இந்தியாவின் மக்கள்தொகை 121 கோடி: உலக மக்கள்தொகையில் 17.5 சதவீதம்

புதுதில்லி, மார்ச்.31: கடந்த 10 ஆண்டுகளில் இந்தியாவின் மக்கள்தொகை 18 கோடிக்கும் மேல் அதிகரித்து 121 கோடியாக உயர்ந்துள்ளது. இது உலகின் மக்கள்தொகையில் 17.5 சதவீதமாகும்.

புதிய மக்கள்தொகை கணக்கெடுப்பில் இது தெரியவந்துள்ளது. எனினும் 90 ஆண்டுகளில் முதன்முறையாக வளர்ச்சி விகிதம் குறிப்பிடத்தக்க அளவில் குறைந்துள்ளது.

2011 மக்கள்தொகை கணக்கெடுப்பின்படி 62.37 கோடி ஆண்களும், 58.65 கோடி பெண்களும் இந்தியாவில் உள்ளனர். 2001-2011 வரையிலான காலகட்டத்தில் 18 கோடிக்கும் அதிகமாக மக்கள்தொகை அதிகரித்துள்ளது. 2011-ல் வளர்ச்சி விகிதம் 17.64 சதவீதம். 2001-ல் இது 21.15 சதவீதமாக இருந்தது.

மாநிலங்கள் மற்றும் யூனியன் பிரதேசங்களில் உத்தரப்பிரதேசம்தான் மிகவும் அதிகமான மக்கள்தொகை கொண்ட மாநிலமாகும். அங்கு 19 கோடியே 90 லட்சம் பேர் உள்ளனர். லட்சத்தீவில் மிகவும் குறைவான மக்கள்தொகை உள்ளது. அங்கு 64,429 பேர்தான் உள்ளனர்.

உத்தரப்பிரதேசம் மற்றும் மகாராஷ்டிர மக்கள்தொகையைச் சேர்த்தால் அமெரிக்க மக்கள்தொகையைவிட அதிகமாகும். அதிக மக்கள் நெருக்கம் தில்லியின் வடகிழக்கில் உள்ளது. ஒரு சதுர கிலோமீட்டருக்கு 37,346 பேர் அங்கு உள்ளனர். குறைவான மக்கள் நெருக்கம் அருணாச்சலப் பிரதேசத்தின் திபங்க் பள்ளத்தாக்கில் உள்ளது. அங்கு ஒரு சதுர கிலோமீட்டருக்கு ஒருவர் மட்டுமே உள்ளார்.

பெண் குழந்தைகளைவிட ஆண் குழந்தைகளின் எண்ணிக்கை தொடர்ந்து அதிகமாக உள்ளதை மக்கள்தொகை கணக்கெடுப்பு குறிப்பிடுகிறது. கணக்கெடுப்பின்படி சமீபத்திய குழந்தைகள் விகிதம் 1000 ஆண்களுக்கு 914 பெண்களாக உள்ளது. இது சுதந்திரம் அடைந்ததில் இருந்து மிகக் குறைவான விகிதமாகும்.

மொத்த மக்கள்தொகையில் 7 வயது மற்றும் அதற்கு மேற்பட்ட வயதினரில் 74 சதவீதம் பேர் படித்தவர்கள் . 26 சதவீதம் பேர் படிக்காதவர்கள்.

2001-ல் படித்தவர்கள் 64.83 சதவீதமாக இருந்த படித்தவர்களின் விகிதம், 2011-ல் 74.04 சதவீதமாக உயர்ந்துள்ளது. இது படித்தவர்களின் எண்ணிக்கை 9.21 சதவீதம் அதிகரித்திருப்பதைக் காட்டுகிறது.

உலகிலேயே சீனாதான் அதிக மக்கள்தொகை கொண்ட நாடு. உலக மக்கள்தொகையில் 19.4 சதவீதம் பேர் அங்கு உள்ளனர். அமெரிக்கா. இந்தோனேசியா, பிரேசில், பாகிஸ்தான், வங்கதேசம் மற்றும் ஜப்பான் ஆகிய நாடுகளின் ஒருங்கிணைந்த மக்கள்தொகையும் சீனாவின் மக்கள்தொகையும் ஏறக்குறைய சமமாக இருக்கும் என புள்ளிவிவரங்கள் குறிப்பிடுகின்றன.

இப்ப வந்திருக்கிற பாடத்திட்டத்தின் படி 100 சதவிகிதம் படிச்சவங்க ஆயிடுவாங்க! ஆனா அதனால் நோ யூஸ். தகவலுக்கு நன்றிகள் கண்ணா

இன்னொரு தகவல் இது கலைஞர் ஆட்சி பற்றியது .ஒரு கோடியே எழுபத்தைந்து இலட்சத்துக்கும் அதிகமான இலவச தொலைக்காட்சி வழங்கப்பட்டுள்ளதாம் .அப்படியானால் ஒரு குடும்பத்தில் முன்று பேர் என்று அண்ணளவாக பார்த்தாலும் ஐந்து கோடியே இருபத்தைந்து இலட்சம் தமிழன் இந்தியாவில் வறுமையில் இருக்கிறான் என்று தானே அர்த்தம் .சுகந்திரம் கிடைத்து அறுபது ஆண்டுகளாக தமிழன் என்ன செய்துகொண்டிருக்கிறான் ?இன்று அழகிரியின் வீட்டை தொலைக்காட்சியில் காட்டுகிறார்கள் .அவர்களிடம் மட்டும் எப்படி இப்படி பணம் வந்தது?......எங்கோ உதைக்கிறது சீமான் நேற்று சொல்லியுள்ளார் ஒரு ruupaikku அரிசி கொடுத்து அதனை வாங்கி உண்பது சாதனையா ?ஐநுரு ரூபாய் என்றாலும் அதை வாங்கி உண்பதற்கு ஏற்ற திராணியை உண்டாக்கினால் அது சாதனை ..சிந்தித்து வாக்களியுங்கள்

சீமான் சரியாத்தான் கேட்டுள்ளார்.