30 வகை சம்மர் ரெசிபிகள்

மஞ்சுபாஷிணி · மஞ்சுபாஷிணி Sat Apr 02, 2011 7:14 pm

First topic message reminder :

'இதோ வந்துட்டோம்ல...' என்பது போல ச்சும்மா சுள்ளென்று வாட்டியெடுக்க ஆரம்பித்துவிட்டார் சூரிய பகவான் வழக்கம்போல! நாமும் வழக்கம்போல சமாளித்துதானே ஆகவேண்டும்!

என்னதான், 'வாய்க்கு ருசியா கொடுக்கறேன்' என்று வகை வகையாக சமைத்து வைத்தாலும், அத்தனையையும் ருசித்து சாப்பிட முடியாத அளவுக்கு, வெயில் தன் வேலையைக் காட்ட ஆரம்பித்துவிடும். சொல்லப் போனால், 'இதையா சமைச்சே?' என்று சில அயிட்டங்கள் பலரையும் பதற வைத்துவிடும்.

இதிலிருந்து தப்பிக்க வைத்து, எல்லோரையும் 'கூல்... கூல்...' என்றாக்குவதற்காக... கிர்ணி, தர்பூசணி, பரங்கி, பூசணி, நெல்லிக்காய், இளநீர் என பலவற்றையும் பயன்படுத்தி, சர்பத் முதல் சாலட் வரை செய்து காட்டி அசத்தியிருக்கிறார் சுவையரசி சாந்தி விஜயகிருஷ்ணன்.

நாக்கும் மனதுக்கும் ஒருசேர மலர்ச்சியூட்டி, உடன் ஆரோக்கியத்தையும் உறுதிப்படுத்தும் இந்த அயிட்டங்களை சமைத்துக் கொடுத்து, ச்சும்மா 'ஜில்’லுனு ஒரு சபாஷ் வாங்குங்க!

நன்றி விகடன்

மஞ்சுபாஷிணி · மஞ்சுபாஷிணி Sat Apr 02, 2011 7:26 pm

நெல்லிக்காய் பச்சடி

தேவையானவை: பெரிய நெல்லிக்காய் - 100 கிராம், இஞ்சி - சிறு துண்டு, தேங்காய் துருவல் - 2 டீஸ்பூன், பச்சை மிளகாய் - 1, கடுகு, பெருங்காயத்தூள் - தலா கால் டீஸ்பூன், தயிர் - 100 கிராம், எண்ணெய் - ஒரு டீஸ்பூன், உப்பு - தேவையான அளவு.

செய்முறை: நெல்லிக்காய் களைத் துருவி... இஞ்சி, தேங்காய் துருவல், பச்சை மிளகாய், உப்பு சேர்த்து அரைத்து, பெருங்காயத்தூள் சேர்த்து தயிரில் கலக்கவும். எண்ணெயில் கடுகு தாளித்துச் சேர்க்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:27 pm

மிக்ஸட் சாலட்

தேவையானவை: நறுக்கிய தக்காளி, ஊற வைத்து முளை கட்டிய பச்சைப் பயறு, பொடியாக நறுக்கிய வெள்ளரிக்காய், மாதுளை முத்துக்கள் - தலா 50 கிராம், நறுக்கிய தர்பூசணி, வெங்காயம், பொடியாக நறுக்கிய கொத்தமல்லி - சிறிதளவு, சாட் மசாலாத்தூள், எலுமிச்சைச் சாறு - தலா அரை டீஸ்பூன், கறுப்பு உப்பு - தேவையான அளவு, ஆலிவ் ஆயில் - ஒரு டீஸ்பூன்.

செய்முறை: தக்காளி, பயறு, வெள்ளரிக்காய், மாதுளை, தர்பூசணி, வெங்காயம் ஆகியவற்றை ஒரு பாத்திரத்தில் போட்டு... சாட் மசாலாத்தூள், உப்பு சேர்த்து, எலுமிச்சைச் சாறு, ஆலிவ் ஆயில் ஊற்றி நன்றாகக் கலக்கவும். கொத்தமல்லியை மேலாகத் தூவவும்.

