எதுவுமே தெரியாமல் பிரதமராக இருப்பது ஏன்? - சுஷ்மா ஸ்வராஜ் சீற்றம்!

மஞ்சுபாஷிணி · மஞ்சுபாஷிணி Thu 24 Mar 2011 - 11:56

எதுவுமே தெரியாமல் பிரதமராக இருப்பது ஏன்? - சுஷ்மா ஸ்வராஜ் சீற்றம்!

புதுடெல்லி, மார்ச் 23,2011
எதுவுமே தெரியாமல் பிரதமராக இருப்பது ஏன்? - சுஷ்மா ஸ்வராஜ் சீற்றம்! Manmohan_1_509984e

"எல்லா பிரச்னைக்குமே 'எனக்கு எதுவுமே தெரியாது' என்று கூறும் பிரதமர், எதற்காக பதவியில் இருக்கிறார் என மக்கள் கேள்வி எழுப்புகிறார்கள்' என்று நாடாளுமன்றத்தில் சரமாரியாக சாடினார், எதிர்கட்சித் தலைவர் சுஷ்மா ஸ்வராஜ்.

அமெரிக்காஉடனான அணுசக்தி ஒப்பந்தம் தொடர்பாக, மன்மோகன் சிங் தலைமையிலான ஐக்கிய முற்போக்குக் கூட்டணி அரசு நாடாளுமன்றத்தில் கடந்த 2008-ம் ஆண்டு நம்பிக்கை வாக்குக்கெடுப்பு நடத்தியது.
அப்போது, அரசுக்கு ஆதரவாக நாடாளுமன்றத்தில் வாக்களிப்பதற்கு, பிற கட்சிகளைச் சேர்ந்த எம்.பி.க்களுக்கு லஞ்சம் தரப்பட்டது என்ற தகவல் விக்கிலீக்ஸ் அம்பலம் 'தி ஹிந்து' நாளிதழ் மூலம் வெளியானது.
இது நாடாளுமன்றத்தில் கடந்த இரு நாட்களாக கொந்தளிப்பை ஏற்படுத்தி வந்ததால், விக்கிலீக்ஸ் அம்பலம் தொடர்பாக விளக்கம் அளித்த பிரதமர் மன்மோகன் சிங், காங்கிரஸோ அல்லது மத்திய அரசோ எம்.பி.க்களை பணம் கொடுத்து வாங்கவில்லை என்றும், அவ்வாறு வெளியான தகவலில் நம்பகத்தன்மை இல்லை என்றும் கூறியிருந்தார்.
இந்நிலையில், இந்த விவகாரம் தொடர்பாக மக்களவையில் இன்று நடைபெற்ற விவாதத்தை இந்திய கம்யூனிஸ்ட் கட்சித் தலைவர் குருதாஸ் தாஸ்குப்தா தொடங்கி வைத்து பேசினார்.
அதைத்தொடர்ந்து பேசிய பிஜேபி மூத்த தலைவர் சுஷ்மா ஸ்வராஜ், "வாக்களிக்க எம்.பி.க்களுக்கு லஞ்சம் கொடுத்ததன் மூலம் பெரும் ஆதாயத்தை பெற்றவர், அப்போதைய அரசுக்கு தலைமையேற்ற பிரதமர் தான். எனவே அவர் இந்த விஷயத்தில் கை கழுவும் விதமாக பேசுவது ஆச்சரியமளிப்பதாக இருக்கிறது.
பிறர் மீது பழியைப் போடுவதையே பிரதமர் பழக்கமாகக் கொண்டிருக்கிறார். விலைவாசி உயர்ந்தால் சரத் பவார் (வேளாண் அமைச்சர்), 2ஜி ஸ்பெக்ட்ரம் ஊழல் என்றால் ஆ.ராசா, காமன்வெல்த் போட்டி ஊழல் என்றால் கல்மாடி பொறுப்பு என அடுத்தவர் மீதே பழிபோடுகிறார்.
'எனக்கு எதுவும் தெரியாது.' 'எனக்கு எதுவும் தெரிவிக்கப்படவில்லை'. 'கூட்டணி கட்சிகளின் நிர்பந்தம் இருக்கிறதே.' 'நான் அப்படியொரு குற்றவாளி அல்ல'... இப்படி பதில் அளித்துக் கோண்டிருக்கிற பிரதமரைக் கண்டு மக்கள் நொந்துபோய்விட்டார்கள். பிறகு நீங்கள் ஏன் பிரதமராக இருக்க வேண்டும்?
இந்த பிரச்னைகள் உங்கள் (பிரதமர்) தலைமைக்கு தொடர்புள்ளவை. ஒருவர் எந்த வருத்தத்தையும் தெரிவிக்க வேண்டியது இல்லை. ஆனால், எப்படி கொள்ளையடிக்கப்பட்டது என்பதை வெளிப்படுத்த வேண்டும்?" என்றார் சுஷ்மா ஸ்வராஜ்.

நன்றி விகடன்

dsudhanandan · dsudhanandan Thu 24 Mar 2011 - 11:59

அரசியலிலே இதெல்லாம் சாதாரணமப்பா..............

மகா பிரபு · மகா பிரபு Thu 24 Mar 2011 - 12:03

நல்ல கேள்வி

உதயசுதா · உதயசுதா Thu 24 Mar 2011 - 12:14

இவரு எதுக்கு பிரதமரா இருக்காருன்னு இவருக்கே தெரியாது.எதுக்கெடுத்தாலும் எனக்கு தெரியாது தெரியாதுன்னே சொல்றார். இவர எல்லாம் பாகிஸ்தான்ல மாதிரி நாடு கடத்தணும்