கல்யாண மாலை தரும் ஆண்டாள் மாலை

**சிவா** · **சிவா** Mon Mar 21, 2011 2:08 pm

கல்யாண மாலைக்காக கனவு காணும் கன்னியரும், காளையரும் இன்றும் இருக்கிறார்கள். பெரும்பாலும் வறுமை அல்லது ஜாதக தோஷம் ஆகியவற்றால் அவர்களது திருமணத்தில் தடை ஏற்படுகிறது. அப்படிப்பட்டவர்கள் நல்லாத்தூர் வந்து ஆண்டாளின் மாலையை பெற்றுச் சென்றால் விரைவில் வீட்டில் கெட்டிமேளம் கொட்டும் என்கிறார்கள்.

இங்குள்ள பெருந்தேவி சமேத லட்சுமி நாராயண வரதராஜ பெருமாள் கோவிலில் தான் கல்யாண வரம் அருளும் ஆண்டாள் வீற்றிருக்கிறாள்.

ஒவ்வொரு ஆண்டும் போகிப் பண்டிகை அன்று இங்கு ஆண்டாளுக்கு திருக்கல்யாணம் நடைபெறுகிறது. அப்போது, ஆயிரக்கணக்கான பக்தர்கள் ஆண்டாளுக்கு மாலைகள் சூடி அழகு பார்க்கிறார்கள். திருக்கல்யாணத்தின் நிறைவில் ஆண்டாள் சூடிய மாலை மணமாகாத கன்னிப் பெண்கள், ஆண்களுக்கு வழங்கப்படுகிறது. அந்த மாலை பெற்றவர்களுக்கு விரைவில் திருமணம் நடைபெறும் என்கிறார்கள்.

இதேபோன்று, இக்கோவிலில் நடைபெறும் சீதா திருக்கல்யாண உற்சவத்தின் போது தரப்படும் காப்புக் கயிறை கட்டிக் கொண்டாலும் தடைபட்ட திருமணம் இனிதே நடந்தேறும் என்கிறார்கள்.

ஒவ்வொரு ஆண்டும் இங்கு நடைபெறும் ஸ்ரீராமநவமி உற்சவத்தின் போது சீதா கல்யாணம் நடைபெறுகிறது. இந்த ஆண்டுக்கான சீதா கல்யாணம் வருகிற ஏப்ரல் 13-ம் தேதி நடைபெறுகிறது.

ஆண்டாள், சீதா திருக்கல்யாணங்களில் கலந்துகொள்ள முடியாதவர்கள், இங்குள்ள வரதராஜ பெருமாளுக்கு பூமாலை சூட்டி வழிபட்டாலே திருமணத் தடை விலகி விடும் என்கிறார்கள்.

திருமணத்தடை நீக்கும் பரிகார திருத்தலமான இந்த கோவில் பல்வேறு சிறப்புகளைக் கொண்டுள்ளது. சொர்ணபுரி என்று அழைக்கப்பட்ட இந்த திருத்தலம், நல்லோர் பலர் நிறைந்திருந்த காரணத்தாலும், ஆறுகள் பாய்ந்து வளம் சேர்த்ததாலும் `நல்லாத்தூர்' என பெயர் பெற்றதாக கூறுகிறார்கள்.

இக்கோவில் தாயார் பெருந்தேவி என்று அழைக்கப்படுகிறார். இவருக்கு அருகிலேயே கஜலட்சுமி எழுந்தருளியுள்ளார். இவரை வழிபட்டால் கடன் பிரச்சினைகள் தீரும் என்பது ஐதீகம்.

இலங்கையில் இருந்து சீதாதேவியை மீட்டுச் செல்லும் வழியில் ஸ்ரீராமர் இங்கே வந்து வழிபட்டதாகச் சொல்கிறார்கள். அதற்கு ஆதாரமாக இங்கே ஸ்ரீராமரின் திருப்பாதம் அமைந்துள்ளது.

புதுச்சேரி, விழுப்புரம், கடலூர் ஆகிய இடங்களில் இருந்து நல்லாத்தூர் செல்ல போக்குவரத்து வசதி உள்ளது. புதுச்சேரி-கடலூர் சாலையில் தவளக்குப்பத்தில் இருந்து 7 கிலோமீட்டர் தொலைவும், புதுச்சேரி-விழுப்புரம் சாலையில் அரிïரில் இருந்து 3 கிலோமீட்டர் தொலைவும் பயணித்தால் இக்கோவிலை சென்றடையலாம்.

உதயசுதா · உதயசுதா Mon Mar 21, 2011 2:14 pm

சரி சரி நீங்க எப்ப இந்த கோயிலுக்கு போறீங்க?

மஞ்சுபாஷிணி · மஞ்சுபாஷிணி Mon Mar 21, 2011 2:16 pm

அட அருமையான விஷயமா இருக்கே இது....
இப்பவும் மார்கழி மாதத்தில் திருப்பாவை படித்து விரதம் இருக்கிறாங்க நிறைய பேர்.....

பயனுள்ள பகிர்வை தந்தமைக்கு அன்பு நன்றிகள் சிவா...

அன்பு தளபதி · அன்பு தளபதி Mon Mar 21, 2011 2:16 pm

உதயசுதா wrote:சரி சரி நீங்க எப்ப இந்த கோயிலுக்கு போறீங்க?

அப்போ நமீதா கதி

**சிவா** · **சிவா** Mon Mar 21, 2011 2:18 pm

உதயசுதா wrote:சரி சரி நீங்க எப்ப இந்த கோயிலுக்கு போறீங்க?

விரைவில் செல்ல வேண்டும் சுதா! சிரி

ரபீக் · ரபீக் Mon Mar 21, 2011 2:19 pm

maniajith007 wrote:
உதயசுதா wrote:சரி சரி நீங்க எப்ப இந்த கோயிலுக்கு போறீங்க?

அப்போ நமீதா கதி

நான் இருக்கேன் தல ,,,,,

**சிவா** · **சிவா** Mon Mar 21, 2011 2:21 pm

maniajith007 wrote:
உதயசுதா wrote:சரி சரி நீங்க எப்ப இந்த கோயிலுக்கு போறீங்க?

அப்போ நமீதா கதி

நமீதாவா? நான் எப்ப நமீதவைப் பற்றிப் பேசினேன்! தமிழனின் வற்புறுத்தலால் அவரைப் பற்றிய சில பதிவுகள் இடம் பெறது அவ்வளவே! கல்யாண மாலை தரும் ஆண்டாள் மாலை 865843

உதயசுதா · உதயசுதா Mon Mar 21, 2011 2:23 pm

சிவா wrote:
உதயசுதா wrote:சரி சரி நீங்க எப்ப இந்த கோயிலுக்கு போறீங்க?

விரைவில் செல்ல வேண்டும் சுதா!

போய்ட்டு வந்து ரிசல்ட் சொல்லுங்க.நீங்க சொன்னது பலிக்குதா இல்லையான்னு பார்த்து அப்புறம்
இன்னும் கொஞ்ச பேரை அனுப்ப வேண்டி இருக்கு.ஈகரை கல்யாண மாலைல உங்களை பத்தி ஒரு தகவலும் இல்லையே.உங்க பெயர்தானே முதல்ல வரணும்?

ரபீக் · ரபீக் Mon Mar 21, 2011 2:24 pm

உதயசுதா wrote:
சிவா wrote:
உதயசுதா wrote:சரி சரி நீங்க எப்ப இந்த கோயிலுக்கு போறீங்க?

விரைவில் செல்ல வேண்டும் சுதா!
போய்ட்டு வந்து ரிசல்ட் சொல்லுங்க.நீங்க சொன்னது பலிக்குதா இல்லையான்னு பார்த்து அப்புறம்
இன்னும் கொஞ்ச பேரை அனுப்ப வேண்டி இருக்கு.ஈகரை கல்யாண மாலைல உங்களை பத்தி ஒரு தகவலும் இல்லையே.உங்க பெயர்தானே முதல்ல வரணும்?

ரெண்டாவதா என் பெயரையும் போடுங்க அக்கா !!

மஞ்சுபாஷிணி · மஞ்சுபாஷிணி Mon Mar 21, 2011 2:28 pm

சிவா கோவிலுக்கு போய் வரட்டும்... நல்ல சேதி சொல்லட்டும்... நாங்க எல்லாரும் ஊருக்கு வரும் சமயம் கல்யாணம் வெச்சுக்கோங்கப்பா சிவா நாங்க வரோம் கல்யாணத்துக்கு.... மண்டபத்துல மூணு ரூம் ஒன்னு கல்யாண மாப்பிள்ளை ரூம், ரெண்டு கல்யாண பொண்ணு ரூம், மூணு ஈகரை சொந்தங்கள் ரூம் புன்னகை