மெக்சிகோவின் கார்லோஸ் தான் உலகின் முதல் கோடீசுவரர்: இந்தியாவில் கோடீசுவரர்கள் அதிகரிப்பு

மெக்சிகோவின் கார்லோஸ் தான் உலகின் முதல் கோடீசுவரர்: இந்திய கோடீசுவரர்கள் அதிகரிப்பு. வெளிநாடு வாழ் இந்தியர் லட்சுமி மிட்டல் 6-வது இடத்தில் இருக்கிறார்



நியூயார்க், மார்ச்.11- மெக்சிகோ நாட்டு டெலிகாம் கம்பெனி அதிபர் கார்லோஸ் ஸ்லிம் உலக கோடீசுவரர்கள் பட்டியலில் முதல் இடத்தில் தொடர்ந்து நீடிக்கிறார். வெளிநாடு வாழ் இந்தியர் லட்சுமி மிட்டல் 6-வது இடத்தில் இருக்கிறார்.

ரூ.3 லட்சத்து 70 ஆயிரம் கோடி

அமெரிக்கா பத்திரிகை போர்ப்ஸ் ஒவ்வொரு ஆண்டும் உலக கோடீசுவரரர்களின் சொத்து விவரங்களை சேகரித்து, அவர்களின் சொத்து மதிப்புக்கு ஏற்ப வரிசைப்படுத்தி பட்டியலிட்டு வருகிறது. இந்த ஆண்டுக்கான பட்டியல் இப்போது வெளியாகி உள்ளது. இதில் முதல் இடத்தில் இருப்பவர் கார்லோஸ் ஸ்லிம்.

இவர் மெக்சிகோ நாட்டை சேர்ந்தவர். டெலிகாம் தொழில் செய்து வருகிறார். இவரது சொத்து மதிப்பு ரூ 3 லட்சத்து 70 ஆயிரம் கோடி ஆகும். கடந்த ஆண்டு இவரது சொத்து மதிப்பு ரூ.2 லட்சத்து 67 ஆயிரம் கோடி ரூபாய் ஆகும். ஒரு ஆண்டு காலத்தில் மட்டும் அவர் ஒரு லட்சத்து 3 ஆயிரம் கோடி ரூபாய் சம்பாதித்து இருக்கிறார்.

பில்கேட்ஸ்

2-வது இடத்தில் மைக்ரோசாப்ட் நிறுவன அதிபர் பில்கேட்ஸ் இருக்கிறார். அவரது சொத்து மதிப்பு ரூ.2 லட்சத்து 80 ஆயிரம் கோடி ஆகும். அமெரிக்காவை சேர்ந்த முதலீட்டு நிபுணர் வாரன் பப்பெட் 3-வது இடத்தில் இருக்கிறார். அவரது சொத்து மதிப்பு ரூ.2 லட்சத்து 50 ஆயிரம் கோடி ஆகும்.

பிரஞ்சு நாட்டு தொழில் அதிபர் பெர்னார்டு அர்னால்ட் 4-வது இடத்தில் இருக்கிறார். அவருக்கு ரூ.2 லட்சத்து 5 ஆயிரம் கோடி சொத்துக்கள் இருக்கின்றன. இவர் தான் ஐரோப்பாவிலேயே மிகப்பெரிய கோடீசுவரர்.

5-வது இடம்

5-வது இடத்தை கம்ப்யூட்டர் ஆரக்கிள் நிறுவன அதிபர் லாரி எல்லீசன் பிடித்து இருக்கிறார். இவர் ஒரு லட்சத்து 95 ஆயிரத்து 500 கோடி ரூபாய் மதிப்புள்ள சொத்துக்கு சொந்தக்காரர் ஆவார்.

6-வது இடத்தில் இருப்பவர் இந்தியர். வெளிநாட்டில் வாழும் உருக்காலை அதிபர் லட்சுமி மிட்டல் ஆவார். இவரது சொத்து மதிப்பு ஒரு லட்சத்து 55 ஆயிரம் கோடி ஆகும்.

அம்பானி

இந்திய தொழில் அதிபர் முகேஷ் அம்பானி கடந்த ஆணடு இந்த பட்டியலில் 4-வது இடத்தில் இருந்தார். இந்த ஆண்டு அவர் 9-வது இடத்துக்கு தள்ளப்பட்டு இருக்கிறார். அவரது சொத்து மதிப்பு ஒரு லட்சத்து 3 ஆயிரத்து 500 கோடி ரூபாய் ஆகும்.

கடந்த ஆண்டு கோடீசுவரர்களின் எண்ணிக்கை 1011 ஆக இருந்தது. இந்த ஆண்டு இந்த எண்ணிக்கை 1210 ஆக உயர்ந்து உள்ளது. மொத்த கோடீசுவரர்கள் பட்டியலில் 33 சதவீதம் அமெரிக்கர்கள் ஆவார்கள். இந்த ஆண்டு கோடீசுவரர்கள் பட்டியலில் ஆசிய நாடுகளை சேர்ந்தவர்கள் எண்ணிக்கை அதிகரித்து உள்ளது. அவர்கள் ஐரோப்பியர்களை பின்னுக்கு தள்ளி விட்டு முன்னணியில் உள்ளனர்.

இந்திய கோடீசுவரர்கள் அதிகரிப்பு

இந்தியாவில் கோடீசுவரர்கள் எண்ணிக்கை 49-ல் இருந்து 55 ஆக உயர்ந்து உள்ளது. சீனாவில் கடந்த ஆண்டு 69 கோடீசுவரர்கள் தான் இருந்தனர். இந்த ஆண்டு 115 கோடீசுவரர்கள் இருக்கிறார்கள். ஆங்காங்கில் உள்ள கோடீசுவரர்கள் எண்ணிக்கை கடந்த ஆண்டு 25 தான் இருந்தது. இந்த ஆண்டு அது 36 ஆக உயர்ந்து உள்ளது.

இந்திய கோடீசுவரர்களில் விப்ரோ தலைவர் அசிம் பிரேம்ஜி உலக கோடீசுவரர்கள் பட்டியலில் 36-வது இடத்திலும், (சொத்து மதிப்பு 84 ஆயிரம் கோடி)ரவி ரூயா 42-வது இடத்திலும், சாவித்திரி ஜிந்தால் 56-வது இடத்திலும், கவுதம் அதானி 87-வது இடத்திலும், குமார் பிர்லா 97-வது இடத்திலும் (46ஆயிரம் கோடி)இருக்கிறார்கள்.

சிவா அண்ணா என்னை இதில செற்கலையா ?

kannan3536 wrote:சிவா அண்ணா என்னை இதில செற்கலையா ?

உங்களுடைய சொத்து விபரம் எனக்கு தெரியாதே கண்ணன்!

ஒண்ணுமே இல்லப்பா

அது சரி அப்ப 2g கறரும் இதுக்குள்ள வரனுமே ?