4 இலங்கைக் கடற்படையினர் கடலில் மாயம்: படகு எங்கே என விசாரணை !

இந்து · இந்து Fri Apr 01, 2011 1:57 pm

"வட பிராந்தியக் கடலில் கடற்படை வீரர்கள் காணாமற் போயுள்ளனர் ! மர்ம நபர்களால் கடத்தப்பட்டுள்ளனரா" இதுதான் தமிழ் இணையங்களின் இன்றைய தலையங்கம். அதாவது இங்கே குறிப்பிடப்பட்டுள்ள சொல் பிரயோகங்களை தமிழர்கள் நன்கு அவதானிக்கவேண்டும். "கடற்படை வீரர்கள்" எத்தனை தமிழர்களின் உயிரைக் குடித்தவர்கள் ? எத்தனை மீனவர்களை சுட்டு கடலில் போட்டவர்கள் ? எத்தனை தமிழ் பெண்களை தீவகப் பகுதிகளில் பாலியல் வல்லுறவுக்கு உள்ளாக்கியவர்கள், இவர்களை வீரர்கள் என்று எழுதும் அளவிற்கு இன்று தமிழ் இணையங்கள் வளர்ந்துவிட்டது. இதை ஏன் என்று தட்டிக் கேட்க்க யாரும் இல்லாத நிலை. அது ஒரு புறம் இருக்கட்டும்...

முல்லைக் கடற்பரப்பில் காணாமல் போன கடற்படையின் படகு தற்போது ஒதுங்கியுள்ளதாகவும், அதில் சில தேட்டாக்கள் இருப்பதாவும் செய்திகள் வெளியாகியுள்ளது. அதற்கு மேலே போய், அவர்கள் 4ல்வரையும், யாரோ கடத்தி விட்டனர், இலையேல் கொண்றுவிட்டனர் என்றும் இணையங்களில் செய்தி வெளியாகியுள்ளது. அதாவது இலங்கைக் கடற்படையினர், இன்று மதியம் தெரிவித்த கருத்தின்படி, ரோந்துக்குச் சென்ற படையினரில் 4ல்வரைக் காணவில்லை என்றே தெரிவித்துள்ளது. பின்னர் அவர்கள் பொருட்களை ஏற்றிச் சென்றனர் என்றும் கூறுகிறது. ரோந்துக்குச் செல்லும் கடற்படையில், சிறியபடகாக இருந்தாலும் அதில் தாக்குதல் துப்பாக்கிகளும் தொலைதூர தொடர்பாடல் கருவிகள்(வாக்கி) போன்றவை பொருத்தப்பட்டே இருக்கும்.

அவ்வாறு செல்லும் படகு ஒன்றை இலகுவாக எவரும் கைப்பற்றவோ இல்லை தமிழ் இணையங்கள் சொல்வது போலவோ கடத்தவோ முடியாது. அப்படி ஏதாவது எத்தணிப்புகள் நடந்திருந்தால் தரையில் உள்ள கட்டுப்பாடுத் தளத்தோடு அவர்கள் நிச்சயம் தொடர்புகொண்டு, தம்மை யாரோ தாக்குகிறார்கள் என்று சொல்லியிருப்பார்கள். இலங்கை அரசு சொல்வதை அப்படியே எழுதி அதனை நம்பி, மற்றும் கடற்படையினரை வீரர் எனக் கொண்டாட சில தமிழ் இணையங்கள் இன்னும் இருக்கிறது என்பதே வெக்கக்கேடான விடையமாகும்.

அதாவது அவர்கள் காணாமல் போன பகுதி முல்லைக் கடல்பரப்பு. மன்னார் பக்கம் அல்ல. ஆனால் இலங்கை கடற்படையினரோ அவர்களை தமிழ் நாட்டின் கரையோரப் பகுதிகளில் தேடிவருகிறது. இதன் மர்மம் என்ன ? (இங்கே இருக்கும் படத்தைப் பார்த்தால் புரியும்.) சமீபத்தில் பிடிபட்ட சோமாலிய கடற்கொள்ளையர்கள், இலங்கை கடற்படையினரே தமக்கு எரிபொருள், மற்றும் மின்கலங்கள் போன்றவற்றை வழங்குவதாகத் தெரிவித்திருந்தனர். அவ்வாறு சோமாலிய கடற்கொள்ளையருக்கு ஏதாவது பொருட்களை விற்க்கச் சென்ற வேளை அவர்கள் பொருட்களை எடுத்துவிட்டு, கடற்படையினரை சுட்டிருக்கலாம், இல்லையே பிடித்துச் சென்றிருக்கலாம் என்ற கருத்துகளே வலுப்பெறுகின்றன.

4 இலங்கைக் கடற்படையினர் கடலில் மாயம்: படகு எங்கே என விசாரணை ! Missingnavy

4 இலங்கைக் கடற்படையினர் கடலில் மாயம்: படகு எங்கே என விசாரணை ! Missingnavy

கடற்படையினரை தமிழ் நாட்டு, மீனவர்களே தாக்கியுள்ளனர் என்றும், அல்லது அவர்கள் காணமல் போயுள்ளனர் என்று இலங்கை அரசு கூறும் எக் காரணங்களும் ஏற்புடையதானவை அல்ல. இதற்குப் பின்னணியில் ஏதோ ஒருவிடையம் இருப்பதையும், அதனை இலங்கை அரசு மறைக்க முற்படுவதும் இங்கே தெளிவாகப் புலப்படுகிறது.

4 இலங்கைக் கடற்படையினர் கடலில் மாயம்: படகு எங்கே என விசாரணை !

4 இலங்கைக் கடற்படையினர் கடலில் மாயம்: படகு எங்கே என விசாரணை !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக