜோசியர் ஆனாங்க யாராவது தெரிந்தா சொல்லுங்க? கருணாநிதி மீண்டும் ஆட்சியில் அமர்வார் : நடிகை குஷ்பு ஆரூடம் 56667

கருணாநிதி மீண்டும் ஆட்சியில் அமர்வார் : நடிகை குஷ்பு ஆரூடம்

கருணாநிதி மீண்டும் ஆட்சியில் அமர்வார் : நடிகை குஷ்பு ஆரூடம்

Re: கருணாநிதி மீண்டும் ஆட்சியில் அமர்வார் : நடிகை குஷ்பு ஆரூடம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக