மு.க. அழகிரிக்கு தேர்தல் கமிஷன் எச்சரிக்கை

ரபீக் · ரபீக் Sun 20 Mar 2011 - 15:53

தேர்தல் நடத்தை விதிமுறைகளை மீறியதாக மத்திய அமைச்சர் அழகிரியை தலைமைத் தேர்தல் ஆணையம் எச்சரித்துள்ளது.

தமிழகத்தில் தேர்தல் நடத்தை விதிமுறைகள் மார்ச் 1-ம் தேதி அமலுக்கு வந்தது. மத்திய ரசாயனம் மற்றும் உரத்துறை அமைச்சர் அழகிரி அரசு முறைப் பயணமாக தில்லியிலிருந்து சென்னைக்கு மார்ச் 2-ம் தேதி விமானத்தில் பயணம் செய்தார். அங்கிருந்து மார்ச் 4-ம் தேதி மதுரைக்குச் சென்று அரசியல் நடவடிக்கையில் ஈடுபட்டதாக பத்திரிகை செய்திகளை மேற்கோள்காட்டி தேர்தல் ஆணையத்துக்கு புகார் வந்தது.

இது தொடர்பாக அவருக்கு விளக்கம் கேட்டு மார்ச் 5-ம் தேதி தேர்தல் கமிஷன் நோட்டீஸ் அனுப்பியது. மறுநாள் இதற்கு அழகிரி பதில் அளித்திருந்தார்.

தான் முதல் முறையாக மக்களவை உறுப்பினரானதால் தனக்கு தேர்தல் நடத்தை விதிமுறைகள் சரிவரத் தெரியவில்லை என்றும் எதிர்காலத்தில் இதுபோன்ற தவறுகள் நடக்காது என்றும் தனது விளக்கத்தில் அழகிரி தெரிவித்திருந்தார்.

முதல் முறை எம்.பி. என்பதால் அவர் மீது கடும் நடவடிக்கை எடுக்கவேண்டாம் என தேர்தல் கமிஷன் முடிவு செய்தது.

இதையடுத்து அரசுப் பயணமாக அவர் தில்லியிலிருந்து சென்னைக்கும் அதன் பிறகு மதுரைக்கும் சென்ற வகையில் ஏற்பட்ட விமானக் கட்டணம் உள்ளிட்ட இதர பயணக் கட்டணங்கள், தங்கும் விடுதி ஆகிய செலவு தொகையை அரசுக்குத் திரும்பச் செலுத்தவேண்டும்.

எதிர்காலத்தில் இதுபோன்ற செயல்களில் ஈடுபடாது அவர் கவனமாக இருக்கவேண்டும் என்று தேர்தல் கமிஷன் எச்சரித்துள்ளது

நக்கீரன்

உதயசுதா · உதயசுதா Sun 20 Mar 2011 - 15:54

அது சரி மு.க அழகிரிக்கே எச்சரிக்கையா.எச்சரிக்கை விட்ட ஆளு தேர்தலுக்கு பிறகு இருக்காரான்னு பார்க்கலாம்

மஞ்சுபாஷிணி · மஞ்சுபாஷிணி Sun 20 Mar 2011 - 17:58

அதெப்படி கண்டிப்பா எதுனா விபத்துன்னு நாளைய ந்யூஸ் பேப்பர்ல எதிர்ப்பார்க்கலாம்.. அந்த அளவுக்கு ரௌடியாச்சே அழகிரி... அந்த ஆளை பகைச்சுக்கிட்டு இருந்துடமுடியுமா? முடிச்சிட்டு தான் மறுவேலையே பாப்பார் இந்த அழகிரி சோகம்