தி.மு.க., வை புகழ்ந்தஅ.தி.மு.க., எம்.எல்.ஏ.,

kshanmuganathan · kshanmuganathan Tue Mar 22, 2011 10:20 am

மானாமதுரை:சிவகங்கை மாவட்டம், மானாமதுரை எம்.எல்.ஏ., குணசேகரன் (அ.தி.மு.க.,), தி.மு.க., அரசை பாராட்டி பேசியவற்றை, "சிடி' தொகுத்து, எதிர்தரப்பினர் வெளியிட்டுள்ளனர். இவர், 2009 ல், இங்குள்ள தனியார் பள்ளி ஆண்டு விழாவில், "கல்வித்துறைக்கு இரு அமைச்சர்களை நியமித்து, தி.மு.க., அரசு சிறப்பு சேர்த்துள்ளது' என, பேசியதாக சர்ச்சை எழுந்தது. இதற்கு எதிர்ப்பு தெரிவித்து அ.தி.மு.க., வினர் போராட்டம் நடத்தினர். மீண்டும் அவருக்கு மானாமதுரை தொகுதியில் "சீட்' வழங்கப்பட்டதால், தொண்டர்கள் அதிருப்தி அடைந்துள்ளனர். தி.மு.க., அரசை பாராட்டி குணசேகரன் பேசியவற்றை "சிடி' யாக தயாரித்து, வினியோகித்து வருகின்றனர்.
முன்னாள் மாநில பொதுக்குழு உறுப்பினர் முனியாண்டி, வக்கீல் பிரிவு மாவட்ட துணை செயலர் குருமுருகானந்தம், முன்னாள் நகர் செயலர் ஜெயராம கண்ணன், முன்னாள் ஒன்றிய செயலர் ராஜமாணிக்கம், இதில் ஈடுபட்டுள்ளனர்.நிர்வாகிகள் கூறுகையில்,"அவர் ஆளுங்கட்சியினருடன் விழாக்களில் பங்கேற்று அரசை பாராட்டி பேசினார். மீண்டும் வெற்றி பெற்றாலும், தி.மு.க., விற்கு ஆதரவாகவே இருப்பார். வேறு வேட்பாளரை அறிவிக்க வேண்டும்,' என்றனர்.