திருமலையில் தேங்கியுள்ள தலைமுடி...சர்வேதேச மார்க்கெட்டில் விற்க திட்டம்.

மஞ்சுபாஷிணி · மஞ்சுபாஷிணி Fri Mar 18, 2011 2:29 pm

நகரி : திருப்பதி வெங்கடேச பெருமாள் கோவிலில், பக்தர்கள் காணிக்கையாக செலுத்தும் தலைமுடிகளை பாதுகாத்து, சர்வதேச சந்தையில் கூடுதல் விலைக்கு விற்பனை செய்ய, தனிப் பிரிவு ஏற்படுத்தப்படும் என, தேவஸ்தான நிர்வாக அதிகாரி கிருஷ்ணா ராவ் தெரிவித்தார். திருமலையில் தினமும், ஆயிரக்கணக்கான பக்தர்கள், தலைமுடியை காணிக்கையாக செலுத்தி வருகின்றனர். இவை சேகரிக்கப்பட்டு, ஆண்டுக்கு ஒருமுறை ஏல முறையில் விற்கப்படுகிறது. இந்த தலைமுடிக்கு, உள்நாட்டிலும், வெளிநாட்டு சந்தையிலும் நல்ல வரவேற்பு உள்ளது. தற்போது தேவஸ்தான கிடங்குகளில், 150 கோடி ரூபாய் மதிப்புள்ள தலைமுடி, பாதுகாத்து வைக்கப்பட்டுள்ளது. கடந்த ஓராண்டு காலமாக, விற்கப்படாத நிலையில், அதிகளவில் தலைமுடி தேங்கியுள்ளது. இதுவரை இந்த தலைமுடியை, வியாபாரிகள் உள்ளூர் மார்க்கெட் நிலவரத்தின் அடிப்படையில், ஏலம் மூலம், விலைக்கு வாங்கி வந்தனர். ஆனால் இத்தலைமுடிக்கு, சர்வதேச மார்க்கெட்டில் கூடுதல் விலை கோரப்படுகிறது. எனவே இதுகுறித்து, தேவஸ்தான அதிகாரிகளின் ஆய்வுக் கூட்டத்தில் ஆலோசிக்கப்பட்டது. இதையடுத்து, தலைமுடியை விற்பனை செய்ய, தனியாக மார்க்கெட்டிங் பிரிவை ஏற்படுத்த முடிவு செய்யப்பட்டுள்ளது. இதன்மூலம், திருப்பதியில் சேகரமாகும் தலைமுடி, சர்வதேச சந்தை நிலவரப்படி, கூடுதல் விலைக்கு விற்க முடியும்.

நன்றி தினமலர்.

**Manik** · **Manik** Fri Mar 18, 2011 2:31 pm

அய்யோ தலைமுடியை வைச்சு என்ன பன்ன போறாங்க

திருமலையில் தேங்கியுள்ள தலைமுடி...சர்வேதேச மார்க்கெட்டில் விற்க திட்டம்.

திருமலையில் தேங்கியுள்ள தலைமுடி...சர்வேதேச மார்க்கெட்டில் விற்க திட்டம்.

Re: திருமலையில் தேங்கியுள்ள தலைமுடி...சர்வேதேச மார்க்கெட்டில் விற்க திட்டம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக