அச்சமில்லை அச்சமில்லை (கவிதை)

**kirikasan** · **kirikasan** Thu Mar 24, 2011 1:03 pm

அச்சமில்லை அச்சமில்லை நிச்சயமெம் வெற்றியே

இச்சகத்தில் எம்மினத்தின் ஏழ்மைபோய்ச் செழித்திட
அச்சமின்றி உச்சிவான் படையெழுந்த நாளிதே

துச்சமாயுயிர் நினைத்து தூயவர் வெகுண்டெழில்
அச்சமில்லை மிச்சமில்லை நிச்சயமெம் வெற்றியே

இச்சையோடு எங்கள்மைந்தர் ஏறிவான் பறந்திடில்
அச்சமில்லை மிச்சமில்லை நிச்சயமெம் வெற்றியே

உச்சிவான்ம ழைதிரண்டு ஊற்றிநீரைக் கொட்டினும்
அச்சமில்லை வான்பறந்து சுற்றிமைந்தர் வெல்வரே

பச்சைமஞ்சள் என்றுவான்ப ரப்பை ராடர் காட்டினும்
அச்சமில்லை உச்சிஏய்த்து வான்பறந்து மீள்வரே

கச்சைகட்டிக் காழ்ப்புணர்ந்து காதகர்கள் சூழினும்
அச்சமில்லை உச்சிவானில் ஓடிவேங்கை வெல்லுமே

நச்சுவாயு குண்டுபோட்டு நாலுஊர் அழிக்கினும்
அச்சமில்லை மிச்சமுள்ள வீரரும் எழுவரே

குச்சுவீடு கோபுரங்கள் குண்டெறிந்து கொல்லினும்
நிச்சயமாய் எங்கள்புலி நேர்பறந்து வெல்வரே

கொச்சைபேசிக் கூடிநின்று குற்றம்மாந்தர் செய்யினும்
அச்சிறுமை பாதகர்கள் அஞ்சவான் எழுவரே

இச்சரித்தி ரத்தைநாமும் ஏட்டிலே பொறிக்கவே
அச்சமின்றி மீண்டும்எழு அத்தனையும் காணுவோம்

நச்சரித்து நீதிகேடு நானிலத்தைக் கூட்டுவோம்
இச்சமயம் ஆதவன் வழிநடந்து வெல்லுவோம்

எச்சிறப்பு கொண்டிருந்தார் எங்கள்வானின் வீரர்கள்
உச்சிக் கண்ணில் மண்ணும்தூவி ஓடிக்குண் டெறிவரே

துச்சர்வானில் பின்துரத்தி தோல்விகண் டரற்றிட
உச்சவீரம் கொண்டஎங்க ளூர்திஊர் திரும்புமே

பிச்சைகேட்டுப் பெற்றுக்கொள்ள லாகுமோசு தந்திரம்
அச்சமில்லை முப்படைக்கும் ஆனவேந்தன் வெல்லுவான்

மச்சம்ஓடும் ஆழ்கனத்த ஆழிவீழ்ந்த ஆதவன்
மற்றநாளில் வானெழுந்து மீண்டொளிர்தல் உண்மையோ

அச்சதாக ஈதுமாகும் அண்ணன் மீண்டும் தோன்றியே
பச்சதாபம் விட்டேபகை தொட்டழித்து வெல்லுவான்!

முரளிராஜா · முரளிராஜா Thu Mar 24, 2011 1:13 pm

உங்கள் கவிதைக்கு என் பாராட்டுக்கள் நண்பா மகிழ்ச்சி

**kirikasan** · **kirikasan** Thu Mar 24, 2011 1:50 pm

முரளிராஜா wrote:உங்கள் கவிதைக்கு என் பாராட்டுக்கள் நண்பா

நன்றி முரளிராஜா! நன்றிகள் தங்களுக்கு!

மஞ்சுபாஷிணி · மஞ்சுபாஷிணி Thu Mar 24, 2011 1:54 pm

அச்சமில்லை என்பது மட்டுமில்லாது அயராத நம்பிக்கையுடன் மீண்டும் மீண்டும் உயிர்த்தெழும் உயிர்ப்பான வரிகள் உங்கள் இந்த கவிதை ஐயா.. அன்பு வாழ்த்துக்கள் ஐயா.. உத்வேக கவிதைக்கு... அச்சமில்லை அச்சமில்லை (கவிதை) 154550

**kirikasan** · **kirikasan** Thu Mar 24, 2011 9:39 pm

மஞ்சுபாஷிணி wrote:அச்சமில்லை என்பது மட்டுமில்லாது அயராத நம்பிக்கையுடன் மீண்டும் மீண்டும் உயிர்த்தெழும் உயிர்ப்பான வரிகள் உங்கள் இந்த கவிதை ஐயா.. அன்பு வாழ்த்துக்கள் ஐயா.. உத்வேக கவிதைக்கு...

நன்றி தங்களுக்கு வாழ்த்துக்களில் பெருமிதம் கொண்டேன்!

**Aathira** · **Aathira** Thu Mar 24, 2011 9:44 pm

//நச்சுவாயு குண்டுபோட்டு நாலுஊர் அழிக்கினும்
அச்சமில்லை மிச்சமுள்ள வீரரும் எழுவரே

குச்சுவீடு கோபுரங்கள் குண்டெறிந்து கொல்லினும்
நிச்சயமாய் எங்கள்புலி நேர்பறந்து வெல்வரே//

சிதையில் இருக்கும் சடலங்களுக்கும் சீற்றம் வரும் கவிதை... அருமை..ஐயா..