தங்கைக்காக..! (கவிதை)

**kirikasan** · **kirikasan** Sun 13 Mar 2011 - 22:49

எண்ணம் திரைகடல் என்றுஎழுந்துமே
ஏனோ குமுறக் கண்டேன்
கண்கள் துயரினைக் கண்டு சிவந்திட
காணும் மனம் அறிந்தேன்
வண்ண விழியது வாடுவது கண்டு
வாய்மௌன மாய்த் துடித்தே
தண்ணிலவு முகம் தேய்ந்து குறைந்திட
தாங்காத்துயர் வருதே

பொங்கிவிரிந்திடும் பொன்னலை கொள்கடல்
பேசா திருந் திடுமோ
மங்கு மினிமாலை தன்மணம் விட்டொரு
மல்லிகை தூங்கிடுமோ
அங்கு மனம்கொண்ட வேதனை நெஞ்சினில்
யாரறிவார் எதுவோ?
எங்கிருந்து மகிழ்வென்னு முணர்வினை
ஏற்றி இறக்குவதோ

பாரிஜாத மலர் தேடி இமயமும்
பாதை நடந்திடவா?
ஏரி குளம் கடல் எங்கும் சுழியோடி
எடுத்து முத்திடவா:?
காரிருள் தன்னிலேகாட்டில் அடர்மரக்
கூட்டத்தில் தேடிடவா?
தேரிலிருத்தியே தெய்வமென உன்னை
தெருவில்சுற்றிடவா?

புன்னகை ஒன்றுபுரி மனமே வாழ்வில்
புத்தொளி தோன்றுமென்று
என்னஇருப்பினும் உள்ளதிலே ஒரு
இன்பத்தை காணு இன்று
பொன்பல தேடினும் போதியபொழுது
போக்கு இருந்திடட்டும்
துன்பமெல்லாம் கொஞ்சநாளே வாழ்விற்பல
சொல்லா திருப்பம் வரும்

மஞ்சுபாஷிணி · மஞ்சுபாஷிணி Sun 13 Mar 2011 - 23:33

காதலிக்காக எதையும் செய்ய தயங்காத ஒரு கூட்டமுண்டு...
வானவில்லை வளைக்கவா இமயத்தை பெயர்க்கவா என்று...
ஆனால் இங்கே பாசத்துடன் தங்கைக்காக இயற்றிய வரிகள் எத்தனை அருமையாய்.....

தேரில் தெய்வம் மட்டும் தான் வரனுமா என்ன? என் தங்கையையும் ஏற்றி தெய்வமனெ சுற்றி வருவேன் என்று சொன்ன வரிகள் மிக அழகு...

அன்பு வாழ்த்துகள் ஐயா அருமையான கவிதைக்கு.

**kirikasan** · **kirikasan** Mon 14 Mar 2011 - 0:50

நன்றி
பாராட்டுக்கள் என்னும் உளிகள் என்மனதை சீராக்கும்
ஆயுதங்கள், தங்களின் பாராட்டு என்னைக் கவிஎன்றஏணியில் உயரத்துக்கு ஏற்றிக்கொண்டே இருக்கும் நன்றிகள்

varsha · varsha Mon 14 Mar 2011 - 7:59

அருமை அண்ணா அருமை
பாசமலரை நினைவு படுத்துகிறது

Sponsored content · Sponsored content

தங்கைக்காக..! (கவிதை)

தங்கைக்காக..! (கவிதை)

Re: தங்கைக்காக..! (கவிதை)

Re: தங்கைக்காக..! (கவிதை)

Re: தங்கைக்காக..! (கவிதை)

Re: தங்கைக்காக..! (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக