ஐவிரல் தீண்ட துடிக்குதடி...

srinihasan · srinihasan Sat Mar 05, 2011 11:01 am

கொண்ட காதலை
கவிதையாய் வடித்திட
கைகள் துடிக்கின்றது...

எழுதிடாமல் இருக்க
கைகளுக்கு விலங்கினை
பூட்டிட நினைக்கிறேன்...

அதனையும்மீறி எழுதுவதை
தடுக்க முடியாததால்
விரலினையே வெட்டிவிட
மனம் எண்ணுகிறது...

மீண்டும் ஒருமுறை
காதல் மலர்ந்தால்
உன்னை வர்ணித்து
எழுதிவிடாமல் போய்விடுமோ
என்று அஞ்சியே
செய்யாமல் போகிறேன்...

இருப்பினும் தற்போது
எழுதுவதை தடுக்க
என்கட்டை விரலினை
மடித்து கட்டிக்கொள்கிறேன்...

உன்மேனியை தீண்டிடாத
விரல்கள் என்றாலும்
காகிதத்தில் ஓவியமாய்
மீதியிருக்கும் நான்கு
விரல்களும் காதலை
சொல்லிக்கொண்டே இருக்கின்றது
அவ்வவ்வபோது என்னசெய்வேன்...

**அருண்** · **அருண்** Sat Mar 05, 2011 12:17 pm

இருப்பினும் தற்போது
எழுதுவதை தடுக்க
என்கட்டை விரலினை
மடித்து கட்டிக்கொள்கிறேன்...[quote]

அருமையான வரிகள்! ஐவிரல் தீண்ட துடிக்குதடி... 678642

ஹாசிம் · ஹாசிம் Sat Mar 05, 2011 12:30 pm

ஏனிந்த வேதனை நண்பா எழுதுங்கள்முடியும் வரை அவளடையும் வரை ஐவிரல்களும் அவளை தீண்டும்வரை வாழ்த்துகள் அருமை கவிதை

மஞ்சுபாஷிணி · மஞ்சுபாஷிணி Sat Mar 05, 2011 1:39 pm

காதலை தடுக்கும் சக்தி இப்பூவுலகில் ஏது?
அன்பையும் காதலையும் நேசிப்பவரிடமிருந்து கிடைத்துவிட்டால் இப்படி எல்லாம் கவிதை வரிகள் எழுத வைத்துவிடுகிறது....
கட்டைவிரல் கட்டிவிட்டால் கட்டவிழ்த்து செல்லும் எண்ணங்களுக்கு தடை போட முடியுமா?
அன்புக்கும் காதலுக்கும் அணை போடும் சக்தி இறைவனுக்கே இல்லையெனும்போது கட்டைவிரலா நிறுத்திவிட போகிறது...

ரொம்ப நாள் கழித்து உன் கவிதை படிக்க கிடைத்தது வாசா... நலமா?

மிக அருமையான வரிகள் காதலை சொல்லும் மென்மையான வரிகளுக்கு அன்பு வாழ்த்துக்கள் வாசா....