கிரிக்கெட் Cricket

azeezm · azeezm Mon 14 Mar 2011 - 12:18

நாம்
வாழ்ந்து கொண்டிருக்கும் இந்த நாட்டிலே, மக்களால் குறிப்பாக இளைஞர்களால்
அதிகமாக உச்சரிக்கப்படுகிற ஐந்து எழுத்து மந்திரச் சொல் எது என்று
கேட்டால், கிரிக்கெட் என்று அடுத்த வினாடியே சொல்லிவிடுவார்கள். கிரிக்கெட்
சம்பந்தமாக எழுதப்படாத பத்திரிக்கைள்,காட்டப்படாத தொலைக்காட்சிகள்,
சொல்லப்படாத வானொலிகள் பாவம் செய்தவையாக மக்களால் எண்ணப்படுகின்றன.
குழந்தைகள் முதல் பெரியவர்கள் வரை வயது வித்தியாசமின்றி, சாதி மத பேதமின்றி
ஒன்றை ரசிக்கிறார்கள் என்றால் அது கிரிக்கெட் ஒன்றாகத்தான் இருக்கும்.
நாட்டு நடப்புகள் உலக விஷயங்கள் அரசியல் மற்றும் இஸ்லாம் பற்றிய விபரங்கள்
பற்றி தெரியவில்லையா பரவாயில்லை! ஆனால் கிரிக்கெட் பற்றி புள்ளி விபரங்கள்
ஒருவருக்குத் தெரியவில்லையெனில் அவர் அறிவீனராக கருதப்படுகிறார். அந்த
அளவிற்கு கிரிக்கெட் எனும் போதை தலைவிரித்தாடுகிறது.

இப்படிப்பட்ட
அதி முக்கியத்துவம்? வாய்ந்த கிரிக்கெட்டைப் பற்றி இஸ்லாமியப் பார்வை என்ன
என்று ஆதாரத்துடன் பார்ப்போம். முதலில் இஸ்லாம் ஆரோக்கியமான மற்றும்
பயனுள்ள எந்த ஒரு விளையாட்டுக்கும் எதிரி அல்ல என்பதை தெரிவித்துக்
கொள்கிறேன். அபூஹுரைரா(ரலி) அவர்கள் அறிவித்தார்கள் அபிசீனியர்கள் நபி(ஸல்)
அவர்கள் முன்னே தங்கள் ஈட்டிகளால் விளையாடிக் கொண்டிருந்தார்கள் அப்போது
உமர்(ரலி) அவர்கள் வந்து (கோபமடைந்து) குனிந்து சிறு கற்களை எடுத்து
அவற்றால் அவர்களை அடித்தார்கள் நபி(ஸல்) அவர்கள் உமரே! அவர்களை
விட்டுவிடுங்கள் என்று கூறினார்கள் (புஹாரி: பாகம் 3, அத்தியாயம் 56, எண்:
2901)

ஆனால்
எந்த வித பலனுமில்லாத நேரத்தை வீணடிக்கிற, அறிவுக்கு சம்பந்தமில்லாத,
சூதாட்டத்தை ஊக்குவிக்கிற, நாட்டின் முன்னேற்றப்பாதையில் வளர்ச்சியில் தடை
போடுகிற, ஆபாசத்தை தூண்டுகிற (Cheer Girls),ஆரோக்கியத்துக்கு அப்பாற்பட்ட
எந்த ஒரு விளையாட்டையும் இஸ்லாம் ஒரு போதும் ஆதரிக்கவில்லை.
ஆங்கிலேயர்களால் திட்டமிட்டு விட்டுச் செல்லப்பட்ட ஆபத்துதான் இந்த
கிரிக்கெட் என்று சொன்னால் மிகையாகாது. கிரிக்கெட் எனும் மாயப்பேயினால்
நிகழக்கூடிய ஆபத்துக்களை ஆதாரத்துடன் ஒவ்வொன்றாக பார்ப்போம்.

