இடம் மாறிய சீதை

**சிவா** · **சிவா** Sat Mar 05, 2011 10:50 pm

விஜயநகர பேரரசர் கிருஷ்ண தேவராயர் காலத்தில் ஆந்திரா மாநிலத்தில் இருந்த ராஜ×க்கள் இனத்தை சேர்ந்தவர்களில் சிலர் ராஜபாளையம் பகுதிக்கு வந்து குடியேறினர். அவர்கள் அங்கு வந்தபோது தாங்கள் வழிபடுவதற்காக ஒரு ராமர் சிலையை கையோடு எடுத்து வந்தனர்.

அந்த சிலையை ஓரிடத்தில் பிரதிஷ்டை செய்து சிறிய கோவில் எழுப்பினர். காலப்போக்கில் அந்த கோவில் விரிவாக்கம் செய்யப்பட்டு தற்போது அழகிய சிற்பங்கள் கொண்ட கோவிலாக காட்சியளிக்கிறது.

இங்குள்ள ராமர் வில் (கோதண்டம்) ஏந்தி இருப்பதால் `கோதண்டராமர்' என்று அழைக்கப்படுகிறார். ராமருக்கு அருகில் புன்னகை காட்டிய முகத்துடன் அவரது மனைவி சீதையும், தம்பி லட்சுமணரும் உள்ளனர். அனுமன் இவர்களுக்கு முன்பு இருகை கூப்பி வணங்கிய நிலையில் காணப்படுகிறார்.

பொதுவாக பெருமாள் கோவில்களில் சுவாமிக்கு இடது பக்கம்தான் தாயார் வீற்றிருப்பார். ஆனால் இந்த கோவிலில் கோதண்டராமருக்கு வலது பக்கம் சீதை வீற்றிருந்து அருள் பாலிக்கிறார். ராமருக்கு வலதுபக்கம் சீதாதேவி வீற்றிருப்பதால் அவருக்கு கூடுதல் சக்தி உண்டு என்கிறார்கள்.

இவரை வணங்கினால் கைக்கூடாத காரியமே இல்லை என்று கூறி மெய்சிலிர்க்கிறார்கள் இங்கு வரும் பக்தர்கள்.

ராஜபாளையம் புதிய பஸ் நிலையத்தில் இருந்து ஒரு கிலோ மீட்டர் தொலைவில் இந்த கோவில் உள்ளது.

மஞ்சுபாஷிணி · மஞ்சுபாஷிணி Sat Mar 05, 2011 10:54 pm

அரிய தகவல் அறிய தந்தமைக்கு அன்பு நன்றிகள் சிவா....

கலைவேந்தன் · கலைவேந்தன் Sun Mar 06, 2011 12:48 am

அரிய தகவலுக்கு நன்றி சிவா...!

பிரகாசம் · பிரகாசம் Sun Mar 06, 2011 10:48 am

nandhtiha · nandhtiha Sun Mar 06, 2011 11:05 am

பெருமதிப்புக்குரிய
டாக்டர் சிவா அவர்கட்கு

வணக்கம்

ஆன்மீகத்தில் இரு முக்கியமான பிரிவுகள் உள. ஒன்று ஐஹிகம் மற்றது ஆமுஷ்மிகம். ஐஹிகம் என்பது இந்த உலகத்தில் வாழும்போது எல்லாப் பேறும் பெற்று மற்றவர்க்கும் உபதேசித்து அவர்களையும் முன்னேற்றுவது, மற்றதான ஆமுஷ்மிகம் மேலுலக வாழ்க்கை எண்ணித் தூய உள்ளத்துடன் மற்றவர்க்கு எடுத்துக் காட்டாக வாழ்வது. அருள் மிகு முருகன் விக்ரஹத்தில்
தெய்வயானை வலது புறத்திலும் வள்ளி இடது புறத்திலும், திருமால்
திருக்கோயில்களில்ஸ்ரீ தேவியான இலக்குமி வலது புறத்திலும், பூமா தேவி இடது
பக்கத்திலும், ஸ்ரீவிநாயகருக்கு வலது புறத்தில் சித்தியும் (siddhi) வலது
புறத்தில் புத்தியும் இடங்கொண்டு அருள்வது இக்கொள்கை பற்றியே, தாங்கள் குறிப்பிட்ட
திருக்கோயிலில் உள்ள சீதா தேவிக்கு சீதா லக்ஷ்மி என்பது பெயராம்
என்றும்
மாறா அன்புடன்
நந்திதா