காங்கிரசுக்கு 63 தொகுதிகள்! கருணாநிதி அறிவிப்பு

கடந்த சிலநாட்களாக இழுபறி நிலைமையில் இருந்த திமுக காங். கூட்டணி தொகுதிப்பங்கீடு பிரச்சனை இன்று 63 தொகுதிகளை காங்கிரசுக்கு அளிக்க முதல்வர் கருணாநிதி அறிவித்ததை தொடர்ந்து கூட்டணி பிரச்சனை முடிவுக்கு வந்துள்ளது.



காங்கிரஸ் கட்சி தமிழகத்தில் 63 சீட் கேட்பது நியாயமா?' என்று கேட்டு இதனால் மத்திய அமைச்சரவையில் இருந்து நாங்கள் விலகுகிறோம் என்று அறிவித்த முதல்வர் கருணாநிதி, இரண்டே நாளில் தன் முடிவை மாற்றிக் கொண்டார். காங்கிரஸ் கேட்ட 63 சீட்களை தர ஒப்புக்கொண்டார். அமைச்சர்களின் ராஜினாமா நாடகமும் முடிவுக்கு வந்தது.

தி.மு.க., அமைச்சர்கள் தங்களது ராஜினாமா கடிதங்களை பிரதமரிடம் திங்கள் கிழமை காலையில் அளிப்பர்' என்று தி.மு.க., ஏற்கனவே அறிவித்து இருந்தது. இந்நிலையில் நேற்று காலை டில்லி வந்திறங்கிய ஆறு திமுக அமைச்சர்களும் நேரடியாக அமைச்சர் அழகிரியின் இல்லத்திற்கு விரைந்தனர். அங்கிருந்து அனைவரும் ஒன்றாக சேர்ந்து பிரதமரை சந்திக்கச் செல்வர் என்றும் கூறப்பட்டது.

மத்திய ஊழல் ஆணையத்தின் தலைவராக தாமஸ் நியமிக்கப்பட்ட விவகாரம் குறித்து பார்லிமென்டில் அறிக்கை தாக்கல் செய்வதில் பிரதமர் வட்டாரங்கள் முனைப்பாக இருந்ததால் இந்த சந்திப்பு நடைபெற வாய்ப்பில்லாமல் போகவே,. மதியம் 12 மணியளவில் பார்லிமென்டில் பிரணாப் முகர்ஜியை தி.மு.க., தரப்பிலிருந்து அமைச்சர் ஒருவர் மட்டும் வந்து சந்தித்து விட்டு போனார். அவர் சென்ற சில நிமிடங்களில் வந்த. குலாம் நபி ஆசாத் "பேச்சுவார்த்தையில் முன்னேற்றம் ஏதும் ஏற்படவில்லை; முட்டுக்கட்டை நீடிக்கிறது' என்று கூறிவிட்டு சென்றார்.

பின்னர் 4 மணியளவில் முதல்வர் கருணாநிதியை நிதியமைச்சர் பிரணாப் முகர்ஜி, தொலைபேசி மூலம் தொடர்பு கொண்டு பேசினார். சென்னையில் இதை உறுதிப்படுத்திய துணை முதல்வர் ஸ்டாலின், "மேலும் ஒரு நாள் கால அவகாசம் காங்கிரஸ் கேட்டிருப்பதாக அறிவித்தார். இதையடுத்து, பரபரப்பு தற்காலிகமாக முடிவுக்கு வந்தது. துணை முதல்வரின் அறிவிப்பையடுத்து, நேற்று நாள் பூராவும் அழகிரி வீட்டில் ராஜினாமா கடிதங்களோடு காத்திருந்த தி.மு.க., அமைச்சர்கள், பிரதமருடனான சந்திப்பு நிகழ்ச்சியை கைவிட்டனர்.

காங்கிரசுக்கு தி.மு.க., 60 தொகுதிகள் வரை தருவதற்கு ஒப்புக் கொண்டது. பா.ம.க., தரப்பில் இருந்து 3 தொகுதிகள் வரை விட்டுக் கொடுத்து மொத்தம் 63 தொகுதிகளாக அளித்து சுமுகமான ஒரு முடிவை எடுத்து, இழுபறிக்கு முற்றுப்புள்ளி வைக்க திட்டமிட்டிருப்பதாகக் கூறப்படுகிறது.


இந்நேரம்

அவன் நினைத்தானா இது ... நடக்குமென்று...

பதவிக்காக எதையும் செய்வார் தலைவர் என்பதை மீண்டும் நிரூபித்து விட்டார்

ரபீக் wrote:பதவிக்காக எதையும் செய்வார் தலைவர் என்பதை மீண்டும் நிரூபித்து விட்டார்

ரபீக் wrote:பதவிக்காக எதையும் செய்வார் தலைவர் என்பதை மீண்டும் நிரூபித்து விட்டார்

கரெக்டா சொன்னீங்க நண்பா

இன்னும் தேர்தலுக்கு 36 நாட்களே எஞ்சிய நிலையில் இவர்கள் இன்னும் தொகுதி பங்கீட்டே முடியவில்லை .அட போங்கப்பா இந்த தேர்தல் ரொம்ப போராடிக்கிறது .ஒரு சுவாரசியமும் இல்லை .20 ,25 நாட்கள் மட்டுமே நம்மை ரசிக்க வைப்பார்கள் போல

ராம்

வருகின்ற தேர்தல் மக்கள் சரியான படம் புகட்டவேண்டும்!

யோவ் உன் நாடகம் தான் எங்களுக்கு தெரியுமே

பிளேடு பக்கிரி wrote:யோவ் உன் நாடகம் தான் எங்களுக்கு தெரியுமே

அய்யோ ராமா ராமா
யாருக்கு ஓட்டு போடுவது என்பதை முடிவு செய்யமுடியாத சூழ்நிலையை கொண்டுவந்துவிடுவார்கள்.இது நிச்சையம்.