மலேசியா: இண்டர்லோக் நாவல் மீட்பு இல்லை - அரசாங்கம் அறிவிப்பு!

சர்ச்சைக்குரிய இண்டர்லோக் மலாய் இலக்கிய நாவல் பள்ளிகளிலிருந்து மீட்டுக் கொள்ளப்படாது. அந்நாவல் ஐந்தாம் படிவ மாணவரகளின் பாடப் புத்தகமாக தொடர்ந்து பயன்படுத்தப்படும் என துணைப்பிரதமரும், கல்வி அமைச்சருமான டான்ஸ்ரீ மொகிதீன் யாசின் தெரிவித்தார்.

தேசிய இலக்கியவாதி டத்தோ அப்துல்லா ஹுசேனின் படைப்பான இண்டர்லோக் நாவலை மறு ஆய்வு செய்யும் பரிந்துரை செயற்குழுவில் இடம்பெற்றிருந்த மூவர் அக்குழுவிலிருந்து வெளியேறிவிட்டதாக கூறப்படுவதையும் துணைப்பிரதமர் மறுத்தார். அம்மூவரும் அக்குழுவிலிருந்து இன்னும் வெளியாகவில்லை. அது வெறும் கருத்து வேறுபாடுதான். இவ்விவகாரத்தைச் சரி செய்தாகிவிட்டது. என்ன நடந்தது என்பது தொடர்பில் ம.இ.கா தலைவர் டத்தோ ஜி.பழனிவேல் என்னிடம் தெரிவித்தார். அம்மூவரும் அச்செயற்குழுவில் தொடர்ந்து இடம்பெற்றிருப்பதற்கு பழனிவேல் உத்தரவாதம் வழங்கியிருப்பதாக மொகிதீன் தெரிவித்தார்.

அந்நாவலில் செய்ய வேண்டிய “100” மாற்றங்களை தாம் நிராகரித்ததாகக் கூறப்படுவதையும் துணைப்பிரதமர் மறுத்தார். கூறப்பட்ட அம்மாற்றங்கள் முதன்மை கதையை விட்டு நகர்வதாலும், சில கருத்துகள் மிகச் சாதாரணமாக இருந்ததாலும் அதனை மறு ஆய்வு செய்யுமாறு மட்டுமே தாம் பணித்ததாக அவர் நாடாளுமன்ற வளாகத்தில் செய்தியாளர்களிடம் தெரிவித்தார்.

அவர்கள் கூறிய மாற்றங்கள் கதையை ஒட்டியதாகவோ, உணர்ச்சிப் பூர்வமானதாகவோ அல்ல, மாறாக சிறிய கருத்து மாற்றங்கள் மட்டுமே என அவர் விளக்கமளித்தார்.

அதனால் அதனை மறு ஆய்வு செய்யுமாறு நான் கூறினேன். அதனை நிராகரிக்கவில்லை. இது மிகச் சிறிய விஷயம். ‘இண்டர்லோக்’ நாவல் ஒரு நல்ல நாவல் என்பதால் அதனை ஐந்தாம் படிவ பாடத்திட்டத்திலிருந்து நீக்கவும் கல்வி அமைச்சு எண்ணம் கொண்டிருக்கவில்லை என அவர் கூறினார்.

தங்களுக்கு நம்பிக்கைத் துரோகம் இழைத்ததாக உணர்ந்ததால் பரிந்துரை செயற்குழுக் கூட்டத்திலிருந்து தாங்கள் வெளியேறியதாக அக்குழுவில் இடம்பெற்றிருந்த காவ்யா அமைப்பின் தலைவர் எழுத்தாளர் உதயசங்கர் நேற்று முந்தினம் கூறிடிருந்தார்.

அவருடன் தஞ்சோங் மாலிம் உப்சி பல்கலைக்கழகத்தின் பேராசிரியர் டாகட்ர் என்.எஸ்.ராஜேந்திரன், கல்வி அமைச்சின் முன்னாள் அதிகாரி ஜி.கிருஷ்ணபகவான் ஆகியோரும் குழுவிலிருந்து வெளியேறினர்.

