ஜாதி கட்சி தலைவரானார் சரத் குமார்

நாடார் சமுதாய மக்களின் வாக்கு வங்கி பலத்தை நிரூபிக்கும் வகையில் நடிகர் சரத்குமார் தலைமையில் புதிய அமைப்பு தொடங்கப்பட்டு‌ள்ளதா‌ல் ச‌ட்ட‌ப்பேரவை தே‌ர்தலு‌க்கு ‌பி‌ன்ன‌ர் அகில இந்திய சமத்துவ மக்கள் கட்சி‌யி‌ன் பெய‌ரை அவ‌ர் மா‌ற்று‌கிறா‌ர்.

பல்வேறு நாடார் அமைப்புகளின் பிரதிநிதிகள் கலந்து கொண்ட ஆலோசனை கூட்டம் சென்னையில் நே‌ற்று மாலை நடைபெற்றது.

இ‌ந்த கூ‌ட்ட‌த்‌‌தி‌ல் சமத்துவ மக்கள் கட்சித் தலைவர் ஆர். சரத்குமார், இந்திய நாடார்கள் கூட்டமைப்பு தலைவர் எஸ்.டி. நெல்லை நெடுமாறன், தட்சணமாற நாடார் சங்கத் தலைவர் எஸ்.ஆர். சுப்பிரமணிய ஆதித்தன் உள்பட ப‌ல்வேறு நாடா‌ர் சமுதாய ச‌ங்க‌ ‌பிர‌தி‌நி‌திக‌ள் கல‌ந்து கொ‌ண்டன‌ர்.

அனைத்து நாடார் அமைப்புகளையும் ஒருங்கிணைத்து ஒரு புதிய அரசியல் அமைப்பை தொடங்குவது என்று அந்தக் கூட்டத்தில் முடிவு செய்யப்பட்டது. புதிய அமைப்பின் தலைவராக சரத்குமார் தேர்வு செய்யப்பட்டார்.

சட்டப்பேரவை தேர்தல் நெருங்கிவிட்டதால், ஏற்கனவே சரத்குமார் தலைமையில் இயங்கி வரும் அகில இந்திய சமத்துவ மக்கள் கட்சியின் பெயரிலேயே வரும் தேர்தலை சந்திப்பது என்றும், தேர்தலுக்குப் பின் கட்சிக்கு சூட்ட வேண்டிய புதிய பெயர், கட்சியின் கொடி ஆகியவை குறித்து முடிவு செய்வது என்றும் கூட்டத்தில் தீர்மானிக்கப்பட்டது.

அத‌ன் ‌பி‌ன்ன‌ர் செ‌ய்‌தியாள‌ர்க‌ளிட‌ம் பே‌சிய சரத்குமார், அ.தி.மு.க., தி.மு.க. ஆகிய கட்சிகளில், நாடார் சமுதாயத்துக்கு உரிய மரியாதை அளிக்கும் விதத்தில் எங்களுக்கு தொகுதிகளை தரும் கட்சியுடன் தேர்தல் கூட்டணி அமைப்பது பற்றி பரிசீலிப்போம் எ‌ன்றா‌ர்.

அடுத்த 48 மணி நேரத்துக்குள் அவ்விரு கட்சிகளும் எங்களுக்கு திருப்தி தரும் முடிவை தெரிவிக்காவிட்டால், சுமார் 50க்கும் மேற்பட்ட தொகுதிகளில் எங்கள் அமைப்பு தனித்துப் போட்டியிடும் எ‌ன்று சர‌த்குமா‌ர் கூ‌றினா‌ர்.

தமிழகத்தில் எத்தனை தொகுதிகளில் வெற்றி, தோல்வியை நிர்ணயிக்கும் சக்தி நாடார் சமுதாய மக்களுக்கு உள்ளது என்பதை வரும் தேர்தலில் நிரூபிப்போம் என்று‌‌‌ம் சரத்குமார் தெ‌ரி‌வி‌த்தா‌ர்.



நன்றி வெப்துனியா

ராம்

அப்படின்னா அதுவும் சரி ,,,,,இத்வும் சரி