கண்கள் குளிர்ச்சி பெற..

Jiffriya · Jiffriya Sat Mar 26, 2011 11:23 am

கோடையில் கண்கள் எளிதில் சோர்ந்து போய்விடுவதால் எரிச்சல் கொடுக்க ஆரம்பித்து விடும். அதைப் போக்க, இரவில் தூங்கு முன் கண்களைச் சுற்றி சுத்தமான விளக்கெண்ணெய்யை தடவி விடுங்கள். அப்படிச் செய்வதால் கண்கள் குளிர்ச்சி பெறும். குளிக்கும் போது சோப்புக்கு பதிலாக கடலை மாவு, தயிரை சேர்க்கலாம். பனை நுங்கு கிடைத்தால், அந்த நுங்கின் தோலைத் தனியாகச் சேகரித்து நன்றாக அரைத்து, அதனுடன் சிறிது வெந்தயத் தூள், பச்சைப் பயறு மாவு, சேர்த்து உடல் முழுவது தேய்த்து ஊறவிட்டு குளியுங்கள். உங்கள் தோல் மென்மையாகிவிடும்.

கோடைக் காலங்களில் கண்கள் எளிதில் சோர்வடைந்து விடும். தவிர, கண்ணுக்கு அடியில் கருவளையமும் விழும். இதற்கு வெள்ளரிக் காய், தக்காளி, உருளைக் கிழங்கு ஆகியவற்றில் எதாவது ஒன்றை சிறிதளவு வட்டமாக்கி நறுக்கி கண்களில் வைத்துக் கொண்டால் கண்களுக்கு குளுமை கிடைக்கும். கண்களில் புத்துணர்ச்சி இருக்கும். வெட்டி வேரை வாங்கி வையுங்கள். அதில் தண்ணீர் தெளித்து வைத்தால் அந்த இடமே குளிர்ச்சியாகும்.