கல்வி அமைச்சால் அமைக்கப்பட்ட அக்குழுவில் மொழி நிபுணர்கள், கல்விமான்கள், இலக்கியவாதிகள், டேவான் பஹாசா டான் புஸ்தாக்காவின் உறுப்பினர்கள், இந்திய சமூகத்தின் பிரதிநிதிகள் ஆகியோர் உட்பட எண்மர் இடம்பெற்றிருந்தனர். இந்தியர்களை இழிவுபடுத்தி எழுதப்பட்டுள்ள பகுதிகளை நீக்க வேண்டும் என்னும் பரிந்துரை ஏற்றுக் கொள்ளப்படாததால் அவர்கள் பரிந்துரைக் குழுவிலிருந்து வெளியானதாகக் கூறப்பட்டது.

இந்தியர்களுக்கு எது சரி என்று, வேறு இனத்தவர் எப்படி நிர்ணயம் செய்ய இயலும்? அவர் அமைச்சரே ஆனாலும் அவர் அருகதை அற்றவரே! மாஇகா தலைவர் யார் அவர்களின் விலகல் குறித்து கருத்து சொல்வதற்கு? அம்மூவரும் என்ன, மாஇகா தலைவரின் பணியாளர்களா? மாஇகா ஒரு பூம் பூம் மாடு மாதிரி அம்னோவிற்கு. கையாலாகாத மாஇகா இவ்விசயத்தில் கருத்து சொல்லாமல் இருப்பது தான் உத்தமம்.

sivasangker wrote:இந்தியர்களுக்கு எது சரி என்று, வேறு இனத்தவர் எப்படி நிர்ணயம் செய்ய இயலும்? அவர் அமைச்சரே ஆனாலும் அவர் அருகதை அற்றவரே! மாஇகா தலைவர் யார் அவர்களின் விலகல் குறித்து கருத்து சொல்வதற்கு? அம்மூவரும் என்ன, மாஇகா தலைவரின் பணியாளர்களா? மாஇகா ஒரு பூம் பூம் மாடு மாதிரி அம்னோவிற்கு. கையாலாகாத மாஇகா இவ்விசயத்தில் கருத்து சொல்லாமல் இருப்பது தான் உத்தமம்.

மாஇகா தலைவர்களுக்கு சரியான சூடு வைத்துள்ளீர்கள் சிவசங்கர்!

சிவா wrote:

sivasangker wrote:இந்தியர்களுக்கு எது சரி என்று, வேறு இனத்தவர் எப்படி நிர்ணயம் செய்ய இயலும்? அவர் அமைச்சரே ஆனாலும் அவர் அருகதை அற்றவரே! மாஇகா தலைவர் யார் அவர்களின் விலகல் குறித்து கருத்து சொல்வதற்கு? அம்மூவரும் என்ன, மாஇகா தலைவரின் பணியாளர்களா? மாஇகா ஒரு பூம் பூம் மாடு மாதிரி அம்னோவிற்கு. கையாலாகாத மாஇகா இவ்விசயத்தில் கருத்து சொல்லாமல் இருப்பது தான் உத்தமம்.

மாஇகா தலைவர்களுக்கு சரியான சூடு வைத்துள்ளீர்கள் சிவசங்கர்!

ஐயோ பாவம் மலேசிய இந்தியர்கள், சொல் புத்தியும் இல்லை சுய புத்தியும் இல்லாதவர்கள். மதி இழந்த கட்சி (ம.இ.கா) பின்னால் மதி இல்லாமல் திரியும் ஒரு ஆட்டு மந்தை கூட்டம். திருந்தினால் ஒளிமயமான எதிர்காலம் உண்டு. இந்த ம.இ.கா பின்னால் வாளாட்டிக்கொண்டு சென்றால் எதிர்காலம் இருட்டுதான்.