கிழக்கு லிபியா கிளர்ச்சிப்படை முன்னேறி வருகிறது

சிவசங்கர் · சிவசங்கர் Mon Mar 28, 2011 9:41 pm

கிழக்கு லிபியாவிலுள்ள கிளர்ச்சிக்காரர்கள் இரண்டு முக்கிய எண்ணெய் பகுதிகளை மீண்டும் கைப்பற்றிக் கொண்டு ஞாயிற்றுக்கிழமை தலைநகர் திரிபோலியை நோக்கி முன்னேறி வரும் வேளையில்,தலைநகர் மக்கள் தங்களது அன்றாட தேவைகளுக்கு சிரமத்தை எதிர்நோக்கி வருகின்றனர்.

எண்ணெய் நிலையங்களில் பொதுமக்கள் பெட்ரோலுக்கு பல மணி நேரங்கள் காத்துக்கிடக்க வேண்டியுள்ளது. அரசாங்கம் எரிபொருள் விலையை லிட்டருக்கு 20 அமெரிக்க சென்னிலிருந்து 15 சென்னாகக் குறைத்துள்ளது.கட்டுப்பாடுகளையும் அகற்றியுள்ளது.

ஆனாலும் கிளர்ச்சி நடவடிக்கைகளாலும் அந்நியத் தொழிலாளர்கள் இல்லாததாலும் எண்ணெய் சுத்திகரிப்பு நிலையங்கள் மூடப்பட்டுள்ளன.

இதனிடையே பேச்சுகள் நடத்தாமல் மேற்கத்தியஆதிக்கம் தங்கள் நாட்டு விவகாரத்தில் தலையிட்டுள்ளதாக Moussa Ibrahim என்ற லிபிய அரசாங்க பேச்சாளர் பிரிட்டன் sky செய்தி நிறுவனத்துக்கு அளித்த பேட்டியில் குற்றம் சாட்டினார்.

ஜனநாயகத்துக்கு மாறாக எரிபொருளில் அவர்கள் குறியாக உள்ளனர் என்று அவர் கூறினார்.திரிபோலியில் உணவுப்பொருள் வாங்குவதற்கு பொதுமக்கள் நீண்ட நேரம் வரிசையில் காத்துக் கிடக்கின்றனர்.

ஆங்காங்கே காவல்துறை சோதனை சாவடிகளை ஏற்படுத்தியுள்ளது.கடாபியின் ராணுவ பலம் முறியடிக்கப்பட்டுள்ளதைத் தொடர்ந்து கிளர்ச்சிப்படை முன்னேறி வருகிறது.ஐ.நா பாதுகாப்பு மன்றம் லிபிய மக்களுக்கு பாதுகாப்பு வழங்கும் நடவடிக்கையில் அரசாங்கப்படைகள் மீது தாக்குதல் நடத்தி வழுவிலக்கச் செய்துள்ளது. 'வணக்கம் மலேசியா'

**சிவா** · **சிவா** Mon Mar 28, 2011 9:44 pm

விரைவில் லிபிய மக்கள் அமைதியுடன் வாழ எனது வேண்டுதல்கள்!

அப்துல் · அப்துல் Mon Mar 28, 2011 9:52 pm

உலகில் மக்கள் ஏன் எப்படி சண்டை போட்டு கொள்கிறார்களோ?இறைவா மக்களுக்கு நல்ல புத்தியை கொடு.

மஞ்சுபாஷிணி · மஞ்சுபாஷிணி Mon Mar 28, 2011 10:02 pm

மனிதம் மறந்து போவதால்???

மனிதம் மறைந்து போனதால்???

அன்பு இரக்கம் கருணை என்ற ஒன்றே இல்லாது போனதால்???

எல்லாம் சரியாகி மக்கள் இயல்பு நிலைக்கு திரும்ப வேண்டும் சீக்கிரமே இதற்கு வழியும் பிறக்க வேண்டும்....

இந்த பதிவைத் துவங்கியவர் நன்றி கூறியுள்ளார் மஞ்சுபாஷிணி

அசுரன் · அசுரன் Mon Mar 28, 2011 10:17 pm

பூமியில் பெரும் யுத்தத்திற்கும் அழிவிற்கும் பிறகே மனிதன் இதுமாதிரியான போர் குற்றங்களையும் நாசவேலைகளையும் வெறுக்கும் காலம் வரும்.

சிவசங்கர் · சிவசங்கர் Mon Mar 28, 2011 10:17 pm

அமைதியாக இருந்த நாடு லிபியா என கேள்விப்பட்டுள்ளேன். மக்கள் பெயரைப் பயன்படுத்தி, சில வல்லரசுகள் அங்கே குழப்பத்தைக் கொண்டு வந்து விட்டன.... எங்கே தான் சென்று முடியுமோ இந்த அவலம்? அழுகை