மஞ்சுபாஷிணி · மஞ்சுபாஷிணி Sat Apr 02, 2011 7:27 pm

சௌசௌ ஸ்ட்டூ

தேவையானவை: சௌசௌ - 1, தேங்காய் - 1, பச்சை மிளகாய் - 2, தேங்காய் எண்ணெய் - 2 டீஸ்பூன், உப்பு - தேவையான அளவு.

செய்முறை: சௌசௌவை பொடியாக நறுக்கி சிறிது தண்ணீர் விட்டு, உப்பு சேர்த்து வேக வைக்கவும். தேங்காயைத் துருவி சிறிது தண்ணீர் சேர்த்து அரைத்து கெட்டியான பால் எடுக்கவும். வேக வைத்த சௌசௌவுடன் தேங்காய்ப்பால் சேர்த்து லேசாக கொதிக்க வைத்து, பச்சை மிளகாயைக் கீறி சேர்த்து, தேங்காய் எண்ணெய் ஊற்றி இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:28 pm

தக்காளி ஜாம்

தேவையானவை: பெங்களூர் தக்காளி - 10, சர்க்கரை - 100 கிராம், ஏலக்காய்த்தூள் - சிறிதளவு.

செய்முறை: தக்காளியை கேரட் துருவியால் மெள்ள துருவிக் கொள்ளவும். அடி கனமான கடாயில் துருவிய தக்காளி, சர்க்கரை சேர்த்து, அடுப்பை சிறு தீயில் வைத்துக் கிளறவும். ஜாம் பதத்துக்கு வந்ததும் ஏலக்காய்த்தூள் சேர்த்து இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:29 pm

நாரத்தை பச்சடி

தேவையானவை: நாரத்தங்காய் - 5, வெல்லம் - 250 கிராம், பச்சை மிளகாய் - 4, மிளகாய்த்தூள் - அரை டீஸ்பூன், கடுகு, மஞ்சள்தூள் - தலா கால் டீஸ்பூன், எண்ணெய் - ஒரு டேபிள்ஸ்பூன், உப்பு - தேவையான அளவு.

செய்முறை: நாரத்தங்காயின் தோல், கொட்டைகளை நீக்கி, சுளைகளை எடுத்து பொடியாக நறுக்கவும். வெல்லத்தில் சிறிது தண்ணீர் விட்டு கொதிக்க வைத்து வடிகட்டவும். கடாயில் எண்ணெய் விட்டு, காய்ந்ததும் கடுகு தாளித்து... பச்சை மிளகாய், உப்பு, மஞ்சள்தூள், மிளகாய்த்தூள், நாரத்தங்காய் துண்டுகளைச் சேர்த்து வதக்கி, நன்றாகக் கொதிக்க விடவும். பிறகு, வெல்லத்தை சேர்க்கவும். எல்லாம் சேர்ந்து நன்றாகக் கொதித்து எண்ணெய் பிரிந்து வரும் சமயத்தில் அடுப்பிலிருந்து இறக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:29 pm

பரங்கிக்காய் சட்னி

தேவையானவை: பரங்கிக் காய் - ஒரு கீற்று, காய்ந்த மிளகாய் - 2, பச்சை மிளகாய் - 2, உளுத்தம்பருப்பு - ஒரு டேபிள்ஸ்பூன், கடுகு, பெருங்காயத்தூள் - தலா கால் டீஸ்பூன், புளி - கொட்டைபாக்கு அளவு, எண்ணெய் - 2 டீஸ்பூன், உப்பு - தேவையான அளவு.

செய்முறை: கடாயில் எண்ணெய் விட்டு... கடுகு, உளுத்தம்பருப்பு, காய்ந்த மிளகாய், பச்சை மிளகாய் தாளித்து, பரங்கிக்காயை நறுக்கி சேர்த்து வதக்கவும். இதனுடன் புளி, உப்பு, பெருங்காயத்தூள் சேர்த்து மிக்ஸியில் கரகரப்பாக அரைத்தெடுக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:30 pm

இளநீர் - பால் ஜூஸ்

தேவையானவை: பொடியாக நறுக்கிய வழுகல் தேங்காய், இளநீர் - தலா 100 கிராம் (வழுகலுடன் சேர்ந்த இளநீராக இருக்க வேண்டும்), திக்கான பால் - 200 கிராம், சர்க்கரை - 4 டீஸ்பூன்.

செய்முறை: வழுகல் தேங்காயுடன் இளநீர், சர்க்கரை சேர்த்து நன்றாக அரைத்து, பால் ஊற்றி மீண்டும் ஒருமுறை மிக்ஸியில் அடித்து, ஃப்ரிட்ஜில் வைத்து 'ஜில்’லென்று கொடுக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:30 pm

வெண் பூசணி தோசை

தேவையானவை: பச்சரிசி - 200 கிராம், உளுத்தம்பருப்பு - ஒரு கைப்பிடி, தோல், விதை நீக்கிய பூசணிக்காய் - ஒரு கீற்று, எண்ணெய், உப்பு - தேவையான அளவு.

செய்முறை: அரிசியுடன் உளுந்து சேர்த்து 2 மணி நேரம் ஊற வைத்து, பூசணிக்காயை நறுக்கி சேர்த்து மையாக அரைக்கவும். பிறகு, உப்பு சேர்த்துக் கரைக்கவும். மாவு சிறிது புளித்தவுடன், தோசைக்கல்லில் எண்ணெய் ஊற்றி, மாவை தோசைகளாக வார்த்தெடுக்கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:31 pm

பனங்கல்கண்டு அப்பம்

தேவையானவை: பனங்கல் கண்டு, மைதா மாவு - தலா 100 கிராம், வெல்லம், அரிசி மாவு - தலா 25 கிராம், ஏலக்காய்த்தூள் - ஒரு சிட்டிகை, தேங்காய் துருவல் - சிறிதளவு, எண்ணெய் - தேவையான அளவு.

செய்முறை: கொதிக்கும் நீரில் வெல்லத்தை சேர்த்து, நன்றாகக் கொதித்ததும் வடிகட்டி, பனங்கல் கண்டை சேர்த்து, கரையும் வரை கொதிக்க விட்டு இறக்கவும். சிறிது ஆறியதும் மைதா மாவு, அரிசி மாவு, ஏலக்காய்த்தூள், தேங்காய் துருவல் சேர்த்து, இட்லி மாவு பதத்தில் கரைத்துக் கொள்ளவும். இந்த மாவை அப்பக்குழியில் ஊற்றி அப்பங்களாக வார்த்தெடுக் கவும்.

மஞ்சுபாஷிணி · மஞ்சுபாஷிணி Sat Apr 02, 2011 7:31 pm

இளநீர் ஆப்பம்

தேவையானவை: பச்சரிசி, புழுங்கல் அரிசி - தலா 200 கிராம், உளுத்தம்பருப்பு - 50 கிராம், இளநீர் - 1, ஈஸ்ட் - ஒரு டீஸ்பூன், பால் - சிறிதளவு, எண்ணெய், உப்பு - தேவையான அளவு.

செய்முறை: அரிசி வகைகள், உளுத்தம்பருப்பை சேர்த்து 2 மணி நேரம் ஊற வைக்கவும். இதனுடன் இளநீர் சேர்த்து தோசை மாவு பதத்தில் அரைத்து, உப்பு சேர்த்துக் கரைக்கவும். ஆப்பம் சுடுவதற்கு ஒரு மணி நேரத்துக்கு முன்பு ஈஸ்ட்டை மிதமான பாலில் கலந்து, பத்து நிமிடம் கழித்து மாவுக் கலவையில் சேர்க்கவும். பிறகு, ஆப்பச்சட்டியில் எண்ணெய் விட்டு ஆப்பங்களாக வார்த்து எடுக்கவும்.

Sponsored content · Sponsored content

30 வகை சம்மர் ரெசிபிகள்

30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

Re: 30 வகை சம்மர் ரெசிபிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக