பாட்டு இப்போ... படம் எப்போ?

தாமு · தாமு Fri 18 Mar 2011 - 11:13

வரும் இரண்டு வாரங்களுக்கு தமிழ் திரையுலகில் ஒரே பாடல் வெளியீட்டு விழாவாக இருக்கின்றன.

இசை வெளியீட்டு விழா முடிந்தாலும், எல்லா திரைப்படங்களும் கோடை விடுமுறைக்கு வெளிவருமா என்று ஆர்வமாக இருக்கிறார்கள் தமிழ் திரையுலகில்.

முதலில் தனுஷ் நடித்த மாப்பிள்ளை படத்தின் பாடல்கள் 11ம் தேதியும், சட்டப்படி குற்றம் படத்தின் பாடல்கள் 14ம் தேதியும் வெளிவந்தன.

இதனை அடுத்து செல்வகணேஷ் இயக்கத்தில் குள்ளநரி கூட்டம் படத்தின் பாடல்கள் 15ம் தேதியும், அடுத்து சுசீந்திரன் இயக்கத்தில் அழகர்சாமியின் குதிரை படத்தின் பாடல்கள் 16ம் தேதி வெளிவர இருக்கிறது.

18ம் தேதி யுவன் சங்கர் ராஜாவின் நீண்டநாள் படமான காதல் 2 கல்யாணம் படத்தின் பாடல்கள் வெளிவர இருக்கிறது. அதே நாள் களவாணி தயாரிப்பாளரின் அடுத்த படமான எத்தன் பாடல்களும் வெளிவர இருக்கிறது.

21ம் தேதி தமன் இசை அமைப்பில் சபாஷ் சரியான போட்டி படத்தின் பாடல்கள் வெளிவர இருக்கிறது. அதனை தொடர்ந்து சிம்புவின் வானம் படத்தின் பாடல்களும் இதே தேதியில் வெளிவர இருக்கிறது.

சத்யம் தியேட்டர் தயாரிக்கும் 180 படத்தின் பாடல்கள் 31ம் தேதி வெளிவர இருக்கிறது. பாலாவின் அவன் இவன் படத்தின் பாடல்களும் இதன் இடையே வெளிவர இருக்கிறது.

//

google_protectAndRun("ads_core.google_render_ad", google_handleError, google_render_ad);
இத்தனை படத்தின் பாடல்கள் அடுத்து அடுத்து வெளிவந்தாலும், உலக கோப்பை முடிந்தபின் தான் அடுத்து அடுத்து படங்கள் வரிசையாக வெளிவர இருக்கின்றன்.

சன் பிக்சர்ஸ் மாப்பிள்ளை, எங்கேயும் காதல் என இரண்டு படங்களையும் வாங்கி இருந்தாலும், மார்ச் முதல் வாரத்தில் மாப்பிள்ளையும் மூன்றாம் வாரத்தில் எங்கேயும் காதல் படத்தை வெளியிட இருப்பதாக தகவல்கள் தெரிவிக்கின்றன.

உலக கோப்பை முடிந்தவுடன் வரிசையாக படங்கள் வெளிவர அதனை அடுத்து ஐ.பி.எல் போட்டிகள் என இந்த கோடை விடுமுறை தித்திக்கும் விடுமுறையாக இருக்கும் என்பதில் எந்த சந்தேகமும் இல்லை.