மாணவர்கள் அடித்து கல்லூரி பேராசிரியர் மரணம்!

ரபீக் · ரபீக் Mon Mar 14, 2011 4:49 pm

மத்தியபிரதேசம் மாநிலம் கன்டவா விவசாய கல்லூரியில் "செக்ஸ்" குறும்பு செய்ததாக பேராசிரியர் அசோக் சவுத்திரியைப் பாரதீய ஜனதா கட்சி மாணவர் அணியினர் தாக்கினார்கள். மாணவிகள் அவரை ஓட, ஓட விரட்டி செருப்பால் அடித்தனர்.

அப்போது அருகில் இருந்த மற்ற பேராசிரியர்கள் அவர்களைத் தடுத்தனர். சுரேந்தர்சிங் தாகூர் என்ற பேராசிரியரும் மாணவர்களைத் தடுத்தார். உணர்ச்சி வேகத்தில் மாணவர்கள் அவரையும் விரட்டி விரட்டி அடித்துள்ளனர். இதனால் அவமானம் அடைந்த சுரேந்தர் சிங் விடுமுறை எடுத்து விட்டு தனது சொந்த ஊரான அகாரா கிராமத்துக்குச் சென்று விட்டார்.

வீட்டில் இருந்த அவருக்குத் திடீர் மாரடைப்பு ஏற்பட்டது. உடனடியாக அவரை மருத்துவமனைக்குக் கொண்டு சென்றனர். எனினும் சிகிச்சை பலனின்றி அவர் மரணம் அடைந்தார். மாணவர்கள் தன்னையும் தாக்கி விட்டதால் ஏற்பட்ட மனஉளைச்சலில் தான் தனது தந்தை இறந்து விட்டதாக சுரேந்தர்சிங் தாகூரின் மகள் சோனாலிகா தற்போது புகார் கூறியுள்ளார்.

சுரேந்தர்சிங் தாகூரின் சகோதரர் ஹகம்சிங் கூறும் போது "சுரேந்தர் சிங் மிகவும் உணர்ச்சி வசப்படக் கூடியவர். அந்தச் சம்பவம் அவரை மிகவும் பாதித்து உயிரையும் பறித்து விட்டது. இவருடைய சாவுக்கு மாணவர்களே காரணம்" என்றார்.

இந்தச் சம்பவத்தை அடுத்து பாரதீய ஜனதா கட்சி மாணவர் அணியினரைக் கண்டித்து என்.எஸ்.யு.ஐ. மாணவர் அமைப்பினர் மத்திய பிரதேசத்தில் பல்வேறு இடங்களில் ஆர்ப்பாட்டம் நடத்தினார்கள்

இந்நேரம்