யு.எஸ்., ஓபன் : 2வது சுற்றில் சானியா, சோம்தேவ்..!!

நியூயார்க் : யு.எஸ்.ஓபன்., டென்னிஸ் தொடரின்இரண்டாவது சுற்றுக்கு இந்தியாவின் சானியா மிர்சா, சோம்தேவ் தேவ் வர்மன் தகுதி பெற்றுள்ளனர். ஆண்கள் ஒற்றையர்பிரிவில் பெடரர்,ரோடிக், ஹெவிட், டேவிடென்கோ ஆகியோரும் பெண்கள் ஒற்றையர்பிரிவில் செரினா, வீனஸ் ஆகியோரும் முதல் சுற்றுப் போட்டிகளில் வெற்றி கண்டுள்ளனர்.

கிராண்ட்ஸ்லாம் அந்தஸ்து பெற்ற யு.எஸ்.ஓபன் டென்னிஸ் தொடர் நியூயார்க்கில் நடக் கிறது. ஆண்கள் ஒற்றையர் முதல் சுற்றுப் போட்டியில், இந்தியாவின் சோம் தேவ் தேவ்வர்மன், போர்ச் சுகலின் பிரடெரிகோ கில்லை எதிர்கொண்டார். போட்டியின் துவக்கம் முதலே ஆதிக்கம் செலுத்திய சோம்தேவ், 6-3, 6-4, 6-3 என்ற நேர் செட் கணக்கில் பிரடெரிகோவை வீழ்த்தி 2வது சுற்றுக்கு முன்னேறினார்.

சானியா வெற்றி:
பெண்கள் ஒற்றையர் பிரிவு முதல் சுற்று ஆட்டத்தில், இந்தியாவின் சானியா
மிர்சா, பெலாரசின் ஓல்கா கோவோர்ட் சொவாவுடன் மோதினார். முதல் செட்டை 6-2
என எளிதாக கைப்பற்றி அசத்திய சானியா, 2வது செட்டை 3-6 என கோட்டை
விட்டார்.

வெற்றியாளரை நிர்ணயிக்கும் மூன்றாவது செட்டில் துடிப்புடன் செயல்பட்ட
சானியா, 6-3 என தன்வசப்படுத்தினார். இறுதியில் சானியா 6-2, 3-6, 6-3 என்ற
செட் கணக்கில் ஓல்காவை வீழ்த்தினார்.

கடின சுற்று:
இரண்டாவது சுற்று சானியா மற்றும் சோம்தேவ் தேவ்வர்மனுக்கு கடினமானதாக
அமைந்துள்ளது. தரவரிசையில் 74 வது இடத்திலுள்ள சானியா, 10 வது இடத்தில்
உள்ள இத்தாலியின் பிளாவியா பெனட்டாவை எதிர்கொள்ள உள்ளார்.

இதே போல, தரவரிசையில் 162 வது இடத்திலிருக்கும் சோம்தேவ், 23 வது இடத்தில்
உள்ள ஜெர்மனியின் பிலிப் கோல்ஸ்கைபெரை சந்திக்க உள்ளார். பெடரர், ரோடிக்
அசத்தல்: நேற்று முன் தினம் நடந்த ஆண்கள் ஒற்றையர் முதல் சுற்றுப்
போட்டியில், உலகின் நம்பர்-1 வீரரான சுவிட்சர்லாந்தின் ரோஜர் பெடரர்,
அமெரிக்காவின் டெவின் பிரிட்டனை 6-1, 6-3, 7-5 என்ற நேர் செட்களில் வீழ்த்தி இரண்டாவது சுற்றுக்கு முன்னேறினார். மற்ற முதல் சுற்று ஆட்டங்களில், அமெரிக்காவின் ஆன்டி ரோடிக், ஜேம்ஸ் பிளாக், ஆஸ்திரேலியாவின் ஹெவிட், ரஷ்யாவின் டேவிடென்கோ உள்ளிட்ட முன்னணி வீரர்கள் வெற்றி பெற்றனர்.

செரினா அபாரம்:
பெண்கள் ஒற்றையர் பிரிவு முதல் சுற்று போட்டியில் அமெரிக்காவின் செரினா
வில்லியம்ஸ், சக நாட்டு வீராங்கனையான அலெக்சா கிளாட்சை 6-4, 6-1 என்ற நேர்
செட்களில் எளிதாக வீழ்த்தினார். அமெரிக்காவின் வீனஸ் வில்லியம்ஸ்,
பெல்ஜியத்தின் கிம் கிளைஸ்டர்ஸ், பிரான்சின் மவுரீஸ்மோ ஆகியோர் முதல்
சுற்றுப் போட்டிகளில் வெற்றி பெற்று இரண்டாவது சுற்றுக்கு முன்னேறினர்.

சோம்தேவுக்குப் பாராட்டுக்கள். இது அவருடைய தன்னம்பிக்கையையை பெருக்கும்.