தொழுகையை விடக்கூடிய நிலை:

கிரிக்கெட்
விளையாடக்கூடிய, பார்க்கக்கூடிய ஒருவர், (அது பகல் ஆட்டமாகவோ அல்லது இரவு
ஆட்டமாக இருந்தாலும் சரியே) தொழுகையை விடுபவராக இருக்கிறார். கிரிக்கெட்
விளையாட்டில் ஈடுபட்டிருக்கும் ஒரு முஸ்லிம் ஐந்து நேரத் தொழுகையை
கண்டிப்பாக ஐமாஅத்தோடு தொழக் கூடியவராக இருக்க முடியாது.

அபூஹுரைரா(ரலி)
அவர்கள் அறிவிக்கிறார்கள்: நபி(ஸல்) அவர்கள் கூறினார்கள் மறுமையில் ஒரு
மனிதனின் அமல்களைப் பற்றி விசாரிக்கப்படும்போது தொழுகையைப் பற்றித்தான்
முதன்முதலாக விசாரிக்கப்படும் (அபூதாவூது)

தொழுகையை
விட்டுவிட்டு கிரிக்கெட் விளையாட்டில் ஈடுபட்டு இருக்கும் ஒருவர்
மறுமையில் அல்லாஹ்வின் முன்னிலையில் இந்த கேள்விக்கு என்ன பதில் தயாரித்து
வைத்து இருக்கிறார்? தொழுகையை விடுவதால் இஸ்லாமிய வட்டத்தில் இருந்து
வெளியே செல்லக்கூடிய நிலை இருக்கும்போது அப்படிப்பட்ட விளையாட்டு நமக்குத்
தேவைதானா?இளைஞர்களே சிந்திக்கக் கடமைப்பட்டு உள்ளீர்கள்!

வீண் செலவுகள் பண விரயம்:

கிரிக்கெட் Cricket Index

இந்த
விளையாட்டைப் போன்று எந்த ஒரு விளையாட்டிலும் பணம் வீணடிக்கப்படுவதில்லை.
போட்டிகளைக் காண டிக்கெட் வாங்குவது, டிஷ் (குடை) வைப்பது, பணம் கொடுத்து
கட்டண சேனல்களை (Pay Channel)பெறுவது, எல்லாமே வீண்செலவுகள். தான தர்மங்கள்
செய்வதில் இருந்து விலகி நிற்கும் இவர்கள், போட்டிகளை காண்பதற்காக
ஆயிரக்கணக்கில் செலவு செய்வது ஆச்சரியமாக உள்ளது. அத்தியாவசிய செலவுகள்
செய்வதற்கு ஆயிரம் முறை யோசிக்கக்கூடியவர்கள் கிரிக்கெட் போட்டிகளை
காண்பதற்காக ஆயிரக்கணக்கில் செலவு செய்யத் தயங்குவதில்லை.

இவர்கள்
திர்மிதியில் இடம் பெற்ற ஒரு ஹதீதை வசதியாக மறந்துவிட்டார்கள் என்றே
தோன்றுகிறது. ‘முஹம்மது நபி(ஸல்) அவர்கள் கூறினார்கள் மறுமை நாளில், நான்கு
கேள்விகளுக்கு பதில் சொல்லாத வரையில் ஒரு அடிகூட முன்னால் எடுத்து வைக்க
முடியாது. அவற்றில் ஒன்றுதான் சம்பாதித்த பணத்தை எவ்வாறு செலவு செய்தாய்…
(திர்மிதி)

மேலும்
இளைஞர்களே! இறைவன் கூறுவதுபோல் வீண் செலவுகள் செய்து ஷைத்தானின்
சகோதரர்களாகி விடாதீர்கள். நிச்சயமாக வீண்விரயம் செய்வோர் ஷைத்தானுடைய
சகோதரர்களாக இருக்கின்றனர். ஷைத்தானோ தன் இரட்சகனுக்கு நன்றி செலுத்தாது
மாறு செய்தவனாக இருக்கின்றான். (17:27)

பணம் புகழ் சம்பாதிக்க வேண்டும் என்ற பேராசை:

கிரிக்கெட்
வீரர்கள் போன்று பணம் புகழ் ஈட்ட வேண்டும் என்ற பேராசை காரணமாக மார்க்கம்,
படிப்பு எல்லாவற்றையும் விட்டுவிட்டு கிரிக்கெட் ஒன்றையே குறிக்கோளாகக்
கொண்டு குழந்தைகள் வளர்க்கப்படுகிறார்கள். கிரிக்கெட் வீரர்கள்
செல்வச்செழிப்பில் மிதப்பதை பார்த்துவிட்டு இந்திய அணிக்காக விளையாடினால்
கோடீஸ்வரனாகி விடலாம் என்ற எண்ணத்தில் அதிகமான பெற்றோர்கள் தங்கள்
குழந்தைகளை பள்ளிக்கு அனுப்புவதற்கு பதிலாக கிரிக்கெட் விளையாடுவதற்கு
பயிற்றுவிக்கப்படுகிறார்கள்.

பெற்றோர்களே! உங்கள் குழந்தைகளை இஸ்லாமிய முறைப்படி வளர்க்க வேண்டிய பொறுப்பு உங்கள் மீது சாட்டப்பட்டுள்ளது.

இறைவன்
திருமறையில் கூறுகிறான் (செல்வத்தையும், மக்களையும்) ஒருவருக்கொருவர்
அதிகமாகத் தேடிக்கொள்வது உங்களைப் பராக்காக்கிவிட்டது. (102:1).

இறைவன்
கூறுவது போல செல்வத்தைப் பெருக்கும் ஆசை உங்களை பராக்காக்கி விடவேண்டாம்
மறுமைநாளில் இறைவன் முன்னிலையில் என்னுடைய குழந்தைகயை இஸ்லாமிய முறைப்படி
வளர்த்தேன் என்று பயமில்லாமல் சொல்லக்கூடிய ஒருவராக அனைத்து
பெற்றோர்களையும் ஆக்கி வைப்பானாக!

பொழுதுபோக்கு:

கிரிக்கெட் Cricket Images

நன்றி:- உண்மை வலம்

நன்றி:- suvanam.கொம்

http://azeezahmed.wordpress.com/

**ஸ்ரீஜா** · **ஸ்ரீஜா** Mon 14 Mar 2011 - 12:35

கிரிக்கெட் ஐ மட்டும் சொல்வதில் அர்த்தமில்லை ............... நண்பரே...... இது போல நிரயா விஷயங்கள் உலகத்தில் உள்ளன..... நான் இதை ஒப்பு கொள்ளவே மாட்டேன்..... கிரிக்கெட் Cricket 865843

ARR · ARR Mon 14 Mar 2011 - 13:25

கிரிக்கெட், பொழுது போக்கு என்ற வகையில்மட்டும் நம் வாழ்வில் இடம்பிடித்தால் தவறில்லை..

அன்பு தளபதி · அன்பு தளபதி Mon 14 Mar 2011 - 13:36

இந்த கட்டுரையின் நோக்கம்தான் என்ன என்ன சொல்ல நினைக்கிறீர்கள் கிரிக்கெட் என்பது ஒரு விளயாட்டு மேற்க்கத்திய நாடுகளில் இருக்கும் எனக்கு தெரிந்த பல இஸ்லாமிய நண்பர்கள் கால்பந்து ஆட்டத்தின் தீவிர ரசிகர்கள் விளயாட்டை கூட மதமாக்குவது இப்பொழுது புதிய ட்ரெண்ட் போல இருக்கிறது

**Manik** · **Manik** Mon 14 Mar 2011 - 17:22

கிரிக்கெட் மட்டுமே தப்புன்னு சொல்லாதீங்க நீங்க படிக்க போன பரீட்சை எழுத போன அங்கெல்லாம் எப்படி நேரத்துக்கு தொழுகை பண்ண முடியும் அது மாதிரி இதுவும் முக்கியமான இடம்னு நினைக்கணும்ங்க கிரிக்கெட் வெறும் பொழுதுபோக்கு மட்டும் தான் வாழ்க்கை இல்ல நம்ம அத நம்ம வாழ்க்கைக்குள்ள கொண்டு வர்ரப்பதான் இவ்ளோ விஷயம் உங்களுக்கு தப்பா தெரிய வருது

Sponsored content · Sponsored content

கிரிக்கெட் Cricket

கிரிக்கெட் Cricket

Re: கிரிக்கெட் Cricket

Re: கிரிக்கெட் Cricket

Re: கிரிக்கெட் Cricket

Re: கிரிக்கெட் Cricket

Re: கிரிக்கெட் Cricket

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக