எதிர்பார்ப்பு அதிகம் உள்ளதே இந்தியாவுக்கு நெருக்கடி: ஆம்லா

md.thamim · md.thamim Sat Mar 12, 2011 12:33 am

எதிர்பார்ப்பு அதிகம் உள்ளதே இந்திய அணிக்கு நெருக்கடியை அதிகரிக்கும்
என்று தென்னாப்பிரிக்க வீரர் ஹசிம் ஆம்லா கூறியுள்ளார்.உலகக் கோப்பை
கிரிக்கெட் போட்டியில் நாகபுரில் சனிக்கிழமை (நாளை) நடைபெறும் ஆட்டத்தில் இந்திய
அணி தென் ஆப்பிரிக்காவை எதிர்கொள்கிறது. இதற்காக தென் ஆப்பிரிக்க வீரர்கள்
நாகபுரி வந்துள்ளனர். அந்த அணியின் முன்னணி பேட்ஸ்மேன் ஆம்லா,
இந்தியாவுடனான ஆட்டம் குறித்து கூறியது: இந்தியாவில் ஆடும் போது எப்போதும்
ரசிகர்களின் உற்சாகக் குரல் அதிகம் இருக்கும். இந்தியா விளையாட்டால்
ரசிகர்களின் உற்சாகம் பல மடங்கு அதிகரிக்கும். ஏற்கெனவே பல முறை
இந்தியாவில் நாங்கள் விளையாடியுள்ளதால் இது எங்களுக்கு பிரச்னை
ஏற்படுத்தாதது.இந்திய அணி மீது ரசிகர்கள் வைத்துள்ள எதிர்பார்ப்பே
அவர்களுக்கு அதிக நெருக்கடி அளிக்கும் என்பதே எனது கருத்து. ஏற்கெனவே
தென்னாப்பிரிக்காவில் நடைபெற்ற ஒருநாள் தொடரில் இந்தியாவை
தோற்கடித்துள்ளோம். எனவே நம்பிக்கையுடன் களம் இறங்குவோம். முந்தைய
ஆட்டத்தில் இங்கிலாந்துடன் 6 ரன்கள் வித்தியாசத்தில் தோல்வியடைந்தோம். இதன்
மூலம் நல்ல பாடம் கற்றுக் கொண்டுள்ளோம். அந்த ஆட்டத்தில் செய்த தவறுகளைப்
புரிந்துகொண்டோம். எனவே இந்திய அணிக்கு அணிக்கு சவால் அளிக்கும் வகையில்
ஆடுவோம் என்றார் ஆம்லா.
நன்றி
தினமணி

**சிவா** · **சிவா** Sat Mar 12, 2011 10:08 am

இந்திய அணிக்கு சவால் மட்டும் அளியுங்கள், ஆனால் தோற்று விடுங்கள்! எதிர்பார்ப்பு அதிகம் உள்ளதே இந்தியாவுக்கு நெருக்கடி: ஆம்லா 755837

உதயசுதா · உதயசுதா Sat Mar 12, 2011 5:16 pm

உண்மைதான் இந்தியா மண்ணில் இந்தியா வீரர்களுக்கு இருக்கும் எதிர்பார்ப்பு அவர்களை கொஞ்சம் தடுமாற செய்யும்.ஜெய்க்க வில்லை என்றால் இந்த மக்கள் என்ன செய்வார்கள் என்பது அவர்கள் ஈடன் கார்டன் மைதானத்தில் பார்த்ததுதானே.ஆனால் அதையெல்லாம் புறம் தள்ளிவிட்டு வெற்றி வாகை சூட வேண்டும் என்பதுதான் எங்கள் அனைவரது ethirpaarppum