தமிழகத்தில் 218 இடங்களில் வெல்வோம்: ஜெ. நம்பிக்கை

மஞ்சுபாஷிணி · மஞ்சுபாஷிணி Sat Apr 02, 2011 5:53 pm

தமிழகத்தில் 218 இடங்களில் வெல்வோம்: ஜெ. நம்பிக்கை

சென்னை, ஏப்.2,2011

எதிர்வரும் சட்டப்பேரவைத் தேர்தலில் 218-க்கும் மேற்பட்ட இடங்களில் அ.தி.மு.க. கூட்டணி வெற்றிப்பெற்று தனித்து ஆட்சி அமைக்கும் என்று ஜெயலலிதா நம்பிக்கை தெரிவித்தார்.

அதேநேரத்தில், விஜயகாந்த் குறித்த கேள்விக்கு அவர் பதிலளிக்க மறுத்துவிட்டார்.

இதுகுறித்து சென்னையில் நிருபர்களிடம் வெள்ளிக்கிழமை அவர் கூறுகையில், "கருத்துக் கணிப்புகளில் அ.தி.மு.க. வெற்றி பெறும் என்று தெரிவிக்கப்பட்டுள்ளது மகிழ்ச்சி அளிக்கிறது," என்றார்.

164 இடங்களில் அ.தி.மு.க. கூட்டணி வெற்றி பெறும் என்று கருத்துக் கணிப்பில் கூறப்பட்டுள்ளதே? என்றதற்கு, "எனது சொந்த கணிப்பின்படி அ.தி.மு.க கூட்டணி 218 இடங்களுக்கு குறையாமல் வெற்றி பெறும். எனவே தொங்கு சட்டசபை ஏற்பட வாய்ப்பில்லை. அ.தி.மு.க. தனித்தே ஆட்சி அமைக்கும்," என்றார்.

தேர்தல் ஆணையத்தின் கெடுபிடி நடவடிக்கையால், தமிழ்நாட்டில் அறிவிக்கப்படாத எமர்ஜென்சி போல் உள்ளது என்ற முதல்வர் கருணாநிதியின் கருத்துக்கு பதிலளிக்கையில், "கருணாநிதி ஆட்சிதான் உண்மையான எமர்ஜென்சி," என்றார் ஜெயலலிதா.

தேர்தல் ஆணையம் நடவடிக்கைகள் குறித்து அவர் கூறுகையில், "மிக நீண்ட காலத்திற்கு பிறகு தேர்தல் நடத்தை விதிமுறைகளை, தேர்தல் ஆணையம் அமல்படுத்துவதில் தீவிரமாகவும், உறுதியாகவும், முனைப்புடன் செயல்படுவதாக தெரிகிறது. இதை இதயபூர்வமாக வரவேற்கிறேன்," என்று கூறினார்.

விஜயகாந்த் தேர்தல் பிரசாரத்தின்போது தனது கட்சி வேட்பாளரை அடித்துள்ளதாகவும், அ.தி.மு.க. கொடியை கீழே இறக்கும்படி கூறியதாகவும் வெளியாகும் செய்திகள் குறித்து கேட்டதற்கு பதிலளிக்க மறுத்த ஜெயலலிதா, "மன்னிக்கவும். தேர்தல் பிரசாரத்துக்கு நேரமாகிவிட்டது. நான் செல்கிறேன்," என்று நழுவினார்.

நன்றி விகடன்

தமிழகத்தில் 218 இடங்களில் வெல்வோம்: ஜெ. நம்பிக்கை

தமிழகத்தில் 218 இடங்களில் வெல்வோம்: ஜெ. நம்பிக்கை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக